ارجوووووكم ادخلوووو بسرعة

يا ويلي عليج ،،،،، اسمعي دهني راسج بزيت الزيتون قبل النوم،،،والصبح غسلية،،،،عملي لشعرج مساج،،،،، واعملي ضفيرة لانها تثبت الشعر
ان شاء الله ينفعج،،،،

شوفي.... اذا كان عندك ظروف صعبه وحالتك النفسيه مو زينه أو تستخدمين علاج خاص فغالبا هي سبب مشكلتك

2_ ممكن الشامبو ما ناسب شعرك

3_الصبغات والفرد والبيرم عدو للشعر

اذا ماكان هناك سبب فأكيد أن شعرك جته عين ...
استعملي لب نبات الالوفيرا
ممكن تلروحين لمراكز علاج الشعر وهي منتشرة في العالم يشوفون جذر الشعرة بالكومبيوتر

طمنينا عليك:)

السلام عليكم
اخت انهار كل كلمه ذكرتيها تنطبق علىمن خفت الشعر الى الالام فروة الراس الى اخره لكن من سبع شهور بدات اعتني بشعري اهتمام غيرعادي في الشهر الاول كنت اخذ البصل واعصر واخذ عصيره واحطه على شعري يوم ورا يوم والشهر الثاني والثالث والرابع احطه كل ثلاث ايام والشهور الباقيه كل اسبوع واحط حنا كل اسبوع مره وحده وايضا احط خلطه رهيبه للشعر اخذتها من المنتدى وهي البيض والزيتون والعسل تحطينها على
شعرك لمدة ثلاث ساعات وهي تعطي اللمعان والان شعري ولله الحمد خفت الالامه وخف تساقطه ورجع مثل اول يعني الصلع اللي في مقدمت راسي اختفت وهاذي الوصفه تبي منكي عزيمه وصبر ما تبي كسل
ملاحظه البصل يكون لونه احمر على بنفسجي
مع السلامه

انا يوم صبغة شعري صارت لي نفس المشكله..
فقمت وسويت حمام زيت كل اسبوع وبتعدت عن الاستشوار.. واستخدمت شامبو مناسب لنوعية الشعر وقبل غسل الشعر اضع زيت مناسب للشعر لمدة ساعتين او اكثر..

:confused: :confused: :confused:
نفس مشكلتي وصارت نفسيتي تعبانه لما خف شعري وبالذات من الأمام وماكن بهذا الشكل

وان شاء الله اجرب نصيحة الاخوات
وثاني شي انا بديت انام بدري يعني السهر يأثر على الشعر
والتغذيه الداخليه
عزيزتي انهار ايش رايك نجرب هذي الوصفات ونقول لبعض التحسنات ان شاء الله

في أمان الله:D :D :D

عزيزتي مشاعل ابغى اسالك البصل احطه على شعري قد ايش الفترة؟؟؟؟
وبخصوص وصفة البيض والعسل وزيت الزيتون احط الصفار ولا البياض والصفار
وكم كميةالعسل والزيت وماهي المده الي اخليها بشعري؟؟
وهل كنتي تحطينها في نفس فترة وضعك للبصل يعني يوم بصل ويوم العسل والبيض
ولاكيف؟؟؟
معليش على الاسئله الكثيرة
لكن انا محتاجه الاجابه والله يوفقك ويوفق كل وحده ردت في الدنيا والآخرة



في أمان الله:o :o :o

انصحك يا اخت انهار با ستخدام شا مبو طبي اسمة نيزارول مرةمفيد الفروة الشعر وكمان يقفل الفراغات الي في مقدمة الشعر

السلام عليكم
كذلك استخدمي صابون الغار بتلقينه عند العطار لانه يحتوي على كميه من زيت الزيتون.طبعا للشعر

