ساعدوني لو بكلمة

السلام عليكم ورحمة الله وبركاته
أختي لحظة صمت
أعتقد إن زوجك يحاول يفهمك إللي يريده بطريقته الخاصة وهو إنه يعاملك مثل ما تعامليه
أنا معاك إن المفروض الرجل هو إللي بيده المبادرة الأولى
بس لازم في المقابل يحصل استجابة
والاستجابة ممكن تكون سريعة أو بطيئة
بس في حالتك ما صار في أي نوع من الاستجابة
حتى الكلام بخلتي فيه عليه
وهو ما طلب أكثر من حقه
وما طلب كثير كلام حلو ادلعيه
بصراحة حاولي إنك تبدأي خطوة خطوة
يعني مثلا
ما تقدري تقولي كلام حلو في وجهه
قوليه بالتلفون
أو اكتبي له كلمتين حلوات من القلب في بطاقة صغيرة مع هدية بسيطة جدا حتى لو كانت دبدوب لعبة صغير أبيض ملفوف بشريطة حمراء مكتوب عليه كلمة أحبك مثلا
وبعدها
حاولي إن إنك ادخلي بعض الكلمات الحلوة
مثال حبي شو أخبارك
مثلا مع السلامة الغالي
أو الله لا يحرمني منك

أشياء بسيطة أنا أقولها لصديقاتي وخواتي وأولاد أختي
معقولة ما تقدري تقوليها لزوجك
تشجعي ولا تخافي
وصدقيني مع أول كلمة يمكن يكون فيها صعوبة بس بعدين إنت ما بتقدري تنطقي اسمه بدون ما تقوليله حبيبتي

والله يهنيك ويسعدك ويريحك ويقر عينك بزوجك وأولادك

مشكوورة ياعيوني ياالمذهله انا فعلا كنت ابغى اسمع اي كلمة تطيب خاطري

يعني انا مو مررره مااقول كلمه حلوه

يمكن مرتين (: حبيبي عيوني

لكن اهديه هدايا دايما واكتبه في الكروت كلمات حلووووه اني احبــــــه
لكن انا مستنيه ان الكلمات تخرج صادقه ... بس مو معناته اني مااحبه

لكن لازم احاول ولا حاسته راح يصير بارد وتصير حياتنا ممله

وخايفه الين ماايجي الوقت وينطلق لساني يكون هو فقد الامل مني

لكن مشكوووووووووووره يااحلى مذهله على مرورك

السلام عليكم ورحمة الله وبركاته
الواضح منك اخت صمت انك وااايد خجوله يمكن حتى تخجلي من نفسل مع احترامي ليك
بس لازم تعطيه ريق حلو مثل مايقولون
بصراحه اقول بيك ان اريال بسرعه يطفشوبسرعه ما يدور عن وحده ثاااانيه
طبعا اني م اتمني هشي بسانتي طلبتي الشور او انصيحه

السلام عليكم و رحمة الله و بركاته

هلا فيكي أختي...

أختي...الحمد لله إنه زوجك يصرّح باللي يريده...يعني يقول لك سوي كذا و كذا...

كان ممكن تلاقيه زعلان و إنتي مش عارفة السبب

طبعا أنا ضد كمان إنه يصير تجازلات كتير خلال فترة الملكة

لكن طالما الأمور تحت السيطرة...يبقى لازم أختي تحاولي

ما ترضي يروح يشتكي لأهله أو أصدقاؤه و يقول لهم زوجتي جامدة

أو يقعد يفكر مع نفسه و يقول زوجتي ما تحبني...و يرجع يعيد حساباته من ثاني

لذلك أختي...حاولي...لأنه زي ما قلتي الحل في يدك

و الله يتمم لك على خير إن شاء الله

king moon
ا انا خجوله لكن مع الايام راح يتغير الوضع ........... يعني لمن اتعود على الشخص واخد عليه يروح الخجل ... وان شاء الله نعدي المرحله دي قبل لا يطفش
اختي مرموم

