شلون اخلي بنتي تاخذ المرضعه

عزيزتي ليل ونهار حاولي قد ما تقدرين تجوعينها ولمه تحسنيها جاعت بالتدريج عطيها الرضاعه بكميه قليله في البدايه وبعدها شوفيها ليمن تتعود زيدي عليها الكميه

بس اهم شيء تيوعينها عشان تاخذ المرضاعه وان شاء الله خير وطمنينا عليها

جزاج الله خير يا اختي
بس اهيا ما تتقبل الرضاااعه ابد..حتى يوم كانت صغيره خذت الرضاعه وكان فيه حليب صدري ..وكنت اعطيها اليانسون وكراويه بس بعد الاربعين ما طاعت تاخذ شي قمت اعطيها بالملعقه والكوب....
بحاول اجوعها...واستحمل صياحها
اهيا ساعات تقوم بالليل بس جيه دلع تبا ترضع من صدري و تنام.....

معاناه و الله
انا احاول اعطيها بالمرضاعه عصير او ماي بس ما طيع تشرب شي اول ما تشوف المرضاعه تصك حلجها و توخر ويها تعاند و اخر شي ابوها ياخذها مني

اختي انصج انج تيوعينها لا ترضعينها ولا تعطينها تاكل هيه صح ما بتهون عليج تسوين فيها هيك بس صدقيني من يدقها اليوع بترض شوي من الرضاعه وشوي شوي بتتعود ترض منها
من تجربه

اشكرج اختي..........
راح اجرب و اشووووف

كم مره اقدر اعطيها حليب...؟

موضوع حلو وخصوصا للي تعمل او تدرس لانه الكل يعاني من هالشي
الله يكون في العون

السلام عليكم و رحمة الله و بركاته

بنتي نفس مشكلتك يا أم شهد...و ما لقيت حل لحد الآن...

بس حبّيت أبارك لك بالحمل :)...الله يتمم لك على خير إن شاء الله...:)

اختي بشبشه...ائ والله يين مع اني ما اشتغل..بطاليه في البيت ..الله يعين الجميع

هلا و غلا اختي مرموم..مرورج اسعدني..والله يبارك فيج شفتي عاد ما كنت اتوقع الحمل بس الحمدلله على كل حاال
انت يا غاليتي تشتغلين صح..؟ يعني بنتج ما تاخذ الرضاعه ابد او ممكن تشرب فيها عصير او شي ثاني

بجرب اعطيها بالكوب لان سالفه تجويع و بكا تعور القلب...
الله يعين

الحمدلله رب العالمين....

الحين شهووده تاخذ المرضعه و سبحان الله عادي ولا كانها تفلت الحليب بويهي و دزت الرضاعه بعيد...فديتها والله
الحين صار لها اسبوع تقريبا...وتشرب اربع مرات في اليوم..بس الكميه قليله اقصد 150 او 140 و يوم تكون يوعانه تاخذ 180...

:shy::shy::shy:

الحمدلله تطمنتي على نغذية بنتج...

الحين دورج تتطمنين على روحج والبيبي اللي ياي في الطريج..

تغذي زين ما زين عشان تعوضين الفترة اللي طافت.. :)

حبيبتي مبروك الحمل :) ويقومج بالسلامه يارب ويهون عليج

والله مشكلتج نفس مشكلتي بنتي الله يحفظها

عانيت لين شربت المرضاعه تميت خمس شهور ماترضع الا مني .. بس اضطريت اعطيها واكنت ماتشرب جربت جوعتها مرة وحده وقلبي

عورني .. ماطعت الصراحه .. بس شوي شوي كنت كل يوم اسوي لها كميه بسيطه واحاول اعطيها وترفض مايئست لين رضت في

الاخير وشربت الحمدلله بس بعد معاناه يعني حاولت من يوم كانت 5 شهور وقنعت تشرب المرضاعه 6 شهور ونص يعني

شهر ونص تقريبا وانا كل يوم احاول لين قنعت وكانت تشرب شوي بس والى الحين ماتشرب الكمية كاملة

حاولي وان شاءالله بتقنع بس لاتجوعينها حرام ماتطيعين :)

موفقة

السلام عليكم و رحمة الله و بركاته

أختي ليل و نهار...

يبقة قوليلي بالتفصيل الممل...كيف خليتيها تقتنع بالرضعة...

بنتي عاملة إعلان حرب على الرضعة....مش موافقة عليها أبدا...

إن شاء الله ربي يهديها و تصير مثل بنتك...اللهم آمين...

الله يحفظ لك بنتك...و ديري بالك على حملك كويس :)

وعليكم السلام ورحمة الله و بركاته

غاليتي جمانه... احاول اعوض واضاهر اني مصختها بالاكل الله يعين:smile: ...مشكوره حبيبتي

اختي روز قطر الله يبارك فيج....الحين الحمدلله تشرب مرضاعه..بس الكميه قليله بالنسبة لسنها...ما شا الله عليج ما يأست و شربت بنتج الحليب عليها بالعافيه والله....الله يخليلج البنوتات يااارب

حبيبتي مرموم ما تصدقين اذا قلت لج..انها شربت و اهيا في حضني اريد امشط شعرها..وكنت في بيت امي..وتجي امي وفي ايدها المرضاعه مالت ولد اخوي وهو اصغر عنها بشهر تقريبا..حطت امي المرضعه في فمها بس جيه ولا كنها كانت تفل ...قعدت تشرب عاددي ما خلصت الحليب بس شربت تقريبا 3 او 4 ارقام....
قلت بجرب بعدين وشريت لها حليب سيميلاك..واحطي شوي شوي وفاجأتني انها تشربه ما شا الله عليها وتمسك المرضاعه بعد..:up:
سبحان الله راد في هذ اليوم انها تشرب على يد امي..... اقولج على سر حنيت لها ههههههه نحن الحريم ما يعجبنا العجب ولا الصيام في رجب:D2

اشكر مرورج حبيبتي....

السلام عليكم ورحمة الله وبركاته

ما شاء الله لا قوة إلا بالله...

الله يحفظها لك يا أم شهد...و تشوفيها عروسة...و تشوفي إخوانها أخواتها إن شاء الله :)