هل الزبده زينه والقاز مال الدفايات ؟؟؟؟؟؟؟؟؟؟؟؟؟؟؟؟؟؟

السلام عليكم ورحمة الله وبركاته

ورود لماس..

اذكريلي نوع شعرج وشكله واوصفيلي المشكله بدقه وان شاء الله اقدر افيدج..

العزيزه ام سعيده سؤالج يحسسني ان الامل بيتحقق وقرب
اولا انا شعري جاف ويوصل لي تحت الكتف باربع اصابع موناعم ردات متوسطه

وبعد اقولج عن شعري اني اقص الاطراف المتقصفه اذا اطلعت وشعري مو كثيف حيل كثافته نسبيه اشوي يعني معقوله ودايمن ادلكه ولما اغسله طبعا بشامبو طبي اسمه rexsol من استخدمته والتساقط الحمد لله راااااااح انا لما اغسل شعري اخليه لما ينشف ابراحته بعدين ادهنه بكريم اسمه sunsilk وامشطه بمشط اسنانه بعيده عن بعض والمه كبه واخليه لما يجي اليوم الثاني (انا كل يوم اتسبح )لاني اداوم وفي يوم في الاسبوع استخدم زيت دابر بالطريقه الهنديه اللي انتي عارفتها مره وحده حطتها في المنتدى ارجوج والله ابتقولون عني مجنونه انا مره صليت صلاه الحاجه ودعيت ربي انه يطول شعري انا محبطه محبطه كل هالعنايه من اسنين واتمنى ان شعري يطول ويتغير شكلي وماحصل ام سعيده انتي املي بعد ربي والله قابلت الكمبيوتر وشاركت في الامنتديات علشان رغبتي القويه في انه يطول ومشكوووووووووووووووره

السلام عليكم ورحمة الله وبركاته

ورود الماس..

الغاليه سمعيني اول شي اتبعي هالطرق:

1- حمام زيت مره بالاسبوع.. وانصحج بحمام الزيت الي فيه خلاصة الثوم..

2- خذي زيت واحد من هالزيوت اي شي متوفر:
* زيت دابر املا
* زيت هيماتاج
* زيت الباراشوت

او خذي زيوت واخلطيها بنفسج:
* زيت الخروع+ حبة البركه+ زيت السمسم

والزيت اتحطينه مرتين في الاسبوع وليس يوميا.. لا ترهقين الشعر.. ولا تكثرين من الزيوت نصيحه مني..

3- طريقة استخدام الزيت..
* اتوزعين الزيت على الشعر والفروه واتسوين مساج لمدة ربع ساعه..
* تعجفين الشعر وتخلين الزيت طول الليل على الراس وفي النهار تغسلين الشر عادي بالشامبو المناسب لنوعية الشعر..

4- بعدما اتجففين الشعر اتركيه شوي ليجف نصف نصف يعني شوي خرسان وشوي جاف.. ووزعي كريم بالمرز الي بالجوز الهند لونه ابيض روعه لتغذيه وتكثيف الشعر.. ومشطيه بمشط خشب ذو اسنان متباعده..

وراجعي هالمواصيع الممتازه الي حطيتها جربه 100%:

ركن العناية بالشعــــر..

من افضل الطرق لتطويل الشعر !!
عندي لكم زيت ولا دابر املا بريحته ولا الحشيش بمفعولة ولا حمام الزيت بفوايده
هذا الشعر والا بلاش.. اللي تبغي تعرف سر غلاظة الشعر وطوله؟!
ائئئئئيه شو هيدا الشعر؟! ا ما ممكن يكون هيدا شعرك؟! كان مأطع كييف صاير حرير وبيجنن؟!
وااااااااو الطريقه الرهيبه والفتاكه لاستشوار الشعر
للشعر المتقصف+ المصبوغ+ الملموس= شامبو مداوي للمشاكل كلها
لكل مشكله حل باذن الله (كل انواع الزيوت وفوايدها ومكوناتها مع الصور)
عندي لكم Oil يقول لكم وداعا للسيروم والاستشوار؟ ومغذي ويمنع التقصف وينعم وااااااااااووااااااااااااو

ملاحظه: اكثري من الحليب ومشتقاته والخضروات والفواكه الخضراء والمااااااااااااء..