[color=#330066][color=#330066]اكيد ماراح تصير تجاوزات كثيره لان الامور تحت السيطره من ناحيتي ومن ناحيته كمان ..... نوقف عند الخطوط الحمرا

وان شاء ماتوصل الامور لاهله او لاحد من اصحابه .........[/color][/color]

والله يفك لساني المربوط ..... وينطلق

امييييييييين يارب

ويسعدكم ويوفقكم قولوا امين

لحظة صمت
شوفي حبيبتي أنا لما كنت في فترة الخطوبة كنت أكثر منج في الخجل بس تصدقين لدرجة إن كانت فترة خطوبتنا تقريبا سنة وشهرين وبعده تزوجناااا وماتصدقين لو أقول لج إني لما كنت أسمع كلمة حبيبتي منه أمووت في نفسي ولون وجهى يصير أحمر أخضر أصفر كل الألوان وكاااان يقول لي خلااااص إذا بيصير فيج كذاا مارااااح أقول لج هالكلاااااااااام وأنااااااااا أمووووووووووت فية صج إني ماأخذته عن قصة حب بس هو مثل زوجج يقرب لي ولد خاااااااالتي ولا عمري شفتة أو شافني إلا بعد الملكة وفي البيت مع الأهل
بس فكرة فيهاااااااااا أناااااااااا ليش مااااااااااااا أصير أقوى شوي ولين متى بخجل منه لأنه خلاااااص رااااااااح يكون معااااااااي طول العمر وإذااا مااااااااقلت كل الكلااااام الحلو حق زوجي بقوله حق مين الصرااااااااااحة زوجي أولا من أي إشخص وشنو بخسر لو طلعت الكلااااام من قلبي جربت مرة كنت مسوية له حفلة صغيرة في البيت طبعاا كنا نحتفل كل 2 من الشهر لأن يمر شهر على زواجناااااااا
وكناااااااا قاااااعدين على الطاولة نتعشى وكنت في البداية مقابلته على الطاولة وبعدها بخمس دقايق قمت وجلست على الكرسي اللي على يمينه وشوى شوى قربت من أكثر لدرجة إني كنت ألاحظ علية شلون كان مستغرب من تصرفاتي بس المهم قويت قلبي وخليت الخجل كله ورااااا ظهري وبديت أطلع كل الكلام الحلو وتصدقين بنفسي كنت مسغربة من حالي شلون هالكلامات تطلع نى المهم كلمة ورا كلمة وبديت أحس إن شى عاااااااادى اللي كنت أسويه وهو تقبل كل كلمة كنت أقول له وكان يبادلني الشعور وشوي شوي صرت أعطيه الأكل بإيدى ومن ذاك اليوم وأنااا خلاااااااص نيست شى إسمه خجل مع زوجي ومااااااااتصدقين إحنااااا شلون ألحين عااااااااااااااايشين والله صاااااااااار لنااااااااااا سنتين متزوجين واللي يشوفنا يقول هم للحين في شهر العسل الحمدالله ((((اللهم أبعد عنااا الحسد))) والحمدالله الله رزقناااا بولد من شهرين وماااااااتصدقين شلون هو مهتم فينااااااااااااا ويحبنااااا وأناااااااااا بعد صرت ماااااأستغنى عنه دقيقة وكل ماأبي أطلب منه شئ كلمة حبيبي أو حيااااتي أو عمري تطلع مني قبل لاأطلب أي شي وألقى منه ذالك الرد اللي يرد الروح هااااااااا حبيبتي وعمري أنتى آآآآمري عيوني لج.............

المهم الظااااااااهر إني طولت في الكلاااااااااااااام بس ياااااااااريت تسوين نفسى وجربي وبلاااااااااا خجل مع زوجج
والله يوفقج ياااااااااااارب ويرزقكم بالذرية الصاحة

الله يوفقك ياعمري و يبعد نك الحسد وعيون الحساد

اسفه ياعيوني على التاخير ... تعرفي رمضان ومشاغله

ان شا الله ربي يوفق الجميع ويررزقنا ويرزق جميع نساء المسلمين بالذريه الصالحه

وتسلميلي ياقلبي على الرد والاستفاده منك