قصة ولادتي..ببنتي العنوود..

السلام عليكم ورحمة الله وبركاته

اشكر كل من كان يحاتيني ويسال عني..

واتمنى من الله في ها الايام المباركه يسهل ع كل حامل ويرزقها بالذريه الصالحه..ويرزق كل محروم ..اللهم امييييين..

يالله خل نبدا قصة من قصص الف ليله وليله (( وين الله يخليكم الف اليله وليله قولوا قصص الاكشن والرعب)):sad:

المهم طبعا تعرفون الاسبوع اللي طاف عليه عسب سالفة الفايروس وسالفة الماي..والنبض الضعيف هذا اول الهموم في مسيرة ولادتي وكل يوم سايره المستشفى اسوي تخطيط ومراجعه واشوف كمية الماي..طبعا بعد ها كله ظهر ماشي فايروس بس الماي اشوي...يعني المفروض اربي بسرعه عشان الماي بس العقبه النبض الضعيف..مممم انزين انا شو اسوي..احترت ولا رقاد ولا شي كله تفكير...:think: بس بالاخير الحمدالله النبض اعتدل وصار وكي:ok:

بس الحين سالفة الماي..مع طبعا الطلق اللي كان اييني من اسبوع قبل الولاده..والرحم مفتوح 2 سانتي...مممم تعب في تعب...كل يوم سايره المستشفى لكن للاسف عندي مايسمى طلق بارد..(r)

فققروا انهم يعطوني طلق صناعي لمصلحة البيبي لانه ماشي ماي..فعطتني موعد بالسبت عشان ايي اسوي طلق..المهم يا يوم السبت..فسرت المستشفى الساعه 10 صباحا..ودخلت ع الدكتوره..وقالت ماينفع نعطيج طلق الحين الا الساعه 8 الصبح ومانعطي طلق ابدا بعد ها الساعه خوفا من انه يصير شي فاذا صار شي نحولج عمليات..:eek:

المهم رديت البيت وقالتلي تين باجر من الصبح قبل الثمان وتدخلين القسم وتكونين طبعا صايمه..: eek2: خوف وصيام ويوع بعد الله يستر..

المهم رجعت البيت وتغديت ويلست مع ريلي اشوي..ع الساعه 4 يتني ويعه خفيفه بس مب مثل كل ويعه كانت تيني قبل..المهم سكت قلت نفس قبل مابيظهر شي..يت 5 وبعدين 6 والويع ايزيد وبشكل غير عن كل الويعات...المهم قلت خل اسير ويا اهلي بيت يدتي..اغير جو وبالمره انسى الويع ..فطلعت الساعه 6 وسرت ..ويلست اشوي مع الاهل..وقلت خل اصعد الدري وانزل اشوي يمكن يساعد هذا الشي..صعدت الدري .وماقدرت انزل زاد عليه الويع وكانت الساعه 8 تقريبا..:cry:

واصيح واصيح خايفه :cry: شو السالفه الظاهر الويع جد والموضوع ماشي..خوف خوف خوف اقل شي ممكن اني اقول..
المهم صعدت لي امايه وشافت حالتي حاله ففضلت انه نروح البيت احس.روحنا البيت وقالولي اتسيرين المستشفى طبعا رفضت قلت مثل كل مره بيقولون وجع خفيف و2 سانتي مفتوح وسكت وشربت زعتر..وزموتا...وعجوات..ويلست احوص بالبيت بس للاسف الويع كل ماياه يزيد وبشكل فضيع..فققرت اسير المستشفى الساعه 10 ونص...فاتصلت بريلي وسرنا انا وامايه ..وشافتني الدكتوره وقالت 2 سانتي مفتوح :eek2::mad2: لاجد سخافه يعني من اسبوع و2 سانتي انصدمت ونحبطت..فقلت خل اروح بس الدكتوره رفضت قالت اول نتاكد من نبض الياهل..اوكي حطولي الجهاز وكانت الساعه 11 وربع تقريبا..بس المفاجاه انه لما حطوا الجهاز بدا الويع الحقيقي والطلق بدا يحمي..ويال الهول...السالفه صدق:cool2:

وكان الطلق حامي بدرجه فضيعه قمت اصيح واصارخ مره ايلس تحت في الارض مره اشد كندورة ريلي ومره اصيح في حضن امايه..وريلي حدث ولا حرج الخوف باين ف عيونه وكل مااصارخ نادى ع الدكتوره وامي تضحك عليه والدكتوره اتهدي فيه..وانا طلعا خلاص احس الموت قريب...:cry:
بس جد مرت عليه كمن ساعه اشوف الموت والويع يقطع فيني واحس بطني استوى صخره المهم حسيت انه في شي بنزل من تحت :eek::eek: وزاد الخوف وانا اترجى امايه خلاص هب قادره واحس شي بينزل بس للاسف ماكانوا يصدقون لانه الرحم مجرد مفتوح 2 سانتي..بس تميت اصيح بزياده واترجي امي تنادي الدكتوره..وجت وفحصتني ..وشافت انه الرحم مفتوح 9 سانتي,.:cry::cry::cry: ماذا تقولين ايتها الدكتوره؟؟؟؟؟!!!!!!!!!!!!!!!!!!!!!!!!!!!!!!!!!!!!:think::eek2: يعني ماشي باقي وبربي وهيه تصرخ فيني اتقولي لا تدفعين الياهل للخارج اتريي لين غرفة الولاده ابسرعه لبسوني ودخلوني..بس عن جد كاني في حلم وولدت الحمدلله ..وظهرت من غرفة الولاده تقريبا 3 الا ربع..بس للاسف ماخلوني اشوف بنتي لين الساعه 10 الصبح لانه كان ييني هبوط وطحت لما سرت الحمام وماكنت حاسه بشي..بس الحمدالله شفتها وهان التعب..((وولدت طبيعي لا طلق صناعي ولا حتى عمليه وسبحان الله الله اخر الموعد عشان اولد طبيعي))

:clap::clap:


:bigsmile:(r) وين وين...خل اكمل بعد الولاده شو من تعب..اول شي الخياطه..ثاني شي الام مابعد الولاده..ثالث شي والاسوء عندي الرضاعه..وصدري اللي يطلع دم ويعووووور مووووت وماعرف كيف اتصرف فيه وطبعا لا نوم ولا اكل ولا شي ..بس ايلسي احرسي ها البنوته...

وللاسف جاستني كابه مابعد الولاده بس اليوم احس اني افضل عن قبل..

وسلامتكم..السموحه طولت عليكم اعرف...بس شو اسوي ..لقيت فرصه قلت خل اقص عليكم احد قصص ولادات ها الامهات المسكينات..:sad:

الله يسهل ع البقيه..