الله يكون في عونج و انشالله تلقين حل مناسب لمشكلتج

حبيبتي اسم الله عليك ان شاء الله مهي عين انا حاسة انك رحتي لاكوفيرة غشيمة صبغة شعرك وحطت لك الصبغة على فروة الراس طبعاً تضعف الجذور ويتساقط الشعر :mad:
اذن هذا سبب ( خطاْ في وضع الصبغة ) ...
عندي وصفة ان شاء الله تنفعك جيبي الصبار النبتة لو تاخذينها من الشارع اذا لقيته مزروع وانتبهي خذي كيس معاك لانها سبحان الله اول ما تقطعينها يسل منها الي بداخلها بكثرة خليها بكبرها لاتقطعينها ...
2- اقطعيها من الجنب زي ما نقطع الصامولي اذا تبغين تسوين ساندوش ...
3- حطي بداخلها حلبه عادية مو مطحون كنك تحشينها .....
4- لفيها بخيش مثل خيش الرز وبليليها كل يوم لمدة ثلاث ايام .. تنزرع الحلبة سبحان الله .
5- بعد الثلاث الايام افتحي ورق الصبار وخذي الي بداخله كله بس طشي الورق الخارجي الاخضر يعني قشريها مزبوط الله يعينك واطحنية يطلع خليط ادهني منه واعملي مساج للشعرك من الامام خاصة ...بعد كم ساعة اغسليه المهم اكثر من ثلاث ساعات .. ثلاث مرات ( سبت - الاثنين - الاربعاء ) الخميس حني راسك بوصفه يكون فيها سدر وحنة والجمعة سوي حمام زيت نوع فاشكول بالثوم ...
( داومي على الشي عشان تبان الفايدة سواء وصفتي ولا غيرها )
اعملي لكِ شامبو بصابون الغار : ابشري ستة حبات صابون غار بلترين ماء وبعد عشرة ايام او اقل الين يذوب الصابون واجعليه شامبو لكِ خاص الين ماتمر هذة المشكلةان شاء الله بسلام ........
واحذري انك تعالجينه وتخربينه بالستشوار والصبغات والميش ....
وحاسه انك ما استخدمتي الحنة ابد ..... رغم انك ما اعطيتيني معلومات وفيرة .... لكن هذا الي ينفعك حالين والله اعلم .....

السلام عليكم
اختي بلقيس اليمن انا متاسفه كثير لاني تأخرت في الردعليكي لانه كنت مشغوله كثير بالنسبه للسؤال بخصوص البصل احطه على شعري لحد ما تنشف موية البصل وبعدين اغسله بماء فقط اليوم الثاني احط الخلطه بيضه وحده بصفارها وبياضه وملعقتين عسل وثلاث ملاعق زيت الزيتون لمدة ثلاث ساعات ثم اغسلها بالماء والشامبوونصيحه مهمه للجميع بنات المنتدى انا لما احط الحنا اغسل بماء فقط اول ما اطلع من الحمام احط عليه زيت وانام فيه وبعدين اغسله بالماء والشامبو صدقوني يابنات انا شعري كان خفيف وقريب الى الصلع واحس بالالام في فروة الراس الى درجةاني ما انام الليل وضليت اعالج شعري بالمستشفى اكثر من ثمان شهور لكن ما جاب نتيجه لكن هاذي الوصفه اكثر من رائعه رجعت شعري كثيف مثل الاول ويمكن احسن ولمعان ونعومه غير طبيعيه والالام اختفت وانا صارلي اكثر من سبع شهور وانا مداومه عليها واتمني التوفيق للجميع بلقيس اليمن اذاقراتي الوصفه ردي على حتى اتطمن انها وصلتكي الوصفه
مع السلامه

مشاعل كيفك حبيتي انا كنت اخذ ورق البصل وطبعاً تكون لونها احمر وبعدين اطبخها الين لون الماء يصير احمر وهذا المية اجنبها الحنة .....
ينفع كذا ولاالا للزم زيك ( بس شعري الحمد لله ) .
تنبه يا بنات صح كلام مشاعل عن الحنة بد ما تشطفينة باالماء ( الله يعيننا)
نحط الزيت الي نستخدمة ومن بكرة نغسل الشعر ..... عشان مايتقصف الشعر وتكسرة الحنة ...
شكراً حبيبتي مشاعل على هذا التبية الي كلنا غفلنا عته ولا ذكرناه ...
وفهمين زين وصفة البصل ..حبه حبه :o اذا ما اتعبك عيوني ...

