مشتاقه لك بس ويــــــــــــنك ؟؟!!

م

مشتاقه له

عروس جديدة

29-09-2005 | 05:56 PM

هلاااااااااااااااااااااااااااا

كيفكم يابنااااااااااااااات؟؟

انا متابعه دايما لكم ومرررررررره معجبه بمواضيعكم وكل ماحتجت شي لقيته عندكم
والله يعطيكم العافيه على المنتدى الراائع والله قليله عليه كلمة راااااااااااااااااااااااائع

وشاركت بالمنتدى حتى استفيد اكثر منكم وافيدكم ان شاء الله

المهم ندخل في صلب الموضوع اللي متعبني
انا مخطوبه من سنه خطوبه بس لسه ماني مملكه
واكلم خطيبي عادي لانه من جماعتنا طبعا بعلم اهلي واهله

مشكلتي هي
انو انا مررررررررررررره مهتمه فيه ومايمر يوم الا وارسل له رساله اصبح وامسي ورسايل حلوه اللي فيها حب ومن هالاشياء واذا ماارسلت في يوم اتضايق
نااااااادرا اني ماارسل بس عشان ابغى اشوف هو ا يرسل لي اول لا
اجلس باليومين والثلاث اكثر شي 5 ايام اكون منتظرته واذا رسل ايش يرسل ؟؟ كيف الحال ؟؟ ماشتقتو ولا ايش ؟؟

خلاص هذا الشي تعودت عليه منه
وماابغى اقوله انه مضايقني في ذا الشي عشان مايزعل مني وانا ماابغى ازعله في اي شي
ومن كثر مايضايقني هالموضوع تصير معظم ايامي نوووووم عشان ماافكر كثير
بس احيانا اعذره لانه مره قالي معليش ترى اذا ماارسلت لك .. احيانا ماتكون عندي رسايل

لكن اللحين ابغاه هوا يعاملني مثل ماانا اعامله يعني احسه مهتم فيني مثل ماانا اهتم فيه
ابغاه اذا غبت عنه بس يوم يرسل ابغى دوم يشتاق لي زي ماانا اشتاق له
مع اننا ماخذين بعض عن اقتنااااااااع يعني هوا يبغاني وانا ابغاااااااااه
بس ليش يسوي فيني كذا الله واعلم

احياناالوم نفسي اقول يمكن انا مااعطيته الشي اللي هوا يبغاه
و اقول يمكن ذا الشي مني لاني حياويه
لانه اذا رسل يتغزل او شي ارد عليه رد عادي واحيانا ارد عليه بكلمة غزل
او اذا كان يكلمني وتغزل اسكت منه يقولي ايشبك ساكته ؟؟
اقول لا عادي معليش استحملني شوي

والله ودي اقول له شي اعطيه كلمه
كل يوم اقول خلاص بقوله
اول مايكلم اسكككككت مااعرف ارد عليه باي شي
اللحين صار يسولف عادي لا كلمه حلوه ولا يحزنون كلها عن سوالف الشغل والبيت

ابغاكم يااخواتي تساعدوني وتقولون لي ايش اسوي
ووعد مني اني انفذ كل كلمه تقولون لي اياها
بس ماابغى اخسره لاني مره متعلقه فيه

منتظره ردودكم ونصائحكم

k

kholoud_sa

عروس ماسية

29-09-2005 | 08:38 PM

مكالمات قبل الملكه مالها داعي يااختي والله مالها داعي
لانه مازال يعتبر غرييييييييييييييييييييييييييييييب وكله كلام في الهواء ومافي شي رسمي

عشان كذا اختي لا تتهورين وتعصين ربك في شي تحسبينه حلال وهو اصلا حرام ترى للحين ماصار زوجك واهو مو محرم لك

N

NoOr ALYaQeEn

عروس مشاركة

29-09-2005 | 10:43 PM

هلا عيوني المشتاقة ..

شوفي حياتي والله انا حاسة في كل كلمة قلتيها .. وحاسة جدا بمعاناتك ..

بس ياعمري .. لاتاخذين هالامر وايد بالحساسية ..

ابيك تكونين ثقيلة شوي عليه ...

وانتي ياعمري اذا حاسه انك مقصرة فيه .. كلميه .. فهميه .. ع شان يكون بينكم من الحين تفاهم ... وتكملون الحياة الزوجيه ع اساس التفاهم ..

لاتكونين ساكتة ..

