امس قررت اسوي فطور خفيف وسريع التحضير عشان اتفرغ شوي لقراءة القرآن الكريم لأني ناوية اختمه قبل النص في رمضان
فسويت دجاج مشوي بس بطريقة تختلف شوي عن الطريقة اللي تعودت عليها
المقادير
تكفي ثلاثة او اربعة افخاذ دجاج
3 أفخاذ دجاج بدون جلد
ليمونة
مكعب ماجي
فلفل اسود
علبة زبادي خالي الدسم
ملعقة متوسطة مسترد
بهار دجاج American Bar-BQ
فص ثوم
الطريقة
1- بعد غسل الدجاج بالطريقة المعتادة ( ملح - طحين ) يعمل حزوز في كل قطعة ( عشان النكهة )
2- في صحن غزير زجاجي او فخار ( دائما الخلطات خليها في زجاج او فخار مو معدن ولا بلاستيك ) اخلطي الزبادي مع البهار والمستردة واهرسي الثوم واخلطي جيدا
اضيفي الدجاج وغطيه واتركيه في الثلاجة من ليلة كاملة الى ست ساعات ( انا امس ماخليته كثير بسبب ضيق الوقت بس الطعم روعة )
3- بعد فترة النقع صفي الدجاج في القطعة الخاصة بالشوي .. شريتها امس من السوبرماركت وفيها قطعة بلاستيك فطعتها عشان اقدر ادخلها الفرن
وحطي صينية تحت الشواية عشان تمسك خلطة النقع بدل ما ينقط على الفرن .. ورشي عليها شوية بهار وقطعي شرائح ليمون فوقها
4- سكري الشبك عليها ودخليها فرن 350 معد مسبقا واتركيها الى ان تنضج
5- بعد نضج قطع الدجاج قدميها في صحن مغطى بالخبز اللبناني مع خضار مشكلة ومجموعة من المخللات
مع سلطة الزبادي والخيار
وبالعافية على قلوبكم
جميع الحقوق محفوظة لمنتديات عروس وعلى من ترغب في النقل ذكر المصدر للأمانة