خاطرت في الغربه عشان خاطر عيون ريلي

السلام عليكم ورحمه الله وبركاااااااته

اشحالكن عرايسنا الحلواااات عساااااانكن بخير وعافيه ومبارك عليكم الشهر الكريم يعله ينتهي بغفران من الرحمن وعتق من النار لكل مسلم ومسلمه

ما اطول عليكن..بس بقولكم شو سويت عشان يوم ميلاد زوجي

انا يا جماعه الخير في الغربه مش في بلادي لظروف دراسة زوجي وصادف انه يوم ميلاد زوجي يوافق يوم نكون نحن فيه فالغربه مش في الاماااارات :sad:

وهذا ثاني يوم ميلاد له وانا زوجته والمره الاولى كنت حامل فيها وتعباااانه حيل ويدوب شريتله هديه وقلتله كل عام وانت بخير وكان الله غفور رحيم..بس الصراحه فعلا كنت تعبانه لاني للاسف طالعه على الوالده يوم نحمل نتعب واااااايد..بس الحمدلله على كل شي
ويوم ميلادي كان عقبه بشهرين..والريال ما خلى شي ما شرالي اياه وحسيت بفشششششله انه هديتي كانت متواضعه جدا عند هداياه...قلت ان شاء الله يوم ميلاده الثاني بفاجأه بشي حلو

ويا فرحه ما تمت..يته بعثه وطيرااااااان للغربه وانا ما اعرف المدينه زين وحتى لو عرفتها زين انا من النوع الخواف يعني لاااااا يمكن اطلع بدون زوجي ولا امشي اتلفت كل شوي..اخاف حد يتحرش ولا يسوي شي :s2 مسكينه انا خواااافه

والمشكله مش هني المشكله اني ما اطلع اببببدا من البيت بروحي وريلي ما كان معطيني بيزات عشان ايمعهن واشتريله شي..لاني اناا الهببببببله كل ما يعطيني فلوس في الغربه اقوله ليش وين بسير انا لا اطلع ولا اعرف حد عشان اطلع معاه واشتري شي ولوو طلعت معاك تراك انت ما تقصر تشتريلي اي شي بخاطري

والريال تعود ونا استحيت مره وحده اقوله ابغي بيزات بيقول ليش وانا ما ابغيه يعرف

انزين كيف اتصرفت؟؟؟؟؟؟؟










تعرفون الخرده..الدولارات العملات..اهو يوم ايي البيت تكون عنده خرده ونجمعهم في اكياس وبعدين نوديهم البنك عشان يعطونا بدالهم اوراق لانهم يحتاجون العملات..يعني الدراهم عندنا

اتخيلو تميت اجمع في هالدولارات والسنتات يوم كاااااااامل لين وصلو عندي 200 دولار

واليوم الثاني قلتله حبيبي طلعلي عربانت بنتي من السياره عشان بحط بنتي فيها واشلها معاي النادي..وهذا نادي يم بيتنا مره اروح امشي كل يوم ساعه الصبح لانه يكون فاظي ومافيه مخلوق ..

قالي غريبه بالعاده تحطينها في كرسي اليهال وتشلينها..

قلتله لااااااا تراها الحين ما شاء الله عليها كبرت ووزن صار فيها والصراحه ايدي تخدر وماقدر على شيلها..اهو المسكين اقتنع بسرعه ونزلي العربانه

وانا كنت مخططه اخليه يروح الجامعه وانا اطلع واروح المول واتشرا على كيفي وراحتي خصوصا انه يرد الساعه 5 العصر يعني عندي وووووووقت

بس الخطه اختربت..لانه ياني يقولي مالي نفس اداوم وبتم اليوم عندج وبسير معاج النادي

انا هني ارررررررررتفع ضغطي وتميت اقوله لا حبيبي لاااازم تروح واخوفه من المدرسين بس لااااااااا حياه لمن تنادي

