موضوع بخاطري ... ساعدوني ...

السلام عليكم ...
كيف حالكم بنات ؟ انشالله بخير ...
في سالفه لازم اقولها لكن عشان اقدر اوصل لموضوعي ...
اهلي مشالله عليهم بعز ومنفتحين الحمد لله ... ففي واحد من اربع سنوات تقدم لأختي وابوي قال للولد يجي عشان يقابل اختي وجه لوجه ويتفاهمون عشان اختي تقدر تقرر إذا هي موافقه او لا ...
بس ما صار نصيب .. اختي ما وافقت لأن الولد على قولتها تفكيره معقد وماهو منفتح نفس انفتاحنا احنا ...
المهم اختي لقت نصيبها مع احد من قرايبنا كل شي صار اوكي
ومن هنا لذاك الوقت انا كبرت شوي والحين انا في ثالث ثانوي ... الحمد لله يجون ناس يطلبوني من اهلي لكني ارفض لأني صغيره وانا طموحه وحلمي اني ادرس برا واجيب شهاده وارفع راس اهلي ..
المهم يوم من الايام امي قالت لي تعالي ... رحت لها وقالت لي ان فيه دكتور نفساني متقدم لك ... انا سكت وقلت لها ردي عليه مثل اللي رديت عليهم قبل ... وعرفت ان هو نفسه اللي تقدم لأختي من اربع سنوات اللي رفضته ...
مادري وش كان شعوري ... ((( للمعلوميه - ابوي مسافر ))) اخوي كلمني وقال له انه رجال زين وطيب وولد ناس ويعرف ربه و شغله مره زين ... ((( على فكره عمتي رئيسة القسم النفسي بالمستشفى )))
ومن خلال عمتي عرفت انه كان خاطب بنت خاله وفكوا الخطوبه لأنهم ما توافقوا ...

مادري وش صار فيني كنت افكر بالموضوع جد (( مع اني شايله الفكره من بالي )) .... وبعدين قلت لأمي أني ما ابي اتزوج هالوقت ...
مب رافضته كاشخص ... بس رافضته لأن انا مب مستعده ولا متهيئه للزواج ... وامي قالت لأخوي الكبير يرد عليهم بأن مافي نصيب ..
لما اخوي جا بيكلم ابو الولد قال ابوه ان الولد يبي يقابلني ويتكلم معاي ...
قلت لأخوي انا ما ابي اقابله لأني اساسا رافضه ...
وانا الحين انتظر اخوي بيجي بيتنا ويتفاهم معاي ... (( على قولته ان ما يبيني اتسرع بالقرار ))
..........
الغريب في الموضوع ... ان الولد تقدم لأختي ... وبعدها تقدم لي ...
مرت اخوي تقول انه حاب اهلي ... ومافيها شي لو تقدم لأختك والحين تقدم لك ..
..........
قولوا لي وش اسوي ؟؟؟ انا والله مب رافضته كاشخص ... بس ابي اكمل دراستي ابي انضج اكثر من كذا ...
ساعدوني الله يخليكم ... وجهوني الطريق العدل ... ما ابي اتخذ قرار واندم عليه ...