ساعدوني

شوفي حبيبتي انا ماجربت الولادة لسى بس هذاني مثلك انتظر الولاده بس جتني الام طلق تروح وتجي والام الطلق تكون مثل الم الدورة الشهرية زي مغص الدوره والم ظهرها هذا بالبداية وبعدين يشتد عليك اكثر
اما الشنطة فانصحك تتصفحين المنتدى وتسوين بحث كاتبين كثيرررررر عن اغراض شنطة الولاده
والله يوفقك ويهون عليك امورك :)

محبة للخير تسلمين والله حياتي على الرد مثل ماوصفتي الام دورة عجيبة والظهر يعورني وتوه الحين خف شوية يعني اتوقع اليوم اولد والا يستمر جم يوم لاني لي اسبوع تجيني الام دورة بس اليوم مغص والام شديده اسفل البطن والظهر

وجزاج الله خير وتولدين انشالله تولدين وتقومين بالسلامة

الله يهون عليك ويسهل عليك ان شاء الله

ما أعرف ولا جربت الطلق بس اللي قريته انه الم يكون منتظم يعني مثلا الم يستمر دقيقة ويجيك كل عشر دقايق بعدين تزيد فترة الألم ويقل الفرق بين كل طلقة والثانية ... والطلق الحقيقي مايخف ولا يتغير لمن تمشين او تغيرين من وضعية جلوسك

هذا هو طلق الولادة ... وطبعا فيه علامات ثانية للولادة

حبيبتي المفروض انك قريتي كتب عشان تاخذين فكرة على الأقل

ان شاء الله تبشرينا بسلامتك وسلامة البيبي

الله يسهل عليج ان شاء الله

انصحج تروحين المستشفى و هم بيسوون تخطيط و بيعرفون إذا في طلق و لا

مشكورة على الرد رومي والله قريت عن الولاده وسمعت بس لما يصير لج تخافين وماتدرين هذا بالضبط العلامات اخاف اروح ويقولون طلق كاذب لان تجيني الام واحس حلاص بولد بعدين تختفي فجاءة

ريم مشكورة على الرد حبيبتي بعد الفحص اللي سوته لي الدكتورة وعورتني ولا قدرت تفحصني عدل لانه يعور ولا قدرت اتحمل وماابي اروح الا وانا بولد


الالم مازال يجي ويروح نزل مني ماي بس شويه ومغص والام الظهر واسفل البطن

ادعولي ان الله يسهلها علي وارتاح

الله يهون عليك انشالله ويسهل ولادتك امين بس انا اسمعهم يقولون ان الزعفران يحمي الطلق اغليه واشربيه وانشالله تبشرينا

هلا اختي قيمر تسلمين على الرد حبوبه

انشالله اسمع عنج اخبار حلوة وتبشرينا عن حملج

الله يهون علكى الطلق مثل ماذكرتى بس يفضل يم او يومين بس من الافضل انك تروحين المستشفى واذا نزلت علكى ماى لزم تروحين على طول وانتى اذا طلق ما حتتحملى وين زوجك

هلا والله اختي مشكورة على الرد
الام الظهر واسفل البطن واحس بطني نااازل حيييييييييييييل كانه البيبي بيطلع بس مانزل الماي ولا نزل دم

والدكتورة قالت لي احسبي الوقت اذا كل نص ساعه وبعدين كل خمس دقايق يكون ولاده وانا الطلق له جم يوم بس مو منتظم واحس اني بنفجر وتعبت

وزوجي عندي ويقول وقت ماتبين تروحين اوديج وانا بس انطر الطلق ينتظم

زين حبيت اسال اذا تعرفين او اي احد يعرف احس بدخه وتعب كان ظغطي ناازل هل ياثر بالبيبي هالشي او بالطلق؟؟؟

