كسرت خشم الي خذاها

السلام عليكم ورحمة الله وبركاته
مشكورات يا ينات على الردود بس اشدعوة ما فهمتوا القصة واضحة بس ما عليه بشرحلكم مرة ثانية
اولا: البنت ما تطلقت حرام عليكم تتفاولون عليها
ثانيا: البنت يوم درت انهم ملكوها زعلت وزاعقت بس كانوا اهلها واهله يقنعونها فيه وان بسويلها الي تبية وعلى قولتكم كثر الدق يفك اللحام
ثالثا : يوم طالت المدة لمدة خمس سنيين البنت احتجت وقالت خلوني اعرس الحين قبل ما اعنس ولا الرجال كان عادي عنده ينطر عشر سنيين
رابعا:يوم عزم الريال وقال يله بعرس البنت عطته خبر ان مهرها ما يقل عن مية الف وهذا بنظري قليل وايد لان البنت ملكة جمال وابوها معروف وغني جدا والبنت اصلا كانتراضية خصوصا ان الكل يدري انه زوجها وولد عمها وانتوا تعرفون كلام الناس والمشاكل الي بتصير بين القرايب خصوصا انه بعد ولد خالته
خامسا:ولد عمها صدمها وارسل لها في البنك 40 الف ريال لا وبعد قالهم ترى المهر وصل قوة وجهة عاد البنت طارت من الفرحة ويم درت بالمهر :mad2: وقابت الدنيا حتى اهو طار قلبه من الخوف وصار ويهه جيه:eek2:
سادسا: البنت احلفت وقالت حق ابوها مهري 200 الف وعرسي في الوسيل الي في الريتز وشهر عسلي مايقل عن 50الف
فهمتوا يا بنات هذا كلة في الملجة توها للحين مايابت ولد ولا دخل عليها فهمتوا قبا العرس اهو طبعا انصدم بسما كان له وجه وقعد سنه واهو يتسلف من هنيه واهنيه الين ما سوى لها كل الي قالت
وفي النهايه البنت تزوجت وكان عرسها اسطوره من الخيال وفستاها للحين ما شفت احلى منه وجابت ولد وعاشت معاها بعد ما ورته السنع وانا قلت الكم يا بنات عشان ماتستسخرون على اعماركم هالمهر
الريال اذا خذاج بالهون بيخليج بالهون:D2

noora qatar:
السلام عليكم ورحمة الله وبركاته
اهو طبعا انصدم بسما كان له وجه وقعد سنه واهو يتسلف من هنيه واهنيه الين ما سوى لها كل الي قالت
وفي النهايه البنت تزوجت وكان عرسها اسطوره من الخيال وفستاها للحين ما شفت احلى منه وجابت ولد وعاشت معاها بعد ما ورته السنع وانا قلت الكم يا بنات عشان ماتستسخرون على اعماركم هالمهر
الريال اذا خذاج بالهون بيخليج بالهون:D2

السلام عليكم و رحمة الله و بركاته

بصراحة أختي أنا مش شايفة في هذا أي فن أو شطارة...

إنها تخلي زوجها يقعد سنة يتسلّف من هنا و هنا...

كإنها داخلة معاه حرب و تحدّي...مش حياة زوجية يعيشوها سوا مع بعض...

شو إستفادت يعني لما زوجها بدأ حياته مسكين مثقل بالديون...هذا شيء صحيح ؟

هذه وجهة نظري بصراحة...

