طبق سهل ... وماياخذ اكثر من ثلث ساعة تحضير غير وقت الطبخ الأساسي ينفع للموظفات مثلي ... والكل يحبه ... الصغار قبل الكبار
خلونا نشوفه وأمانة اللي تسويه تقول لي عن رأيها
المقادير
صدرين دجاج بدون عظم ولا جلد ( احتجت بس صدر ونص وزاد بعد )
بصل مفروم فرم ناعم
جزر مبشور
بقدونس مفروم فرم ناعم
علبتين قشطة
كيس توست أبيض أو اسمر ( انا سويته بالأبيض لان اختي الصغيرة تحبه )
جبن سائل
مكعب ماجي
فلفل أسود
بقسماط
الطريقة
1- حمري البصل في اناء على نار متوسطة ( مجرد تذبيل ) مع التقليب المستمر والمتابعة وبعد ان يذبل اضيفي عليه الجزر
2- أثناء تحمير البصل اسلقي صدور الدجاج في كمية مناسبة من الماء واضيفي اليها مكعب الماجي
3- قلبي البصل والجزر جيدا الى ان يذبل الجزر
4- بعد نضج الدجاج ارفعيه من على النار وافرميه فرما ناعما
ثم اضيفيه على خليط البصل والجزر
واخلطيهم جيدا
5- اضيفي علبة قشطة كاملة ونصف العلبة الثانية وقلبي الخليط
ثم اضيفي الجبن السائل حسب الرغبة ( رغبتك في ملوحة الخلطة )
والبقدونس
وخلي زوجك يضيف لمساته المهمة باضافة الفلفل الأسود ( اصر انه يطحن الفلفل عشان يقول هو اللي سوا الطبخة كاملة )
6- ازيلي حواف التوست بسكين حاد وصفيها في صينية فرن ... وامسحي كل قطعة بمسحة من القشطة
وضعي كمية الحشوة المناسبة فوق كل قطعة توست .. ومديها لتغطي القطعة كاملة
7- غطي كل توست بقطعة توست مدهونة بالقليل من القشطة ورشي عليها البقسماط
وتدخل الفرن الى ان تتحمر الطبقة السفلية من التوست وتحسي انها صارت مقرمشة
8- تزال من الصينية وتقطع بشكل مائل على شكل مثلث .. وترتب في صحن التقديم
وبالعافية على قلوبكم
بس قولوا لي ايش رايكم ؟
حقوق الموضوع لمنتديات عروس وعلى من ترغب في نقله ذكر المصدر للأمانة