واستمري بالطرق التاليه لمدة 3 اشهر وارجعيلي وخبريني شو الي صار معااااااااااااج..

انا توني واصله من الدوام وعلى طول دخلت المنتدى هذا العشم يا ام سعيده عسى ربي ينولج مبتغاج ويرزقج مشكوره مشكوره مشكوره والله نصايح روعه انا بطبقها وبرد لج الخبر ما تدرين اشكثر ناطره ردج على نار ما طولتي والله رديتي بسرعه ياعمري الله يكثر من امثالج انا فرحااااااااااااااااااااااااااااااانه وبدعيلج من قلبي وانا صايمه الحين
انا استعملت دابر وماجاب نتيجه بجرب الهيما تاج كلامج عنه شدني وراح اشتري حمام زيت بالثوم

السلام عليكم ورحمة الله وبركاته

ورودالماس..

تسلمين حبيبتي ونصيحتي قبل كل شي سمي بالله وخليج متفائله ولا اتمين كل شوي اتشوفين شعرج واتقيسينه اتركيه واكثري من العجف او ربطة ذيل حصان وخلي الناس هي الي اتقرر بعد فتره يوم بتبطلين الشعر جدامهم..
وربي يطول لج شعرج لي الركبه باذنه..

والله يا ام سعيده كانج معاي انا كل اشوي اطالع شعري واقيس طوله كلللللللللللللللللللللللللل اليوم وانا عيني عليه احط مرايه كبيره وراي علشان اشوفه بسمع كلامج واطبقه حرفيا وراح اشيل المرايه من قدام عيني. اختي ام سعيده انتي قلتي ثلاث شهور استمر عالطريقه انا سويت جدول من شده حماسي قسمته ايام الاسبوع خلال كل شهر وكل اسبوع مره يعني بالشهر بكون استخدمت الزيت وحمام الزيت 4 مرات اشرايج

العزيزه ام سعيده اتمنى من الله انج تكونين بخير وبصحه زينه بس في شي مافهمته علمتيني اني لما اغسل شعري واخليه ينشف اشوي ادهنه بكريم اسمه بالمرز اللي بجوز الهند ما عرفته وهالهذا اسمه اشلون صاير سامحيني راح اغلبج معاي بس سامحيني الله يخليج العشم فيج يا ام سعيده

حبيبتي وايد مضغوطه بالدوام واليوم شفت ردودج اسمحيلي على التاخير.. اليوم او باجر باذن الله برد عليج وبالتفصيل..
رديت علشان ابين اني مش مطنشتنج..

الله الله يا ام سعيده كلج ذوق وتقدير اشكر اشكر اشكر اهتمامج ومراعاتج لي والغايب عذره معاه معليه انا ادري انج ما تقصرين لاتحاتين متى ما بغيتي تردين عادي انا على طول موجوده وما ايس ولا راح اقول انج مطنشتني لان هذا مو من شيمج اختج ورد والاماس

|--*¨®¨*--|السلام عليكم ورحمة الله وبركاته|--*¨®¨*--|



تسلمين حبيبتي وعلى طول دخلت لاني واعدتنج والبارحه المفروض ارد بس اسمحيلي على التاخير حبيبتي..
ومشكوره على كلامج الطيب..

ومثل ما ذكرتي في الشهر اربع اسابيع.. وفي الاسبوع مره تستخدمين حمام الزيت.. يعني في الشعر 4 مرات حمام زيت..
وعن الزيت في الاسبوع مرتين يعني في الشهر 8 مرات..

يعني حمام الزيت مره..
والزيت السائل مرتين..
ان شاء الله فهمتيني اكثر..

وعن كريم بالمرز اسمه Palmer's وياتي بعدة خلاصات وانا افضل الي بالجوز وهذا هو شكله..



وينباع في السوبرماركت في ركن الكريمات ورخيص سعره..



