تكبير الصدر

هلا اروى:)

شوفي حياتي
ما عندي وصفة معينة
لكن اللي اعرفه بأن الزيتون الأسود يساعد على تكبير الصدر
يعني دايما كلي منه على الفطور او الغدا او العشا

ثاني شيء واهم شيء واهم من أي وصفة
الرياااااااضة:)

فيه رياضة معينة تخلي الصدر يكبر
برجع وبكتبها لج:)
بس اهم شيء تستمرين عليها:)

انا اعرف ان في تمارن معينه تكبر الصدر......

ما اعرف كيف اشرح لج اياها ...؟؟؟؟بس اذا لقيت صور ....بحطها لج....

شكرآ عروس الصيف وعروس قديمة على اهتمامكن بالموضوع وارجووووووا ان تلحقوني بالتمارين وكذلك لو في اعشاب لتكبير الصدر
باي باي.:D

مرررحبا
شوفي عزيزتي
هذه الطريقة استعمليها ثلاث مرات في الاسبوع
لكن الأفضل يوميا عزيزتي عشان تحصلين على النتايج بسرعة

اول شيء سوي تمارين تحمية لمدة عشر دقائق على الأقل
تحركي وامشي شوية حتى ولو ما كان فيه مكان
تقدرين في غرفتج عادي
دوري فيها
وحركي ذراعج اكثر من مرة فوق تحت وجذيه
لين ما تحمين جسمج
برجع بعدين وبكتب تمارين تحمية عدل ومضبوطة

الحين بعد التحمية سوي هالتمرين
خذي لج كرة وامسكيها على مستوى الصدر ويديج بعد على مستوى الصدر بيدينج الثنتين بحيث راحة اليد تكون على الكرة
والحين اضغطي على الكرة وتمي ضاغطة عليها عشر ثواني
الحين كرري هالتمرين اول مرة عشر مرات
باليوم الثاني عشرين مرة
وجذيه كل يوم زيدي
لين ما توصلين الى ثلاثين مرة تضغطين على الكرة
وجذيه يوميا
يعني هالتمرين يوميا كله على بعضه مع تمارين التحمية بتاخذ منج نص ساعة يوميا
وشوفي النتايج بعد ستة شهور

لازم تكونين صبورة
لان بهالتمرين بيقوي عضلة الصدر وبالتالي بيزيد بروزه وبيكبر ان شاء الله
فيه تمارين ثانية برجع وبكتبها لج
بس اهم تمرين هو تمرين الكرة:)

اتمنى اني اكون افدتج
:)
بس صج نصيحة مني
تمرني على التمرين ولا تروحين تدورين على اعشاب ما تعرفين شو فيها!!!

اوكيه:):)