بنات قطر فقط

الله يتمم عليج ان شاء الله انا من قطر بس ماعرف شنو الاشياء الضروريه
ان شاء باقي البنات يفيدونج

والله اختي بعد انا مثلج ماعرف واتمنى البنات يفيدونا...

اختي الغالية

الله يتمم لج الحمل على خير واتمنى من الله انه يسهل لج الودلادة

اللي بتحتاجينه هو :

1- فوط صحية ...((وهاي بتلاقينهم في الجمعيات وفي منهم في موذر كير
2- ملابس داخلية ...(( في منهم اللي ينلبسون مرة وحده وينرمون وينباعون في تشيكو واسمهم ديسبوزيبل اندر وير ))
3- ستيانات رضاعه ...(( وهاذي بتلاقينها في ماركس وهي من افضل الانواع وانا وايد ارتحت لها ))
4- ملابس النفاس ..(( اخذي اللي كشخة حق اللي قدام الناس ..والباقي اخذي حق النوم وتكون بازرار علشان الرضاعه وما تتغربلين ))
5- كريم ترطيب للجسم ..(( بعض الحريم جسمهم يصيده جفاف من الولاده ))
6- سافلون ...((مطهر مثل الديتول ..علشان تخلطينه بالماي وتتغسلين فيه بالمناطق الحساسه علشان الخياطة تبرى بسرعه ))
7- صابون للجسم ويكون من غير ريحة معطرة قوية ..(( علشان البيبي ما تضرينه ...))
8- شامبو ريحته خفيفه بعد ..
9- نعاله بيت وتكون مريحة ..(( لان ظهر النفاس يكون لين حزتها وما تقدرين على الكعب ))
10- ضاغط أو مشد ..(( علشان تصلبين ظهرج فيه وتشدين بطنج ..))
11- فرشاة اسنان ومعجون
12- مشط وربطات شعر
13- مجفف شعر (( لو تعتقدين انج بتحتاجين له ))
14- ملحف للمستشفى (( انا شخصيا ماحب ملاحف المستشفى احسها وايد خشنه فاضطريت اني اجيب لي من البيت ))


هاذي تقريبا لوازمج للمشتسفى ككل ...واتمنى اني ماكون طولت عليج ..واتمنى اني اكون افدتج

كان ودي ياعيوني اسااعدج بس مااعرف بس قريت انه في محل بغرناطه مجمع غرناطه اسمه سيدتي او ماادري ايش فيه حاجات ولوازم البيبي والام

وسمعت وحده بيتها بالدفنه اسمها ام عارف او ياسر تعمل قمصان نوم رزة للام

واتمني البنات يساعدونج والله يقومج بسلامه

مشكورين يا بنات ويعطيكم العافيه
انجي قطر