كلش الموضوع من بدايته إلى نهايته ماله داعي ... والصراحه البنت غرورها الزايد بنفسها ... كسرت ظهر الريال يمكن الريال غلط بس في الف طريقه وطريقه تأديبيه له .... واذا هي بنت عز مثل ما تقولين جان ابوها سوا لها الي تبيه ,, والريال ما حط لها المهر الا لأن حط لها الي يقدر عليه .... بقولج شي حبيبتي الحرمه تنسى الريال ما ينسى وبيذخرها لها واول فرصه تحصل له ان يذكرها بالموضوع راح يذكرها بالموضوع واذا هو رضا بالي طلبته وعطاها اياها مو ضعف منه كان يقدر يطلقها ويفتك من طلباتها بس الريال كان شاريها .. الريال ينفرض على البنت صح بس البنت الريال يقدر يرفضها ولا يفتكر ... ومحد يقدر يفرضها عليه ... تحمد ربها ان رضى ياخذها واحد ثاني ما يرضاها على نفسه .... انا ماشجعها على الي سوته ولا حتى اي بنت تفكر تسوي الي هي سوته ... اقلهن مهراً اكثرهن بركه واضفر بذات الدين تربت يداك ..... الدين ابرك من الجمال جمالها لين متى يدوم لها .... ومالها لين متى يدوم لها .. كل شي فاني ... اما زوجها ... فهو الي الله والرسول حطو له منزله تقارب منزله الابوين وعلى حديث للرسول عليه الصلاه والسلام ... . بما معناه ان لو يصح كان جعل الزوجه تسجد للرجل .. خليها تتقي الله في نفسها ولا تتبع طريقه العين بالعين والسن بالسن ... ... الزوج يحتاج إلى وحده توقف معاه بالمستقبل .. مو تكسر مياديفه ....... عيل لو صار عندهم حفله عرس .. شنو راح تسوي فيه .. تخليه يتسلف عشان تطلع كشخه جدام اهلها .... الله عرفناه بالعقل ... والله يهديها ..حق نفسها ان شاء الله

ولا يوجد شيء من الي سوته مدعاه للمفخره !!
تحياتي

بالعكس لا كسرت خشمه ولا شيء.

من كلامج حسيت انه البنت وايد ماديه..شو استفادت الحين يوم
حطت ديون عليه بعد ما تكثر المسؤليه وصير بدل الياهل عندها اثنين وثلاثه .
.بعدين وين بييب فلوس وهو عليه ديون الزواج وحفل اسطوري على قولتج

..الصراحه موقفها هذا بين انه ريال شاريها ويحبها...لانه كان يقدر يقول مابيها يخطب اي وحده ثانيه

ف احسن لها تحط بالها على ريلها...
الله يهديها يسعدها وياه

مشكورات حبايبي على الردود المفيدة
وعلى فكرة اهي وايد عنيييييييييدة وقالت حق ابوها والله ما تدفع ولا ريال عشان مرة ثانية يفكر عدل شلون يتزوج وحدة بنت ناس
بس لانهم قرايب والله انشاء الله يهديها وهو في الواقع يموت فيها بس كثير مشاكل بينهم على الفلوس خصوصا انها واييييييييييييييييد
مسرفة

السلام عليكم ورحمة الله وبركاته

والله يا بنات أنا أقول الغلط من اهلها إللي زوجوها وإهي ماتدري؟ أصلن حتى بالشرع حرام؟
وفوق هذا علقها وأهلها سكتو طول هالفتره؟؟ بس تدرون أنا اشوف إنها زين سوت
أولا : إنها مغصوبه عليه وبروحها ماتبيه
ثانيا: علقها لفتره طويله وفوق هذا عطاها مهر أقل من إللي حددته صج إني لو كنت مكانها بستحي على سالفة المهر بس أهو يستاهل لأنه علقها وهذا بدال مايجمعلها المهر عطاها أقل من إللي حددته
بس الحمدلله كا الحين عايشين ومرتاحين الله يتمم عليهم
بس مع ذلك مو إنه كل الرياجيل يمشون بالعين الحمرا غلط كل رجال وله إسلوبه الخاص بالتعامل في رياجيل يحبون إنه كلمة المره تمشي عليهم وفي رياجيل يحبون يعاندون ويردون الصاع صاعين بس صدقوني كل شي بالتفاهم وبالإسلوب الودي ولازم تكون في موده وعطف والكلام الطيب والحلوو وصدقوني ذيك الساعه بيصير خاتم بيدينها لأن الرجال مايبي غير الراحه النفسيه

ويعطيج العافيه يالغاليه :)

انا شايفة انها جدعة عشان عرفت تخلية اذاى ميستقلش بيها بعد كدة و يعملها حساب بس كان ممكن يكون بالمعقول شوية

عشان لية تعيش فى ديون معاة

المهم ربنا يهدى سرهم مع بعض ويباركلهم فى ابنهم

أنا معاش اختي ان الرجاجيل ما يمشون الا بالعصا ......


بس اذا هي ذكية ...... اما اذا غبية اسمحيلي عقب اللي سوته بس يستغني بينقم منها


حزة الشدة شدة و حزة الدلع و الحب و العواطف


يعني تشد و ترخي

مو كله طق


ينتقم


تعطيه جرعة حب و تحرمه منها


تشد ....... و ترخي