ممكن تساعدوني؟ - منتديات عروس

ل

لؤلؤة نجد

عروس مشاركة

19-10-2005 | 06:04 PM

السلام عليكم ورحمة الله وبركاته
الشهر مبارك متأخر
بس اعذروني والله ما فضيت أدخل النت إلا اليوم

بغيت مساعدتكم العاجلة لي
أنا أجهز لبنت خالتي وهي توجيهي السنة هذي ( ثالث ثانوي )
وما تقدر تطلع للسوق ووصتني أشتريلها الماكياج والشنط
الحمد لله أنا ماشية بالماكياج

بس توهقت بالشنط قالت تبي ماركات كشخة
وأنا بيني وبينكم ما عرف للشنط لأنها مو من اهتماماتي

اللي اعرفه شانيل وفندي وغوتشي وجيفينشي وديور
وهي قالت تبي ماركات ثانية وأنا ما أعرف وينها أو اسمها
في حاجة رمزها LV وما أدري وشي ومرة طايحين فيها

واللي طالبته منكم من غير كلافة
تساعدوني وتعطوني اسماء الماركات وشكلها اذا تقدرون
واذا تعرفون مكانها بالرياض
علشان يسهل على التسوق

والله يعطيكم العافية مقدما ويجزاكم خير وما يرد لكم طلب
ودمتم سالمين

t

toti1

عروس مبدعة

20-10-2005 | 03:16 AM

الله يعينك ,ان اختي ما قدرت اجهز لها اخاف مايعجبها...

شوفي عيوني تلاقين اغلب الماركات بالمملكه..

والماركه اللي قلتي عنا هي لوي فويتون وتحصلينها بعد بالمملكه..

وعندك ماركه ايقنر ترى تقليدها مو كثير!!عكس فيندي وديور!!

وماركه كارتييه حلوه بس قليله موديلاتها ...

ودونا كاران بمركز نجود مره حلوه شنطهم ..

وعندك كارن ميلن بالفيصليه فوق جنب هارفي نيكولز شنطه خيال وماهي مكرره واسعارها معقوله...

ومري هارفي نيكولز عنده ماركات كثييييييره ...

اتمنى اكون ساعدتكم...

ه

هتــــان

عروس مبدعة

20-10-2005 | 03:40 AM

هلا والله اختي ..

بالنسبة LV لويس فتون .. موجوده في المملكة .. وعندك برضوا coach & gucci .. وروحي محل ساكس فيفث افنيوا .. بتلاقين فيه ماركات حلوة ..

وبرضوا في الفيصلية .. روحي لهارفي نيكلز .. في شتط غريبة وحلوة ..وماركات مختلفة ..

خ

خاص

عروس متألقة

20-10-2005 | 04:35 AM

في عندكم هارفي نيكلز بالسعوديه؟؟ ياريت تخبريني وين بالضبط؟
في بعد حقايب DKNY كثير طايحين فيها عندنا بالكويت و موجوده بالسعوديه بس ما ادري وين وانصحك انك ما تكثرين لها بالحقايب الماركه يعني بصراحه 3 كثير ةكافي عليها لان الموضه تتغير وفوق هذا الثلاث حقايب خلي الوانها مختلفه

t

toti1

عروس مبدعة

20-10-2005 | 05:00 AM

هذي بعض موديلات LV

وبس تعبت

t

toti1

عروس مبدعة

20-10-2005 | 05:03 AM

اختي خاص

دكني موجود بمركز نجود .. الفرع الرئيسي اما الفروع الثانيه بكل مكان تقريبا...

وهارفي بالفيصليه ...

اتمنى اني خدمتكم

t

toti1

عروس مبدعة

20-10-2005 | 05:55 AM

وهاذا موديلين من دوناكاران(دكني)

t

toti1

عروس مبدعة

20-10-2005 | 05:59 AM

وهذا الموديل الثاني

اتمنى تعجبك

و

وصل حديثاً

عروس جديدة

21-10-2005 | 03:18 AM

اخذي لها ايجنر انا احب هالماركه وصحيح ماشفت منها تقليد

ل

لؤلؤة نجد

عروس مشاركة

24-10-2005 | 01:21 AM

تسلمون يا حبايبي والله ما قصرتوا كفيتوا ووفيتي
ما أدري كيف أرد لكم جميلكم

والله أنا قلت لها ما يصير كل الشنط من هالماركات أخذي 3 أو 4
بس هي مو راضية

والله أنا بيني وبينكم يهمني الشكل وما تهمني الماركة
يعني يا ما هناك شنط وماركات عالمية كبيرة وشكلها شين وقبيح
وشنط عادية وماركات صغيرة أحلى بكثير وأنيقة
وحتى تلاقين كذا وحدة تسألك من وين شاريتها وهذا حصل معي

عالعموم مشكورين وجزاكم الله خير والله لا يرد لكم طلب
ويوفقكم ويرزقكم ما تتمنون قولوا آمين.

ودمتم سالمين