وأنتي اشكري ربك حبيبتي .. انا هو قال لك ووضح لك .. انه ماعندها مسيجات يحليله ..

فلا تحزني ... بترتاحين لو كلمتيه ووضحتي له ..

وهذا هو الحل الأمثل ... لا غير

والله يعيينك

محبتكِ

نور اليقين

m

manu8884

مشرفة سابقة

30-09-2005 | 03:13 AM

NoOr ALYaQeEn:
هلا عيوني المشتاقة ..

شوفي حياتي والله انا حاسة في كل كلمة قلتيها .. وحاسة جدا بمعاناتك ..

بس ياعمري .. لاتاخذين هالامر وايد بالحساسية ..

ابيك تكونين ثقيلة شوي عليه ...

وانتي ياعمري اذا حاسه انك مقصرة فيه .. كلميه .. فهميه .. ع شان يكون بينكم من الحين تفاهم ... وتكملون الحياة الزوجيه ع اساس التفاهم ..

لاتكونين ساكتة ..

وأنتي اشكري ربك حبيبتي .. انا هو قال لك ووضح لك .. انه ماعندها مسيجات يحليله ..

فلا تحزني ... بترتاحين لو كلمتيه ووضحتي له ..

وهذا هو الحل الأمثل ... لا غير

والله يعيينك

محبتكِ

نور اليقين

حبيبتي انا كمان مع الكلام دة انك لازم تتناقشيين معاة و تفهمية عشان حياتكم الزوجية تكون مبنية علة التفاهم و الوضوح

وكمان فهمية انت اية اللى محتاجاة و سعدية انة يفهم اسلوبك و الطريقة اللى انت عيزاها

د

دوحانية

مشرفة سابقة

30-09-2005 | 03:48 AM

بإذن الله ما راح تخسرينه و إذا الله كاتب لك إنك تاخذينه راح تاخذينه

بس أنا أستغرب من هالعادات - مع إحترامي للجميع - هذا هو متكلم عليكي يعني خاطبك بس لحد الحين هو غريب عنك حتى لو كان ولد عمك رابيين سوا ولا ماكلين ولا شاربين ... ألخ يعني مافي عقد رسمي يربطكم .. إحنا عندنا ما في شي يصير إلا بعد الملكة ما في شي اسمه خطوبة بالسنين !!!!!! خلاص تقدم وافقوا عليه يتملك و ما يقدر يقابل خطيبته أو يكلمها الا بعد الملكة .. لكن هذي عادات مانقدر نغيرها ..

فيا أختي الغالية لا تبتدينها كذا !!! مسجات حب وغزل و ارسل وما يرسل لي .. ماودي إنك تكونين بيدك صورة غير حقيقة عنك ,, عارفة إن هذي مشاعرك صوبه بس لازم توفرين هالمشاعر لبعد الملكة و بتحسين بحلاوتها لأنك راح تحسي إن هالشخص خلاص صار ملكك و صار حبك و لك إنك تعبرين له عن شوقك ومشاعرك و عواطفك تجاهه مثل ما تحبين ..

أنتي الحين كشفتي كل أوراقك قدامه صعب بعدين إنك تتراجعين أو تتخاذلين في حاجة معينة و أبسط شي المسجات الحين دايما ترسلين له و اللي فهمته منك إن صار روتين عنده تعود إنك ترسلين له فلما توقفين لمجرد التوقف بيبدا يسأل - هذا إذا سأل - هي ليش ما قامت ترسل لي مسجاتها ..

الحل :
خلك ثقيلة ياأختي الحبيبة و إذا انتي ما تقدرين على بعده و معذبة نفسك كل هالعذاب ,, طلبي من أهلك يكلمونه أو يكلمون أهله و يطلبون التعجيل في الملكة ..

و نصيحة من أخت : لا تبتدين بالشي أنتي ما تعرفين هالرجال اللي قدامك من أي نوع ,, يمكن لو بديتي بالشي يمسك هالحاجة عليك مو مذلة لا سمح الله بس يحسسك إنك أنتي اللي بديتي .. فيصير ينتظر منك المبادرة في كل شي ..

حاجة ثانية الدنيا ما يندرى بها - و الله لا يقول - صار أي شي عطل هالزواج أو تفركشت الخطوبة لأي سبب ,, إنتي هنا وشو راح يكون موقفك صدقيني راح يكون صعب ,, لأنك مش زوجته رسمي كله كلام و هالكلام ممكن يتغير في يوم و ليلة ..

