رساله خاصه ومهمه في نفس الوقت وصلتني لشعب الامــــــــــارات

أ

أريج المحبهـ

عروس نشيطة

02-10-2005 | 12:53 AM

السلام عليكم ورحمة الله وبركاته
>>
>>(( أماااانه يا جماعه ))
>>
>>أمانه يا جماعه لكل من يقراها, يوصلها للي يعرفهم من شعب الامارات..
>>سمعت انا بهالخبر اليوم (برنامج
>>البث المباشر في اذاعه دبي ) .. وكواجب وطني مني وحباً في المرحوم
>>ابونا وأبو الكل (( بابا زايد )) الله يرحمه ويغفرله ويدخله فسيح
>>جناته (( قولوا آمين )) لزمٍ علي أوصل هالأمانه إلكم.. والقصه بما
>>فيها كالآتي:
>>
>>شاب قطري من عامة الشعب في قطر حلم في ليله من الليالي ان المغفور له
>>بإذن الله الشيخ زايد بن سلطان آل نهيان, زاره في بيته وكان من السهل
>>انك لو شفته تلاحظ على ويهه لمحة الحزن اللي كانت جدا واضحه عليه وقال
>>للشاب القطري: ( يافلان أمانه أباك اتوصّل سلامي لكل أفراد شعبي,, كل
>>أفراد شعبي وحتى أصغر عيالي.. كلهم.. وأمّنتك
اتوصّي كل واحد فيهم
>>يقرا علي الفاتحه) وظهر بابا زايد من عند الريال
>>القطري.. والريال حليله يوم نش من الرقاد ما عرف شيسوي! كيف بيوصل
>>سلام الوالد زايد لكل شعب الامارات؟؟! ف طنّش أخونا السالفه
>>وقال انه مجرد حلم.. بس عقب كم يوم رد وحلم بنفس الحلم ونفس الرمسه..
>>والشاب القطري شاف ان هالشي صعب عليه فطنّش للمره الثانيه.. بس لما
>>تكرر هالحلم مره ثالثه ماقدر انه يسكت عنه ولازم يسوّي شي.. وحس ان
>>هالشي أمانه فرقبته.. ما عرف شالمفروض يسويه.. سار واتصل بمطوع في قطر
>>وخبره بالسالفه.. ورد عليه المطوع انه ما لازم يتجاهل الموضوع وانها
>>فعلا أمانه برقبته ويحاول انه يوصلهم سلامه بأي طريقه ويبلغهم يقرون
>>عليه الفاتحه.. احتار أخونا كيف ممكن يوصل هالأمانه لكل فرد من أفراد
>>دوله الامارات!! وحاول قدر الامكان.. سأل واستفسر لين أجمع اللي حوله
>>على انه يسير للسفاره الاماراتيه اللي بقطر
ويخبرهم.. وفعلا اتعنّى
>>الريال وسار للسفاره وخبرهم بالسالفه.. طمنوه وقالوله ان شاء لله
>>بنحاول انوصل الخبر.. بس حس انه مجرد كلام منهم عشان يرضونه.. ما
>>ارتاح الريال لين سمع ببرنامج في اذاعه دبي في الامارات
>>(برنامج البث المباشر الي يقدمه راشد الخرجي) وانه معظم هل البلاد
>>يسمعون له.. فقرر انه يتصل براشد وينشر الخبر من خلاله.. وسعى
>>اخونا وسأل ودوّر لين ما حصل رقم البرنامج.. وفعلا اتصل وخبّر "راشد"
>>بالسالفه وقال كل اللي شافه في الحلم.. (( يزاه الله خير))
>>
>>وانا الحين بدوري أحاول أوصّل هالرساله لكل من لم يسمع بهذا الخبر في
>>الاذاعه.. أبلغكم سلامه واتمنى منكم جميعاً تدعون للوالد زايد بإن
>>الله يغفرله وتقرون عليه الفاتحه مثل ما وصّى

منقوووووووووووووووووووووووووول

ع

عايشة18

عروس مشرقة

02-10-2005 | 01:30 AM

السلام عليكم ورحمة الله وبركاته
هلا بالغالية اولا تسلمين على المجهود الطيب00000000ثانيا الريال اللي حلم بالمرحوم فقيد الامة
الريال فلسطيني الجنسية مقيم ب قطر وانا سمعت للقاء هذا اكثر من مرة والاخ مع احترامي له شكله انسان مادي 00لانج لو سمعتي اللقاء ذكر الاخ اكثر من مره ان ظروفه صعبه وشو القصد من تكراره ظروفي صعبه0000000 ؟؟؟فياليت تردين وتسمعين اللقاء
على عموم الشعب والمقيمين على ارض الامارات مش مقصرين بالدعاء الكبير والصغير
يدعي للوالد الغالي غمد الله روحه الجنة

n

n3nooo3aa

عروس مشرقة

02-10-2005 | 12:40 PM

الله يرحمه ويغفر له

c

chocolate_cake

عروس مبدعة

02-10-2005 | 12:50 PM

لله الحمد والمنه.. زايد ابونا الغالي رحمة الله عليه...

