الجااااامعيااااااااات ... لو سمحتن !!!

أ

أمـــل مفقود

عروس متألقة

01-10-2005 | 09:17 PM

هي مب مشكله بس شي محيرني ولازم الاقي له حل بسرعه

ببساااطه عندي برزنتيشن الاسبوع الياي وللحين انا ما اشتغلت عليه لاني للحين مب عارفه عن شو ارمس وعصرت مخي ولا لقيت شي :down:
بعض البنات بيرمسن عن الخوف وبعضهن عن العمليات التجميليه وبعضهن عن بلاد معينه وبعضهن عن مهرجانات عالميه .. وانا للحين حتى فكره ما عندي

اتمنى وما عليكن امر لو عندكن افكاار لموضوع حلو اقدر اتكلم عنه او انتوا شفتوا حد سواه وكان نااجح وااايد تخبروني .. على الاقل تتكون لي فكره وابدا عقب اشتغل عليه

والسموووحه منكن واترياااكن بلييييز لا تخلوووني من يوم ما ملجت سويت طااف للجامعه والحينه توهقت:cry:

a

angel eyes

مشرفة سابقة

01-10-2005 | 09:29 PM

في وايد مواضيع حبيبتي

1. احدى المشكلات الاجتماعيه في الامارات (العنوسه,الطلاق) ممكن موضوع جديد وهو اسباب زياده اسعار النفط و اثارها الا و مستقبلا
2.موضوع علمي عن مرض معين او فيروس معين او دواء جديد اكتشف
3.موضوع ديني عن احد الصحابه و قصه حياته
4.موضوع فني مثلا عن تطور السينما في العالم و كيف اكتشفت السينما
5.موضوع عن احد الابنه المشهوره عالميا مثل المركز التجاري العالمي اللي فجر في 11 سبتمبر او اي مبنى ثاني يعيبج

مادري احس شي وايد اشيا...فكري حوالينج و بتحصلين :)

أ

أمـــل مفقود

عروس متألقة

01-10-2005 | 09:35 PM

المشكله هالمس ما تبا اي شي والله كلما اييب لها شي تقول لا غيري مادري شو يعيبها والله ذابحتني:angry:

بس عن النفط احسه حلوو ومنااسب في هالفتره وبشوف بعد الافكار الثانيه والله يعين

تسلمين الغلا ما قصرتي وعطاج ربي الف عافيه

b

barby small

عروس مبدعة

01-10-2005 | 09:52 PM

السلام عليكم ورحمة الله وبركاته حبيبتي امل ليش انتي حزينه ما في :yes::yes:شىء يستاهل ان انتي تتكلمي فيه الحين غير حال الامه العربيه وتاخير نصر المسلمين والايات والاحاديث كتيره ولو ها تتكلمي عنه فعلا انا ممكن اساعدك فيه واى موضوع قررتى انك تتكلمي فيه بسرعه قوليلى وانا والله اساعدك فيه ربي يوفقك وتكوني الاولى وتاخدي ممتاز كمان ويا روح قلبي ماتزعلي ويله اضحكي

ج

جمـــانة

مشرفة سابقة

02-10-2005 | 03:16 AM

سوي برزنتيشن عن تنظيم الوقت.. جداً مفيد للطلبة الجامعيين .. واذا عجبج الموضوع قولي عشان اعطيج افكار..

سويته والكل اعجب فيه..:)

ط

طلوع الفجر

عروس رائعة

02-10-2005 | 07:57 AM

حبيبتي تكلمي عن اي شي انتي تحبين تتكلمين عنه انا بالنسبة لي كنت أحب الرياضة فيوم طلبوا مننا نسوي بريزنتيشن الصراحة كان سهل علي لاني وايد احب الشي اللي اخترته وقاعدة اتكلم عنه...

ان شاء الله أكون افدتج

ا

العنيــــــدة™

مشرفة سابقة

03-10-2005 | 01:50 AM

برزنتيشن بس شو الماده؟ وعادي تختارون اي موضوع؟

يعني هي لغه ولا شو بالضبط.. مب شرط العنوان يكون له علاقه بالماده والتخصص والا كيف؟؟

:flower: :flower:

أ

أمـــل مفقود

عروس متألقة

03-10-2005 | 11:10 AM

الله يعطيكن العافيه خواتي ما قصرتن وانا لازم اودي لها عدة مواضيع وحضرتها هي لازم تختار ومثل ما قلت ما يعيبها شي مووول وهذا اللي موهقنا وياها .. ان شاء الله بكتب افكاركم وباخذها لها عل وعسى تختار شي منها وتريحنا

تسلمن والله ما قصرتن ونخدمكن في الافراح ان شاء الله

العنيـــده
البرزنتيشن للـ listening class والموضوع حر عادي اختار اي موضوع لاني اصلا بعدني ما تخصصت توي الا في الليفل ومب عارفه شو اسوي بالضبط فلو عندج اي فكره اتمنى تفيديني بها بعد الغاليه ويزاج الله الف خير