جميع الحقوق محفوظة لمنتدى ال(عروس)

مشكوره يعمري ام سعيده لا تضغطين على نفسج احنا خوات ولازم انقدر اظروف بعض ومشكوره عالنصايح يارب انشاء الله ربي يرزقج اللي تبينه ويعطيج مرادج والصحه والعافيه آآآآآآآآآآآآمين والله ادعيلج من قلبي وكلامي ماهو مجامه لان وقفتج الطيبه معاي ومع البنات حببتني فيج الله يحبج يارب وعلى فكره مشكوره على الكريم بالمرز راح اشتريه واجربه انا رحت للحواج وشريت منه كل الاغراض اللي قلتي عنها علشان اتبع الخطوات عدل واوعدج اني ماراح اراقب شعري واجد
ماتصدقين لواقولج اني ظافره شعري وامسويته عنقوصين .والله يعجز السان عن التعبير عن مدى الفرحه والتقدير اللي في قلبي لج يا ام سعيده.

|--*¨®¨*--|السلام عليكم ورحمة الله وبركاته|--*¨®¨*--|



تسلمين حبيبتي والله دمعت عيني لما قريت ردج والاجر عن الله الغاليه.. ونحن مسلمات والمسلم اخو المسلم حبيبتي.. ولازم ننفع بعض ونساعد بعض..
ومشكوره الغاليه وايد وايد على الرد.. واتريا النتايج الطيبه بعد شهر باذن الله طرشيلي رساله خبريني شو صار وباذن الله اسمع خبر يفرحني ويفرحج حبيبتي..
الله معاج..


جميع الحقوق محفوظة لمنتدى ال(عروس)

صباح الخير ياوجه الخير بعد شهر اذا ربي عطانا عمر برد وابشرج مشكوره على كل شي انا بقمه السعاده والتفائل حتى انا مستغربه من روحي كل الاحترام والحب للقلب الكبير اختنا ام سعيده

اختي العزيزه صاحبه القلب الكبير ام سعيده سامحيني على الازعج لكن عني مشكله انا مو راضيه عن الجدول اللي سويته انا قررت اني استخدم دابر ووزعت الايام في الجدول حسب الايام اللي يكون زوجي بره البيت لكنها صارت في الشهر 5 ايام بس لا وبينهم 6 ايام فرجعت ابقراري لاني احس انها مده قليله فررت اني اسوي خلطه عباره عن (خروع_ولوز _ وجوز الهند)واحطها كل يوم لما اروح للدوام بنسبه قليله علشان علشان ما احس فيها ولما ارجع من دوامي اغسل شعري منها اشقلتي شوري علي شورج وهدايه الله

السلام عليكم ورحمة الله وبركاته..



اهلين حبيبتي.. على راحتج بس زيت اللوز ما اشوف انه سريع المفعول وهو ينفع للشعر الي اوريدي طويل؟!
خذي (حبة البركه+ الخروع+ جوز الهند) وتوكلي على الله..

بس انصحج انج ما تغسلين شعرج يوميا لانج بتهلكينه وبيتساقط مع استخدامات الشامبو!!

استخدمي الخلطه كل يومين مره وفكي حالج..
واختاري واحد من الزيوت يا دابر يا الخلطه ولا تستخدمينهم اثنيناتهم لانج بتلعوزين الفروه.. لما تخلصين من زيت بعدين نطي لزيت ثاني..

ويفضل انج تستخدمين الزيوت كل يومين مره.. او تتركينه على شعرج وبعد يومين تغسلينه وبعد يومين ترجعين له وجيه..



أم سعيده

ام سعيده ما اقدر احط الحبه السوده اخاف اتسوي ريحه لاني بداوم والدهن براسي طيب ممكن اخلط خروع مع فاتيكا .وعن اللوز ليش شنو فايدته اذا في زيزت غير علميني فديتج

طيب شنو خلطه الحبه السوده اشلون اسويها

السلام عليكم ورحمة الله وبركاته..



اهلين حبيبتي..ايه تقدرين تخلطين الخروع مع الفاتيكا ليش لا.. توكلي على الله وجربي..
وعن كيفية عمل خلطة حبة البركه تاخذين فنجان من الخروع وفنجان من الحبه البركه وفنجان من جوز الهند..

وعن اللوز مفعوله بطئ وينصح استخدامه حق الي شعرهم اوريدي طويل..



أم سعيده