زفــــــــــــات بدون موسيقى

m

moooooona

عروس جديدة

12-10-2005 | 09:09 PM

السلم علييكم ورحمة اله وبركاته ،،،،،،،

كيف الحال ،، يا عراااايس

بغيت أسألكم

عرسي عقب اسبوع ونص
وادور زفة بدون موسيقى

سمعت انه في محلات تسحب الموسيقى من الاغاني

اللي عندها اي علم بها الشي
او عندها زفاااااات بدون موسيقى تخبرني
( طبعا غير اللي فالنت ) لاني نخلت النت وما لقيت شي حلو
او اللي تعرف محلات عندها زفات
او محلات الدي جي

ســــــــــــــاعـــدونــــــــــــــــــــي

ل

لياليq8

عروس ماسية

12-10-2005 | 10:07 PM

ودي افيدج

بس تقدرين تقولين حق اصحاب محلات الدي جي يسوون لج اللي تبين

وفي دي جي اسلامي بدون موسيقى طلبي دي جي اسلامي من اي محل

M

MoonStones

عروس مشرقة

12-10-2005 | 11:12 PM

حبيبتي انا نفس الشي و سألت عن سالفه سحب الموسيقى قالولي هذا مستحيييييييييييييييييييييييييييييييييييييييييييييييييييييييييييييييل !!!

و الين الحين ما اعرف وين ممكن احصل دي جي اسلامي عدل .. و اناشيد عدله و حلوه !

الله ييسر !!

خ

خاص

عروس متألقة

12-10-2005 | 11:18 PM

خواتي فيصل السعد يعمل دجي اسلامي وإذا حابه بالاسم بعد بس يستخدمون الدفوف

خ

خاص

عروس متألقة

12-10-2005 | 11:21 PM

إذا تحبون اعطيكم رقمه و اتصلوا عليه ممكن تسألونه إذا يقدر يبعث لكم الشريط و تستخدمونه مع اي محل دي جي ....بس علي فكره ليش ما تجيبون من هالطقاقات اللي يطقون اسلامي بصراحه كثروا ماشاء الله عندنا بالكويت نشرط عليهم انها تطق بس بالدفوف و بصراحه حلو طقهم و عرس اخوي كان روعه مع الطقاقه ام فيصل

M

MoonStones

عروس مشرقة

13-10-2005 | 03:58 PM

اختي هو ممكن يجي الامارات .. ؟

و على الطقاقات .. و الله انا جربتهم بغرس اخووي طلعت رووووووووووووحي معاهم قبل العرس اخترت الاغاني وحده و حده ..
و في العرس الاغنيه في صوب و اللحن في صوب و تعرفين الدقاقات كله لحن وااحد !!!

و اخر العرس جريب ما بتي العروس خلاص تعبوا صاروا يغنون جنه ماتم يا كافي !!

بس تبت ماجيبهم

ا

الامـــارات

عروس مبدعة

13-10-2005 | 07:52 PM

هممممممممممممممممم لا بالعكس ..

يرومون يسوون الاغااني بدوون موسيقى .. احيد في موقع .. كان فيه اعضاء يعرفوون يسوون هل شي باستخدام برنامج ..

وليش ما تحطين شله ع دخلتج ؟! ..

ما فيها موسيقى !! ..

السموحه

خ

خاص

عروس متألقة

14-10-2005 | 03:15 PM

مون ستونز اتوقع انه ماعنده مانع يحضر للإمارات وعندكم من اروع المغنين الجسمي اللي بصراحه صوته روعه من الممكن تطلبونه وتشرطون عليه يستخدم الطيران بس ((الدفوف)) ويكون بغرفه منعزله عنكم وتتواصلون معاه بيمكريفون ...وبالنسبه للطقاقات في عندنا طقاقه بالكويت روعه اسمها زمرده تطق اسلامي ((بس دفوف)) ويا حلاة نفسها بالعرس بس على فكره العرس عندنا بالكويت من الساعه 8 الي الساعه 12 وما ادري عن عروسكم بالامارات تستمر الي متى وصدقيني إذا ريحتي الطقاقه بتريحك وإذا كان العرس مرتب ومو فوضى وإزدحام راح يكون من اروع الاعراس وطايحين عندنا بالكويت بطريقه جديده وهي انج تتعاقدين مع وحده متخصصه بالضيافيه غير بوفيه العشاء وتكون شغلتها العصير و الشاي و القهوه و حلويات القهوه وتقدم بعدعلى حسب الطلب ايس كريم أو فواكه مقطعه وتشرف علي الخدمه و تتأكد بنفسها من ان كل الضيوف وصلهم الضيافه طبعا كل شي بحسابه وعلى حسب الطلب

ج

جولنار

عروس مشاركة

14-10-2005 | 11:21 PM

أختى العزيزة

حبيت افيدك باللي اعرفة ...أنا نفسك عندنا عرس وحست كل الأناشيد والزفات

وبعد البحث والتدوير واللف ..مالقيت أحلى من زفة المنشد أسامه الصافي ((بعد التحية))

اللي في شريط فرحتنا وايد نااااااااااعمة ورقيقة .. أحسها وايد تطلع العروس انها قمة

في الرقة والنعووووووومة، وبعدها زفة المنشد محمد عبيد ((ذكر وسلام)) في نفس الشريط

وعلى فكرة هالوصلة اللي انا حاطتها لج ماخذتها من موقع انشادي ..والحلو فيها أنه

العضو مطول ومغير بداية الزفة ((زفة بعد التحية)) لو سمعتيها من الشريط بتلقينها على طول تبدا

بدون مقدمات...فنصيحتي لج انك تختارينها ...تراها وايد راقية كلاما ولحنا والأداء رائع جدا

والله ييسر لج عرسك وتتوفقين يارب

زفة ((بعد التحية)) للمنشد أسماة الصافي

save target as اضغطي واختاري

زفة ((ذكر السلام)) للمنشد محمد عبيد

save target as اضغطي واختاري

ب

بنت من بنات زايد

عروس متألقة

14-10-2005 | 11:31 PM

حبيبتي في برنامج في موقع رمش العين صوب الاناشيد بتحصلين موضوع مثبت يسحب الموسيقى من الاغاني وهذا الشي مابيكلفج

اتمنى اني اكون ساعدتج

س

سعوديه

عروس مشرقة

14-10-2005 | 11:36 PM

RealSystem Media

ج

جولنار

عروس مشاركة

14-10-2005 | 11:47 PM

بس أحب أوضح للأخوات هالمعلومة بالنسبة لسحب الموسيقى

نقلا عن متخصص في الهندسة الصوتية

يقول: الكثير يسال عن سحب الموسيقى من الاغاني وهذا مستحيل تقنيا على مستوى العالم فلا يستطيع احد التحكم بموسيقى الاغنية الا صاحب الاغنية نفسها .
وبالتالي نحن نستطيع التحكم بسحب الموسيقى من الاغاني التي نصنعنا بانفسنا .