دومه ينذكر على كل لسان... بدون امانه ولا تذكير..ترا الوالد الكبير زايد في قلوبنا حي ما مات..

يكفينا الشرف.. انه الله سبحانه قبض روحه الطاهره في العشر الآواخر من رمضان الكريم

ويكفينا انه امام الحرم المكي عبدالرحمن السديس صلى عليه صلاة الغايب.. ورددو وراه ملايين البشر الدعاء لزايد الخير بالرحمة والمغفرة...

ربي يرحمه ويسكنه فسيح جناته.. هو وجميع اموات المسلمين والمسلمات..

مشكوره يا الغاليه.. ع نقل هالموضوع...

تسلم يمنااااج ..

تحيـــتي

م

ملااااااك

عروس مشاركة

02-10-2005 | 01:04 PM

فيه حد ينسى زايد
نحنا صبحنا ومسانا ندعي له
وهذي السالفه سمعتها من زمان
كبيرنا وصغيرنا يدعون له
صعب ننساه وصعب ماندعي له
نحنا نشوفه وين مانروح ووين مانطلع
مشكوره اختي على الموضوع
وتسلمين لانج حبيتي توصلين هلأمانه مش غريبه من اخوانا وحبايبنا السعودييين

ا

الريم_21

عروس مبدعة

02-10-2005 | 01:44 PM

تسلمين أختي على هالموضوع فعلا أنا أول مره أسمع
بهالخبر وجزاج الله ألف خير .الله يرحمه ويرحم جميع المسلمين
الأحياء منهم و الأموات
اللهم آمييييييييييييييين

ص

صاحبة قرار

عروس مشاركة

02-10-2005 | 04:27 PM

الله يرحم ابوناا زايد ويغمد روحه الجنه ان شاء الله

مشكوره الغاليه على الامانه --

ب

بنت جميرا 6

عروس متألقة

02-10-2005 | 06:48 PM

يزاج الله الف خير على النقل ..

الدعاء هذا اقل شيء نقدر نسويه لأبونا الغالي زايد ..

الله يرحمه ويغمد رووحه الجنه ..

وزايد -رحمه الله - ما خلف وراءه ولد صالح يدعوو له ..

بل خلف شعب الإمارات بأكمله يدعووو له ... ليل ونهار ندعيله ..

ش

شما المحيربي

عروس ذهبية

02-10-2005 | 06:58 PM

على العموم الله يرحمة

N

NoOr ALYaQeEn

عروس مشاركة

02-10-2005 | 08:52 PM

ربي يسلمه من كل شر يارب ...

والله يرحمه ويسكنه فسيح جناته

وجزا صاحب الحلم ... وكاتب الرسالة خيرا

مشكورة حياتي أريج ع التذكير

تحياتي لك

نور اليقين

أ

أريش العين

عروس ماسية

02-10-2005 | 09:54 PM

الله يرحم بابا زايد ... عمرنا ما بننساه .. ساكن في قلوبنا

أ

أريج المحبهـ

عروس نشيطة

04-10-2005 | 01:51 AM

[grade="00008B FF6347 008000 4B0082"]
مشكورين حبايبي

بس والله انا لما شفت الموضوع وقريت انه امانهـ

قلت بوصلها لاخواتي وحبيباتي من دولة الامارات

انا اصلا مادري اذا كان الموضوع او خبر الحلمـ صحيح

انا نقلته لمجرد الامانهـ والتذكير بالدعاء

ومااقول الا الله يرحم ويغفر لـ

الشيخ زايدبن سلطان آل نهيان

والملك فهد بن عبدالعزيز ال سعود

وجميع اموات المسلمين

الله يرحمهمـ ويغفر لهم ويسكنهم فسيح جناتهـ

تحياتي لكمـ[/grade]

ا

الفرس

عروس ماسية

04-10-2005 | 02:00 PM

الله يرحم المسلمين والمسلمين الأحياء منهم والأموات