عندما تكون الأبوه نقمه....

السلام عليكم ورحمة الله وبركاته

ومبارك عليكم الشهر وتقبل الله صيامكم ...

بدون مقدمات سأسرد لكم قضيه صديقتي ... وأريد رأيكم وحكمكم.....لما التمست منكم من قبل في حل الكثير من المشاكل ...... والله يجزيكم خير على كل الي تسونه للعضوات..

القصه تبتدي ان عندي صديقه متزوجه ولها بنت وولد بنتها الاولي الحين كملت 3 سنوات وولدها توه صار لم 4 او 6 شهور ماذكر .. المهم...صديقتي كانت قبل لا تتزوج في مشاكل مع بيت امها وابوها .. يعني حتىمعاملتهم لها كانت مثل الخادمه بالبيت .. وما مره سمعت منهم كلام حلو بس هي عمرها ما شتكت منهم وفوضت أمرها لله .. والمصيبه أن بيت اهلها ناس يحبون الفلوس بطريقه مو معقوله .. ومنخشين تحت اطار التدين على حساب البخل .... لدرجه ان ابوها يشتري .. من الثمار الخايسه الي لا تصلح للأكل .. وكانو بيرمونها حق زواج كل الفايده منه بس المصلحه والريال كان راعي مخدرات والعالم الله بس الحمدالله الله رزقها بزوج ونعم الزوج ..... الي الحين ارتاحت معاه بس طبعا ما ارتاحت من مشاكل بيت ابوها ......

أول شي كل ما تروح بيت ابوها محد يقعد معاها ولا احد يعبرها وحتى يوم ولدت أمها قالت لها انا ماقدر اتحمل اولادج وانا مو مسؤوله عنج كفايه اني ربيتك ..... مع ان اختها الثانيه ما تعاملها نفس المعامله عشان ان زوجها ولد خالتها .. ولد خالتها في نعمه وخير .. وزوجها على قده ..وعشان ان صديقتي لمه تشوف الغلط ما تسكت عنه ودام تحاول تنصحهم لأنهم تشوفهم يقعون في الحرام من غير ما يدرون.... او يمكن يدرون ... عشان جذي ما يحبونها .. المهم ماطول عليكم

البنت ما تحب تروح بيت ابوها بسبب المشاكل اليوميه ولأن محد يقعد معاها هناك .. ولا حتى تحصل اكل حق عيالها كل شي تصرفه على نفسها هناك .. ولا حتى احد يساعدها مع ولدها الصغير .. لدرجه ان في النفاس امها مشتها في يومها ال15 ,,,, تصورو...

ابو صديقتي من زمان كان يشرب ويلعب .. وبطل شرب بس ما بطل لعب .. وصار لهم فتره عندهم خدامه اندونسيه ... وصار له فتره يتحرش فيها .. وصديقتي تقول لامها والام طبعا تقول انها كذابه ما تصدقها تقول هذا من حقدك وحسدك عشان زوجك ما يقدر يجيب لك خدامه .. وتبينا نسفر الخدامه ..

المهم زوج صديقتي يجبرها كل مره على وصل الرحم وهي تروح مغصوبه لدرجه صارت فيها حاله نفسيه من بيت اهلها ... إلين جا اليوم الي ينفضح فيه كل شي ... ابو صديقتي صادوه يغتصب بنت عمرها 13 وهي بنت جيرانهم وطبعا القضيه صار فيها شرطه وحبس .... وزوجها ما يدري طبعا صديقتي خافت على بنتها ... لأن المصيبه طلعت ان ابوها كان يستدرج البنت هذي كل مره صديقتي تزور بيتهم كان ياخذ بنتها فوق ويغتصب البنت طبعا برضاها قدام بنتها الي عمرها 3 سنوات وصديقتي كانت تلاحظ تصرفات غريبه على بنتها وتضربها عليها بس ماتدري ان العيب كان في ابوها ... الحين طبعا زوج صديقتي ما يدري عن الموضوع لأن مسافر .. ولازال يجبرها انها تزور بيت مها بحجه صله الرحم وصديقتي كل مره تطلع عذر .... تخاف على بنتها .....لأن هالشي صار قدام بنتها وراح تفحص بنتها لأن احتمال ان بنتها بعد صادها تحرش من ابو صديقتي ....

المصيبه الحين ان صديقتي ما تقدر تقول حق زوجها عن ابوها ولا تعرف شلون تمتنع عن الذهاب هناك ..... والي صار خلاها تنهار ... وطبعا الي صار اثبت حق امها ان صديقتي على حق ... بس بعد محد اتصل حتى يعتذر لها ولا هي بعد تبي تروح ...

ياليت احد يقولي كيف اقدر اساعدها وكيف ما تقول حق زوجها وتوصله المعلومه انها ما تبي تروح بيت ابوها

الله يساعدها ويفك ضيقتها ....

انتظر ردودكم .....