آسفة طولت عليكي و اسمحي لي إذا كلامي ضايقك لكن حالك ما يعجبني و أنا ما أحب أشوف البنت كذا و في هالحالة ..

و الله يوفقك ويكتب لك اللي فيه الخير ..

أختك / دوحانية

م

ملاكي

عروس مشاركة

30-09-2005 | 05:09 AM

أنا ما أزود شئ عن اللي قالوه أخوات عروس
وعن تجربة خليكي ثقيييييييييييييييييييييييلة بمعنى الكلمة مو جلفة ؟؟
تحياتي

!

!الولهانه!

عروس جديدة

01-10-2005 | 08:14 PM

معليش حبيبتي انا ماعندي شي اقوله الا ان علاقتكم حرام حتى لوكان خطيبك لانكم ماتملكتو
حتى ولوكان من جماعتكم يعني لوكان من غير جماعتكم وهو خطيبك مرح تكلمينه ؟؟
بس حبيت ابينلك هالشي اذاكنتي ماتعرفين حكمه

ا

الموناليزا

عروس مشرقة

03-10-2005 | 04:07 PM

الله يوفقج اختي ويتتم لج على خير الملجه والزواج على سنة الله ورسوله

بالنسبه للمكالمات قبل الملجه فعلا هاذي مالها داعي ابدا والغريبه ان اهلك واهله عارفين اللحين الوحده مالجه وتكون متخوفه فما بال مخطوبه بس كلام مافي ربط رباني انا ما اقول غير الله يتمم لج على خير وخلي كلام الحب والعسل والمكالمات الهاتفيه بعد الزواج والله بتحسين بالراحه والطمأنينه من ربج ان هذا اللي تكلمينه حلالج خلاص .

اتمنى انج تاخذين بنصائح خواتج في الله وانحب لج الخير صدقيني

تحياتي لج

اختك في الله / الموناليزا

ب

بيندا

عروس مشرقة

02-05-2008 | 11:46 AM

حبيبتي الله يوفقك معاه حاولي انك تتقلي عليه و في رسايل ومكلمات وقليلو الي مزعلك منو حبيبتي لزيم يكون في مصارحه من البدايه وتتفقو انتي وهو ا اذا انتي مزعلتو اصارحك واذا هوا مزعلك تصارحيه عشان لما تقليلو كيد لايسهل عليكي بعد كيده انك تعتبيه وقوليلو على مزعلك رعشان تفهمو بعض اما اذتي ماقتيلو صعب تفهمو بعض انا لما كونت مخطوبه اتفقنا انا وجوزي طبعن دحينه متزوجه هاده اول اتفقنا 1- يكون بنتنا المصارحه
2- وتفاهم
طبعن يحكيني على نفسه ايش يحب ايش يكره علين ما فهمتو مو بس في بيت والشغول يكون كلامكم حكي عن نفسك ايش تحبي وايش تكرهي واقولك على فكره اذا ما تقدري تكلميه ابعتيلو رساله وقليلو الي نفسك فيه

ج

جنة العود والعنبر

عروس رائعة

02-05-2008 | 04:59 PM

انا رايي فترة الخطوبة للكلام العادي والتعارف اما الحب والغزل والغرام فيكون بعد العقد ان شاء الله وطالما انتم مخطوبين بقالكم سنة فرايي انكم تسرعوا بالملجة ولا داعى للتاخير

وربنا يسعدك يا حبيبتى

a

abcabc

عروس مشاركة

02-05-2008 | 07:43 PM

اخخخخخخخخخخخخخخخخخخخخخخ الله يقطع ابليسج صج ضحكتيني
خخخخخخخخخخخخخخخخخخخخخخخخخخ
يا عمري البنات كلهم جيه
يعني يحبون المسجات والغزل والدلع
بس الرياييل لا
بطبعهم يشوفون هالسوالف مب مهمه

وعادتن الريال ما يكون عنده مسجات حب ووله بموبايله
والدليل افتحي موبايل اي واحد من اخوانج
وشوفي المسجات التافهه
هههههههههههههههههههههههههههه
هذا اذا لاقيتي مسج اصلا
والمهم يا اختي الملجه لان الخطوبه بس مجرد كلام وبعد الملجه يعني يوم يصير حلالج
اكتبي موضوعج مره ثانيه وشوفي الردود كيف بتكون

والسموحه ع الرمسه الزايده