لدرجه اني قلت في خاطري خلااااص يا بنت الناس كل شي اخترب وبلا مفاجأه وبلا نيله وبغيت اصيييييييح

بس الفكره الجهنميييييييييه يتني على طوووووووول

والصراحه كانت حرمه ربيعه واصله عند زوجها تقعد فتره رمضان وعقب ترد البلاد وانا اعرفها يعني كلمتها كم من مره

سويت نفسي اتكلم مع وحده وعقب قالي منو اتصل فيج قلتله هذي حرمت ربيعك واتصلت فيني تقولي انه زوجها راقد وهي تبغي تيي عندي وتروح النادي معاي
قالي وين ريلها راقد؟؟؟ قبل شوي اتصل فيني وقالي انا بطلع اتمشى مع الربع وما بداوم وقالي تعال معاي..بس انا ما ابغي

قلت وليييييييييييه اش هالحاله يعني كل ما اقول لهالريال يمين يقولي يسار

بس قلتله اوكيه يمكن ما تبغيه يعرف انت لا تقوله ولا تييب طاري مرته على لسانك مالنا خلق مشاكل اوكيه خخخخخخخخخخخخخخخخخخخخخخ

قالي اوكيه اوكيه ولا يهمج بس لا تتأخرين ..مسكين ريلي

المهم انا خذت معاي تيشرت له وبنطلون احتياط لو بغيت اخذ ملابس يكون عندي المقاس وشليت بنتي معاي وطلعت

والله يا عراسي اني كنت خااااايفه واتلفت وشويه وبموت من الخوف يعني ما اتحمل اطلع بدون ريال احس قلبي يتقرقع

ولين ما وصلت للمول يعني عقب ربع ساعه مشي..المهم سرت على طول صوب العطور وكنت حاطه في بالي اشتريله عطر بلاك اللي يمدحونه البنات في المنتدى ولقيته الحمدلله وعلى حظي اخر وااااااحد وشريته

وبضحكم الحرمه اللي تشتغل هناك يوم شافتني اجمع بالخرده واعطيها قالت هذي شكلها ما عنده فلوس..قالتلي شو رايج ادورلج على عطر ارخص...فشششششله
قلتلها لاااااااا انا ابغي هذا

وعقبها رحت صوب الملابس وريلي كان خاطره يشتري بنطلون بس على حظه ما تذكرنا المحل اللي شفنا فيه البنطلون وتمينا نحوس ولا لقيناه واخر شي قالي الظاهر مالي حظ فيه وروحنا

بس الحممممدلله الف حمد وشكر له لقيت المحل وشريتله البنطلون..وتصدقون كان اخر واحد وسبحااااان الله مقاسه وغير عن هذا كله عليه خصم 30%...الله يحبني صح؟؟؟؟

شريته وعقبها رحت بدي شوب وشريتله عطر الجسم اللي بالفانيليا لانه عنده اللي بالمسك وقلت خليني اخله اللي بالفانيليا خصوصا انه يحب ريحه الفانيليا وااااايد

وعقب هاللف في المحلات رحت الجمعيه وشريتله كيكه مكتوب عليها هاااابي بيرث دي وشريت شموع
وشريتله علب عشان احط فيها هالهدايا الوانها بني غامق وفاتح وشريت بعد ورد مجفف

بتقولون كيف خبيتهم وما خليته يشووووفهم وهو فالبيت














حطيتهم في السله اللي تحت العربانه وغطيت عليهم بلحاف بنتي


بس شي مش حلو حصلي وانا اتشرى


ريلي طلع يدفع فاتوره البيت ويوم رد كانت الباركينات بره البيت مليانه ولا باركن واحد فاظي..والمشكله انه المفتاح اللي معاي لازق فيه الكرت اللي يبطل الباركينات اللي تحت البنايه وبعد بنفس الوقت يبطل النادي الرياضي