الله يسهل عليك وتولدين بالسلامة

رمضان كريم وان شاء الله تولدين وتبشرينا

اسمعي قلبي سالفتي::::::::: جاني العوار اللي انتي وصفتيه قبل الولادة باسبوعين و كان مفتوح ثلاثة سم عشت ايام رعب صراحة حتى النوم مافية ............ وكلما اشتد رحت لاني صراحة ما احب اروع امي حتى عندي خواتي ولا احب اقلق احد رحت المستشفى اقعد عندهم اربع ساعات ويقولون عقب مافي شئ الحين بس خلك قريبه .......... رحت لهم ثلاث مرات والله من العوار اللي جاني...............
دقيت على اختي عقب اسلم عليها ودردشت معها عن الولادة مير تقول لا تروحين بدري (ما درت عني رحت ثلاث مرات) تقول لانك اذارحت وصارهاه كنه قريب بعض المستشفيات يعجلون عليك يعتي يعطونك اكسجين والذي منه وتقعدين تحوسين عندهم كم ليله . قلت لها اجل متى اروح تقول الله يسلمك متى ما قدرتي تمشين( انتي من النوع اللي يمشي ولا لا ............ امشي حبيبتي وكثري منه لانه انشاء اللهيسهل عليك.) يعني تمشين شوي ولاتتحملين تقدين روحي بس عاد شرط ما يكون نازل عليك ماء او دم انتبهي انتبهي لانه يؤثر عليك وعلى الجنين ............
والله يسلمك قلت خلاص ابسوي نفس اللي قالت .................... والحمد لله رحت لهم وقالو اقعدي عندنا ............... ما كملت ساعة الا ماعاد قدرت..................... مير تقوم المساعدة تمسك يدي وتقول(( ما في مشكل امشي )) والله دعيت عليه كنت اقول ماعاد اقدر خلاص كان تقولاصبري ماما ............. ييييووووة ذكريات؟؟؟؟؟؟؟؟؟؟؟؟؟؟؟؟ عقب قمت اصيح وانادي ......
جات الدكتورة عقب تقريباَ ثلاث ساعات (( الدكتورة كانت موجودة بس ما عطوني وجة يعني هم اهل خبر بس انا المطيورة وهوالة بالمرة))
يوم شافت من تحت قالت خلاص ولادة .................. وعلى طول ودوني للغرفة والحمد لله ولدت بنوته حلوووووة امووووورة بسم الله عليها ................
الله يهون عليك................... وانشاء الله السنة الجاية نتظر اخ للبيبي ((((((((((((( كلام وحدة عجووووز)))))))))))))
بس ترى كل وحدة وولادتها ما اسمع سبحان الله وحدة تشبة ولادة الثانية ...............
انشاء الله نؤجر على هالتعب يارب.........
((((((((((((( متى ما ولادتي بوسيلي البيبي وقوليلة هذي من عروس 2002 ))))))))))))))))))))))))))))

السلام عليكم و رحمة الله و بركاته

شوفي أختي هذا الموضوع...إن شاء الله بيساعدك...

من هنـــــا

رومي مشكورة على الدعاء تسلمين والله ....


عروس 2002 بصراحه مشكووووووووووووووووورة لانج كانج توصفين حالتي وطمنتيني شويه
والله امشي يوم واطنش عشر بس بحاول امشي اكثر والله يسهل علينا ويخليلج بنوتج



اختي مرموم مشكورة على الرابط

زوج حبيبى والدتى خبرينى

اختي

الم الولادة غريب عجيب بس خليني اقولج شنهي علاماته

تحسين انج تبين تروحين الحمام (( الله يعز السامعين ))..ومهما رحتي تحسين انه مافي فايده (((يعني بطنج مافيه شي علشان يطلع ))

والاحساس الثاني الم منتظم ...وبعدها يشتد ويشتد ويشتد وتحسين انج ساعتها ما تقدرين تحملينه

هذا اللي صار وياي

وساعتها عرفت اني بولد

ورحت المستشفى وولدت بحمدلله ورعايته

اتمنى من الله انه يهون عليج ولادتج

وبشرينا عنج

الله يعينج حبيبتي ويسهل عليج وعلى الحوامل كلهم...

:( لا للحين وبموت من الالم وتعبت ونفسيتي زفت ومشكورة على السؤال وياليت تدعون لي ان الله يسهل علي وعلى حوامل العرووووس

دف الجليد تسلمين على المعلومه حياتي ويارب اولد وارتاح لان حمالي كله تعب ابتعب وماارتحت ابد...

القطوة الريشية تسلمين على الدعوة الحلوة والهل كريم واجر لنا انشالله

ربي يهون عليك ويسهل ولادتك وتصير من اسهل الولادااات وتقر عينك بشوفت مولودك وهو باتم عافيه

بالنسبه للطلق ما اعرف اكثر من الي قالته رومي
اكيد انتي الحين جهزتي شنطت بس حبيت اضيف اشياء يمكن نسيتيها
المصحف وادعيه تسهيل الولاده
كم جوز شرابات للوقت الولاده وبعد ماتولدين بالسلامه علشان تتحاشين براد المكيفات خصوصا المستشفيات دايما بارده
فيه شي زي المخده الصغيره من المطاط تتعبى مويه حاره او بارده تحطينها مكان الام تخففه
هذي استخدمها للدوره واحسها مرررررررررره تخفف من الالم .. اتوقع انها راح تخفف من الام الطلق شوي وبعد الولاده برضوا تستخدمينها
فرشت الاسنان والكريم والميك اب واستشوار وستيانات الرضاعه وشبشب علشان اذا جيتي تتحركين تروحين الحمام مثلا فرشه وشبصات احتياط(دايما تتكسر) اذا عندك لهومات معينه لاتنسين تحطينها كل هالاشياء معروفه بس حبيت اذكرك فيها يمكن نسيتي شي

لاتنسين اذا قالوا ولاده روحي تعطري بكم نوع عطر ودهن عود علشان مايجيك شمم لما يجون الناس يزورونك وهم متعطرين بعطورات قويه بس انتبهي مايكون فيه رجال بالمكان

اذا انتي حامل ببنت مره حطوا البنات موضوع هنا طريقه تمنع ظهور الشعر الغير مرغوب فيه نهائيه
وهي انك ناخذين المشيمه وتمررينها على الاماكن الي يطلع فيها الشعر الغير مرغوب فيه ببنك .. فيه بنات ذكروا قصص عن ناس مجربينها وفيه بنات جربوها بس لسى بناتهم صغار مايبان