مرحبا اخت مشاعل ،،،، بغيت أسالك عن الثوم والزبدة ،،، زنيين للشعر ولا لا ؟؟؟؟؟
على حسب كلامك ، اليوم احط بصل ، باكر خلطة العسل والبيض ، اليوم اللي بعدة حنه ، وبعدين بصل ............... صح اللي فهمته ولا لا؟؟؟
وشكرا

البناااات صرررراحة وفوا وكفوا;)

السلام عليكم
عزيزتي الام الحنون انا بقولكي طريقه افضل من الطريقه اللي ذكرتيها لانه انا في اعتقادي البصل لما تغلينه بتروح فائدته اولا تخلطين البصل في الخلاط وتاخذين عصيره مقدار نصف كأس وتضعين عليه ملعقتين قشر الرمان وثلاث ملاعق حنا وشوية مويه وتخلطينها زين واتركيه ساعه وبعدين حطيه على شعرك لمدة خمس ساعات واغسليه بماء فقط وبعدين زيتي شعرك ونامي فيه ومن بكره اغسليه بالماء والشامبو وشوفي اللمعان والنعومه وانا انصح فيها جميع بنات المنتدى اما بالنسبه للبصل اخذه عصيره واحطه على شعري في الشهر الاول كنت احطه يوم ايه ويوم لا ولما شفت ان شعري تحسن صرت اخفف منه واحطه بس كل ثلاث ايام ولما صار شعري في احسن حالاته صرت احطه مره وحده في الاسبوع
اما الاخت بنت البر انا جربت الثوم شهرين ماشفت اي نتيجه وتركته وبعدين انا قرات في المنتدى ان الثوم يجيب الشيب ام بالنسبه لسؤالكي الثاني مثلا اليوم السبت احط بصل اغسله بماء فقط ويوم الاحد احط زيت الزيتون والبيض والعسل واحط عليه بلاستيك حق السندويشات واغسله بماء وشامبو واريح شعري لمدة يومين او ثلاث ايام لانه كثر غسيل الشعر يبهته ويفقده اللمعان ويوم الاربعاء احط عليه حنا وانصحكي بخلطة الحنا اللي ذكرتها في البدايه واغسله بماء فقط ثم ازيته ومن بكرى اشومبوه وانشاء الله اكون افدتكم وفهمتو على واي سوال انا حاضره واسفه على الاطاله مع السلامه

يعطيج الف عافية اختي الغالية مشاعل على النصايح الحلوة مثلك ومشكورين يا بنات على نصايحكم وانشاء الله امشي على الطريقة والله يعيننا , وحبيت اقولك اللي فهمته يا مشاعل علشان اذا فيه اي خطأ وضحيلي ;)
يعني اول شيء اخذ بصل واعصره في الخلاط بدون ما اضيف له اي شيء ولا حتى ماء وبعدين اضيفه على شعري لين ينشف البصل وبعدين اغسله بالماء والشامبو وثاني يوم احط خلطة البيضة وملعقتين عسل وثلاث ملاعق زيت زيتون وبعدين احطهم على شعري وعلى هالحال يوميا وبعدين احط حنة في الاسبوع مرة ,ها صح كلامي ولا لأ؟ ارجوج اذا فيه اي خطأوضحيلي اياه .............:(
ويعطيج العافية

حبيبتي انهار
البصل تاخذين بس عصيره وتحطينه على شعركي مو البصل وعصيره
انا شرحت ثلاث مرات كيف اعتني بشعري ومع ذلك احس اخت انهار انتي والاخوات مافهمتوا يمكن لانه كلامي كثير او لانه انتم تقرأون بسرعه اتمنى اخت انهار ترجعين وتقرئين اللي كتبته كلمه كلمه وتحاولين تفهمين وان مافهمتي الله يعيني اكتب الموضوع مره ثانيه
مع السلامه

يابعد عمري ابصراحه انا مثلك باظبط
وشرحت حالتي للبنات قبلك وقالولي
المر المطحون مع اي زيت تفركين فروت راسك بس شوي شوي
وتخلينه 3 ساعات وتغسلينه ويكون ثلاث مرات فالاسبوع:( :(


ان شاالله يارب يفيدك ......

خلاص حبيبتي مشاعل فهمت عليج
بس حبيت اسأل انا احط البصل يوم والخلطة مالت البيض اليوم اللي بعده وعلى هالحال يوم ويوم ,أو احط البصل يوميا والخلطة مثلا مرتين في الاسبوع ؟؟
اتمنى اني ما اكون ثقلت عليج :o
ويعطييييييج الف عافية .........


اختك انهار;)