شي طبيعي انه ريلي يتصل يقولي اطلع عطيه المفتاح عشان ايبركن السياره...وهاللي صار

بس طبعا انا كنت مجذبه عليه وماسرت النادي..قتله سامحيني الحرمه قالتلي قومي نتمشى شويه..والحين نحن في السيتي..المهم

عينكم ما تشوف الا النور زعل مني وقالي كيف تروحين من غير شوري وتخيلو بند الموبايل في ويهي :cry: اول مره يسويها..بس قلت ما عليه عنده حق انا طلعت من غير شوره

بعدها بدقايق اتصل قالي خلاص توه واحد طلع ولقيت باركينج

انا تنفست الصعداااااء وحمدت ربي وكملت الشوبينج

يوم رديت البيت كانت الساعه 5 العصر وماااااا يمديني اسوي فطور رمضان..بس انا كنت متفقه معاه اييب اكل من بره هاليوم وقلتله تعبت من الطبخ باجر ييب من بره وقالي اوكيه

ويوم رديت البيت كان هو قاعد وماد بوزه زعلان مني وتم يقولي كيف تسوين جي وفرضا حد سوا فيج شي وانتو حريم بروحكم
اعتذرت منه وصليت وعقب اذن المغرب وتفطرنا وصلينا واترييت لين عقب صلاه التراويح

طلعت فوق حجرتنا وفرشت الطقم البني والبيج ..طقم اللحاف والمخد والشراشف..ودخنت الغرفه وخليت المبخر داخل وسكرت الباب عشان الريحه

وعقبها سبحت ولبست.......بلوزه بنيه وتنوره سودا قصيرونه وتسريحتي كانت بسيييييطه..ذيل حصان بس مرفوع لفوق وايد بناسبني لانه شعري قصير وويهي بيبي فيس
سويت مكياج ناعم

وعقب هذا كله حطيت الهدايا في العلب وحطيتهم فوق السرير..ونثرث الورد المجفف على العلب
وحطيت الشموع في الكيكه وشعلتهم

هذاااااااااااا كله وهو تحت زعلان وظارب بوووز خخخخخخخخخخخخخخ



وعقب ناديتها قلتله تعال تراني في الحمام وبنتك في الغرفه بروحها..تعال شيلها

وشويه وانا اسمع صوته يصعد الدرج .. واول ما فتح الباب


بوووووووووووووووووووووووووووووووووووم




قتله كل عام وانت بخير

وغصب عني دمعه نزلت من عيني

وهو تم يطالع وهو مصدووووووووووووووووووووووم

حتى تم دقايق ساااااااااااااكت يطالعني ويطالع الكيكه والهدايا وساااااااااااااااكت
ههههههههههههههههه مسكين والله

وعقبها طفى الشموع وبعد ساكت ههههههههههههههههههههههههه


ومره وحده تم يقول فديت روحج انتي ظهرتي مب تتمشين..سرت تتشرين كل هذا !!!!
صباح الخير بالليل وصلتله متأخر..بس مسكين من الصدمه ما كان متوقع

. :o وعقبها فتح العلب وشاف الهدايا وتجنن على العطر بالذات

ويا عرايس لين الحين يقولي والله ما بنسى هاليوم لانج ما حسستيني انج تسوين شي..يوم بيتم في ذاكرتي طول العمر

ومره وحده سألني من وين يبتي الفلوس؟.؟؟؟؟؟؟؟؟

قلتله على الخرده اللي عنده..قالي في المول تميتي تعدين خرده وتعطينهم..قلتله عاااااااادي الاجانب في بلادنا لي اشتروا شي حتى الربع يعطونا اياه مش نفسنا بطرانين

المهم استانس وايد وانا بعد استانست واااايد عشانه


والله يحفظه لي ان شاء الله

ويسعد كل عروس ويرزق كل بنت ياااااااااااااااااااارب

واسفه على الاطاله