زجل سوري لابو راتب في حفلة له بالمغرب
من جهتي اعتبره أجمل صوت وأجمل شكل سبحان الخالق
يا اهل (...) أنتو النبع والعين
أنتو إلنا مثل النور للعين
أهلاً وسهلاً شرفونا أحبابنا
يابا رتب حرفك ع حرفي حتى تغمرنا الألفة
والزواج انا بصفي بدافع عنه يااخوان
زواج وعزوبية محاورتنا يااخوان
أنا بحب العزابي ومعي كل الشبابِ
لك أوعى لا تقرب بابي وتتحداني في الميدان
اسمع مني هالعبرة المجوز عندو خبرة
الزواج عفة وسترة ومنه الانسان بينصان
يااخي العزابي مرتاح لامشاكل ولا صياح
وعايش في الدنيا سواح وداير لكل البلدان
المتزوج بيروح عالدار عيشة حلوة واستقرار
اما العزابي محتار وجهه بين أربع حيطان
ولك مين العايش مين إسأل كل الموجودين!
والمتلو بيغرق بالدين وما اكثر طلب النسوان
المتزوج دغري وموزون وماعندو لفات عيون
اما العزابي مجنون كله لف ودوران
والشغلة ماهي بالزواج ياابو الفكر الوهاج
وغير التقوى ما بتحتاج ليكون عندك اتزان
ياريت بتعرف ياريت لما بروح على البيت
اسأل عني شو تغديت مش سندويش كله دبان
اولادو فيه طول الليل بكى وصراخ وعويل
اما العزابي زنكيل نومه هنا واطمئنان
ولك عزابي شو هالتفكير فكر للامام كثير
والولد بكرة بيصير سند على طول الزمان
المتزوج الله يعين راتبه كله تسعين
وما بيكفي الدار طحين كيف يطعمي هالصبيان
العزابي دوم مخربط مهما رتب وخطط
ومين اللي مبارح عيط بدوا يتزوج يااخوان؟
المتزوج يا معذبني بأفكاره بيجنني
هاي فك عني وخلصني وزوجني اربع نسوان (ياويلي )
اضغط هنا للاستماع