علي حافة الانهيار

السلام عليكم ورحمة الله وبركاته
احنا كلنا نتريا شو صار وياج .................عزيزتي عسى ربي هداه زوجك
وتاب وخاز عن اللي كان يسويه

الله يعينج يا ختيه نحن في أنتظار التكمله وأنشاء الله نقدر نفيدج بشي .....................

الله يعينج اختيه

وانشالله الي بتخبرينا عنه بشارة خير

قولي يا قلبي وانشاءالله نسمع اخبار اتسر وتكون للاحسن يا رب

مشكله عن جد كبييره وماايتحملهااا اي شخص ..

الله يييسر الش ياارب .. ويبعد زووجش عن ها المعاااصي ..

انتي طمنيناااا اختي .. وش صاار معااش ..

السلام عليكم و رحمة الله و بركاته

إن شاء الله تكون مشكلتك إنحلّت أختي...

الله يساعدج

إن شاء الله تاب وعاف اللي هوه فيه

تدرين يا أختي إن النطفه تكون مشتركه بين الرجل والمرأه والطعام اللي ياكلونه يدخل في صلبهم فإذا كان الرجل شارب خمر لا يأمن من أن يكون أبناءه غير صالحين، والله المستعان

الله يهدي الجميع

وانا مع الاخت قطاف
كلامها صحيح 100%
اذا كان الشخص يشرب او حتى يدخن
لازم الا حد من العيال تطلع فيه هذه الصفة لانها تصير مثل الوراثية ومو شرط الاب حتى لو كان الجد يسوي هالاشياء
وتلاقي الطفل لمن يبدأ يكبر او يفهم يدور على اشياء ماهو عارف شو هي بس يحس انها ناقصته واذا كان متأثر بالتدخين تلاقينه يحب ريحة الدخان ويحب يجلس مع شخص مدخن

ديروا بالكم على نفسكم وعيالكم

والله يكفينا شر هالبلاوي قولوا امين

الله يعينج يااختي ونحن بالانتظار انشاء الله

بس والله خوفتيني ألحين انا مابي اتزوج :cry:

ان شاء الله نسمع اخبار حلوة وتفرح

شنو صاااااااااارمعاج...........؟؟؟؟؟؟؟؟؟؟ انشالله خير يارب

000000 السلام عليكم ورحمة الله وبركاته

اشكركم خواتي علي تفاعلاكم معاي

واسفه علي التاخير بس شوي عندي ولدي تعبان

كم تمنيت ابشركم :sad:

لكن للاسف الامور كما هي ..
لكن الي خلاني اكتب مره ثانيه اني محتاجه حد افضفضله ويساعدني لاني ما عندي صديقات
وانا ارتاح بينكم

زوجي لازال يشرب وما صرت ادخل في موضوع الشرب لاني تعبت ما عندي غير الدعاء له بان الله يهديه

بس الي تغير انه بعد ولادتي صار زوجي اقل في السهرات وما يطلع مع شلة السوء ..
وصار ما يشوف غيري انا وولده.

بس والحمد لله علي كل حال .. رجع من شهرين لحالته القديمه سهر للفجر وكلام مع البنات

كان الشك جاتلني وكنت متاكده انه يرمس بنات لكنه ينكر يوم اواجهه ويقول لان ثقتج فيني منعدمه تفكرين بهاالطريقه. بس انا احساسي مايخيب وقبل رمضان باسبوعين اكتشفت رقم وحده روسيه بتلفون..

