بنات البحرين إستفسار لو سمحتوا

اهلين ومرحبتين

بصراحة انا مو من النوع اللي يلبس جلابيات.. بس الي اعرفه .. ( الكلام على لسان غيييير خبيرة) ان السعفة عندها تصاميم لجلابيات كشخة.. الغريب.. وباندا

جربي يمكن تحصلين:):):)

[grade="00008B 008080 4B0082 FF1493 008080"]هلابك

عندك سوق البوكوارة مليان روحتي وتمشي واختاري...........

وعليك بالعافية سلفا[/grade]

السلام عليكم
أنا بعد مو من النوع اللي يلبس الجلابيات
بس مثل ما قالو الخوات شارع البوكوراة بالرفاع مليان محلات تفصل وتبيه جلابيات حلوة

محلات الجلابيات في البحرين

السعفة - بوكوارة - تبدأ أسعارها من 200 دينار فما فوق
باندا - المحرق - تبدأ أسعاره من 80 دينار
مياسم - المحرق - تبدأ أسعارها من 40 دينار
الغريب - مجمع اللولو - تبدأ أسعاره من 20 دينار
وعندج سوق المنامه القديم تدورين فيه لين تطيح ريولج :D2- وأسعاره تبدأ من 10 دنانير

وإن شاء الله تعجبج جلابياتنا

السلام عليكم ورحمة الله وبركاته

،انا بعد اضم صوتي حق خواتي واقولج عندج بوكوارة تحصليبن فيه محلات وايد وموديلات وايد حق كل المناسبات جاهز وتفصيل والاسعار عندج من 20 دينار لي مالانهاية حسب الموديل ونوع القماش والشغل الي فيه

ليش ما تروحين سشيل في سوق المحرق أو فرع المنامة
أسعاره زينه

عندج محل (كارت بلانش) في المحرق وعنده فرع بالرفاع ومدينة حمد، موديلاته حلوة ، وبضاعته من الكويت ،والأسعار بحدود 20-50 دينار تقريبا...... آنه مرة خذيت منه جلابية والكل في العزيمة قال عنها حلوة...

شيكي الخاص ...

محلات انظر وألبس جلابياتهم كشخه تهبل عليج بها

السلام عليكم ورحمة الله وبركاته

ترى محلات بوكنان في السيف حطو جلابيات روعة يبيعونها مغربية وكذلك موديلات خليجية بشغل مغربي

عندي لج محل يبيع جلابيات حلوة مثل الي يلبسونها الممثلات في منها البسيط ومنها الفخمة اسم المحل كارت بلانش في منة فروع في المحرق والرفاع زوريهم بس عاد لين رحتي ابي اتقولين لي رايج

سهرة الشرق بعد في جلابيات روعة في الرفاع و مدينة عيسى

كارت بلانش توه فاتح له فرع في شارع جد علي بعد وشكلها حلوة الجلابيات <<< ما دخلته لاني ما البس جلابيات