تنظيم المواعيد يوم العرس

اممممممممم انا نفسج ما عندي خبرة بهل السوالف
باقي وايد على العرس :)
بس اللي اعرفة ان ليلة العرس باخذلي حبتين باندول نايت عشان اريح وانام
ومتى ما قمت ومثلا الظهر اسوي لي حمام دهن العود واظافري
اتوقع بابدى الساعة 5 او 6 الشعر والمكياج واعتقد على حسب اللي تمكيج بعد
بالنسبة للصلاة مدري بس اعتقد افضل انج تتوضين قبل لا تحطين المكياج واول ما ياذن العشا صلي على طول



مدري بصراحة يا ليت البنات يفيدونا

يعتمد على الصالون اللي بتروحين له

مثلا احنا عندنا اذا تبين تجهزين من وقت و خصوصا لو بتنتقلين من صالون ولثاني حق شعر و مكياج يطلبون من العروس تحضر من الساعه 1 الظهر تقريبا

انا حق عرسي قعدت الساعه 9 و دخلت سبحت و طبعا اغراضي اللي باخذها معاي الصالون تكون جاهزه بكيس و في السياره من الليل عشان ماتنسين شي .. يعني الصبح هذا بيكون وقت لك انتي بس مو لتجهيز اغراض و هالسوالف

لاتحاتين وايد لان الامور بتمشي طبيعي بس احنا نقعد نفكر و نحملها اكبر من حجمها صدقيني

و الف مبروك مقدما :)

هلا عيوني عن نفسي قبلا بليله بسوي حمام دهن عود ومناكير وبدييكير وحمام زيت لشعري وبسبح وبتبخر وبناام ثاني يوم بكون طبعا مجز شنطتي اللي بحتاجها لوازم من بخور وعطر ودهن عود وفستاني والخ

بروح القاعه الظهر بتاكد من تجهيزات القاه وكل شي وبتفق مع المكياج والشعر ساعه 5 يجون المهم اني اخلص ساعه 8 وطبعا لين مالبس ويركبون طرحه وتتبخرين وتلبسين شبكه او اي طقم تبغينه بتجي ساعه 9 وبقعد اتصور وبنزل عساعه 10 وزوجي بيجي ساعه 11ونص وبنطلع 12

وعن صلاة عادي اجمعي المغرب والعشاء بس توضي قبلها

وخلاص

فانتي لاتحاتين جهزي نفسج قبله بيوم عشان ماتكون ليله كلها اعصاب وتوتر

حبيت أساعدج .. فنقلت لج موضوع عضوه .. حسيته بيفيدج ..

==========================================

السلام عليكم ورحمة الله وبركاته
نصيحة لكل عروس بليلة عرسها تنسى انها عروس لليله وتنام مرتاحه وماتشرب منبهات ابدا وتشرب عصير عادي بس مش برتقال تحملي ترا يسويلج اسهال من الخرعه وخاصه بيوم عرسج اشربي عصير تفاح واول ماتصحين من النوم لاتقومين بسرعه استرخي بالسرير وقولي لنفسج ان اليوم عرسي وعادي كلن عرس وعادي كل الناس عرسوا وماصار شي ولاتفكرين بشي ولا بالفستان ولا شي لانج بعدها بتقومين عادي تاخذين اغراضج اللي مبرزتها تودينها الفندق وخذي راحتج نامي كثر ماتقدرين بس لاتزيدين عن 12 لانج بتقومين تسوين كمادات ماي بارد وثلج وشاي لعيونج اهم شي وبعدها تاخذين شنطتج وتسوين شيك ان حق الفندق وتاخذين الغرفه اللي خصصوالج اياها للمكياج وقبلها تروحين السويت مالج
تحطين اغراضج وكل شي وتعدلين الغرفه وتسكرين الباب
وتروحين غرفة المكياج اللي مخصصتها واهم شي لاتخلين هلج معاج ترا يوترونج ياحبذا لو انتي بروحج ومالة الشعر والمكياج وخدامتج او اخت وحده
وحطي رنه وحده خفيفه لموبايلج عشان ماينرفزونج الناس مكستج وكوشتج عادي كوني هاديه
واطلبي شاي او قهوه
اشربيها وتسبحي هناك والبسي شي للمكياج بيجاما مريحه والتوب مالها بدون حمالات عشان البودره تتوزع عدل
وطبعا فستانج وجوتيج والماساتج عندج
وقبل لا تلبسين بتجيج مسؤولة الفندق تشوفج تنزلج
وتنزلين مرتاحه عادي
ولما تدشين القاعه ابتسمي عااااااااااااااااادي ابتسامه كانج داشه قاعه عاديه لانج اصلا مابتشوفين الناس ظلام الليت بس عليج
اخيس شي بالعروس انها ماتبتسم شنو جايه عزا؟؟؟؟؟؟؟؟؟؟؟؟؟؟؟؟؟؟؟؟؟؟
وشكرا لكم



=================================

حقوق الموضوع محفوظه لصاحبه الموضوع
واسمحيلي انا حفظت الموضوع في جهازي ونسيت احفظ اسم العضوه

يزاها الله الف خير ...

هلا بنات الصراحه موهذا اللي شاغلني اللي شاغلني شاحط بشنطه يعني شنو اخذ معاي للقاعه وخصوصا ان هالقاعه بس غرفه للمكياج وتجهيز العروس يعني مافي سويت ولاشي (الدفنه)

ماادري شنو اخذ معاي غير فستان+جوتي+طقم الاكسسوار+عطر+دهن عود

شنووو بعد؟؟؟؟

اللة يعينكم
و يرزق اللي ما تزوجوا

أنصحك عزيزتي خذي معاكي إبرة و خيط بلون الفستان و كمان خذي معاك جزمة احتياط لا ينكسر احتياط لأنه بيسير و خذي فستان آخر احتياط حق صحبتك و لا اختك و حتى فستان ليكي قريب من لون فستانك بمبي فاتح جداً أو أي من الفواتح خوفا من أن ينكب عليه شئ . ..

و إنشاء الله ربنا يستر عليكي و تعدي الليلة على خير ...

و أنصحك عزيزتي أول ما تصحي من النوم أتوضي و صلي ركعتي لله و أدعيه يسهلك و أقرئي سورة البقرة و يس و الرحمن عشان ربنا يسهلك و اعتزلي نفسك حوالي ساعتين تقرئي القرآن و ترقي نفسك لأن الأنظار كلها موجها نحوك ديك الليلة ...

و ألف مبروك مقدماً ..

تـــــــــــــــــابع . .

أنصحك معجون أسنان و فرشاة أسنان و لبان و لما تبغي تروحي تنزفي شيلي البانة من فمك و لا تمضغي قدام الناس انتبهي

و اذا افتكرت شي ثاني قلتلك عليه . . .

يالله ان شاء الله يستر بهذي الليله

لو تأخذين وياج ابره وخيط ابيض ودبوس وقرآن صغيرون ولا تنسين تقرأين على عمرج قبل لا تدخلين والشيله والعباء احتياط وبس هذا الي اذكره