هاذي المره ما فكرت رحت مباشره لبيت اهلي لاني كنت خلاص بانهار
طبعا كالعاده رجع يتسامح مني ويحلف انه ما بينه وبينها شيء مثل ما افكر وانه ما عمره لمس حد غيري بس هاذي وحده تشتغل في الفندق البار الي يشرب فيه :s
والمشكله انه تعب وايد في الفتره الي قعدته في بيت اهلي مرض وخذوه المستشفي واتصلي من المستشفي يقول انه ما يقدر يعيش من دوني ودون ولدنا ..
حتي امه كانت تقول ما يرضي ينام في الغرفه وكل ما شاف فراش الولد يصيح
انا احترت مش فاهمه اذا قيمتنا عنده كبيره ليش يفرط فينا :pain:

انا رجعت البيت معاه في اول رمضان عشان بركة هاالشهر وعشان خاطر ولدي الي بيكمل سنه في رمضان
بس احس في شيء غير هالمره فيني قبل يوم اكتشف خيانته ويصالحني امشي الامور وكان ما في شيء صار بالعكس يزيدني اصرار اتمسك فيه ..

بس هالمره احس احساسي جهته معدوم .. واحس اني اكرهه وما اطيق قعدته او حتي كلامه
ما احس اي شيء اتجاهه ..وانه الي بيني وبينه الولد
قاعد اقوم بواجباته وواجبات الولد علي اكمل وجه بس احساس الحب انعدم له

انا اقول ان السبب هو انعدام ثقتي في نفسي ومعرفتي انه انا ما اكفيه ولا ماليه عينه وشو بسوي ما راح يتغير

انا حاليا مهديه الامور عشان يمر هالشهر بس ناويه يوم يخلص الشهر ويرجع بطبيع لطبعه اجلس معاه واقرر ياانا يا حياته وسهره..

ما ادري ليش مب فارق معاي لو افترق عنه

حياتي دونه اريح
واشكركم خواتي لاستماعكم وانتظر مشورتكم

الله يكون بعونك و يهديه ياارب

حبيبتي انا اقول حطي صورت اولدج بالسياره وحطيها بعد بالموبايل وخليها خلفيه يمكن يحس اشوي وكلميه عن المستقبل ومستقبل الولد وخليه يلعب الولد ويهتم فيه وخليه يلجاء للدين وقوليله انه اللي يسويه حرام وانه صلاته مالهااااااا اجر واذا كلش كلش ما نفع وديه مستشفى الامل واقنعيه انه يروحله ويتشفى من هذا السم وانتي عليج بالدعاء والله يوفقج ويردلج زوجج

الله وياك اختي ويهدي لج زوجك إن شالله

الله يعينج ختيه ...

ادعيليه بكثره في العشر الاواخر وان شاء الله ربي بيسخرلج ريلج يارب ....

وقبل لا تقدمين عالخطوه اللي بتسوينها عقب رمضان استخيري ربج ..والله بيفرجها عليج يارب ...

باختصار بقولج ... اللي يشرب و مدمن لو شو ما اتسوين خلاص ماشي فايده طول حياته حمر و حريم و طفاسه .. و حتى لو يقطع سنة او سنتين بيرد للخمر في النهاية .. عيل ليش هيه ام الخبائث

و الله يحفظكم من شره .. و مدام الوحدة صغيرة و الحياة جدامها لا اتضيعها على الفاضي ..وانتي استخيري ربج و الله يوفقج

انا معاج عروس اللولو ان اللي يشرب ويتعاطى صعب جدا انه يترك هالشي الا في حاله وحده بس

اذا اقتنع هو من نفسه انه ما يبغي هالشي

لكن طالما هو حاب الشيء هذا لاي سبب من الاسباب مستحيل تقنعينه يتركه لو تييبين له كل الاحاديث والقصص وتذكرينه بالعذاب مافي فايده لان عقله طاير

كان لنا جار زمان ايام ما كنا صغار كنا نسميه ال***** دايما كانو يمسكونه الشرطة وياكل ال 80 جلدة بس بعد مافي فايده يطلع من الحبس ويرد على الطير ياللي

الله يعينج يا الغالية
اكثري من الدعاء ترى رحمه الله واسعه عل وعسى يهتدي

حبيبتي انا بس خايفه عليج من مرض الايدز الله يستر عاد بنات روسياااااااااااااااا ما يحتاج ملينات من هذا المرض