انسب ميعاد للحمل الثانى......

هلا عيوني مارو
ازيك و انتي كمان وحشاني موت
عامله ايه الشقاوه

شوفي يا ستي
بعد سنتين بالضبط من ولادة ابنك ممكن تحملي عشان جسمك خلاص مستعد للحمل مره تانيه

بالنسبة لي..
بين ولدي الاول و الثاني اكثر من 3 سنوات و مرتاحه جدا

اختي واللي تحمل وره بعض مب زين لان اخت زوجي جابت الاول على طول بعد شهر حملت بثاني تخيلي ماراتاحت وثالث بعد سنه
وكلمتها قتلها مب زين قالت انا كبيرة وابي اجيب اعيال واستانس فيهم والحمدالله مافيني شي

قتلها مب زين لانه بيطلع عليها بعد سنوااات اثار حمل المتكرر

هل صج مب زييين؟؟؟؟

أنا صحيح ما جربت بس اعتقد هالشي يعتمد على كل وحدة وطبيعة حياتها

هل هي موظفة .. عدد الأطفال اللي خططت هي وزوجها ان يكون عندهم .. الحالة المادية .. قدرتها على التعامل مع الأطفال

بس عمري ما صدقت ولا اقتنعت ان الطفل الصغير لمن يكون شيطان لازم الوحدة تحمل عشان يهدأ !!

يمكن ينجن زيادة ويصير عصبي بسبب الغيرة من البيبي الجديد

بس في النهاية الناس اجناس وكل واحد وله طريقة تفكيره

انا في حملي الاول وافكر في المده اللي باخذها بين الاول والثاني
لو سمحتوا نبي اراء اكثر

السلام عليكم ورحمة الله وبركاته ,, انا بنتي الاولى عمرها 4 سنين و9 شهور والثانية سنتين و3 شهور والحين اخاف اني حامل ووااااااااايد خايفة لاني كنت ابي بناتي اكبرون وادخلهم المدارس بعدين اييب الثالث ,, الله اسهل الي فيه الخير

[grade="000000"][grade="00BFFF 4169E1 0000FF"]انا حملت على راس عزوزي وهو عمره 10 شهور... والحين بنتي عمرها سنة ونص... وعزوز ترك الحفاظة من شهر (بسسسسس)

والله يعينني على البنت...هذا غير الجسم اللي اخترب ومالحقت اعدله...من 60كجم الى 71 كجم... وحملت.. ولين الحين اعاني...

ما انصح اي وحدة اصغر من 30 سنة تحمل ورا بعض.... لاني احس عيالي مثل التوأم ...هذا يسكت والثاني يبدا صياح... هذا يشتكي.. وهذي تشتكي...

خصوصاً واني اشتغل.. وعايشة مع اهل زوجي.....[/grade][/grade]
[grade="8B0000 FF0000 FF7F50"]
ملاحظة: عزوز (3 سنوات)

محد يعلق على مسألة الحفاظة....[/grade]

][®][^][®][كل سنة وانتو طيبين رمضان بكرة انشاء الله اجتهدوا فى العبادة وكمان اجتهدوا فى الرد على موضوعى عوزة اراء كتير عشان نفيد بعض وشكرا لكل من رد على ][®][^][®][

انا بنتي عمرها سنه وخمس شهور وكل الناس من ظمنهم امي الله يخليها لي وام زوجي الله يخليها بعد

وكلهم يقولون لي لين متى وانتي بس على هالبنت جيبي لها اخت او اخو

خصوصا اني ما اشتغل حاليا فيقولون لي احسن واحسن قبل لا تشتغلين

انا فكرت بالحمل مؤخرا ...ومنعت المانع اللي كنت اخذه ...والحين انتظر لين موعد الدورة الشهرية ..اذا حامل ..الحمدلله واذا لا راح ااخر ان شاء الله لين ما بنتي تكمل السنتين

هاذا اذا الله اراد

السلام عليكم و رحمة الله و بركاته

أنا شايفة إنه هذا الموضوع جدا مهم..

في ناس تقول لي على السينة شيلي المانع و إحملي...

و ناس تقول لي أقل شيء سنتين...

و المشكلة أنا قيصرية...يعني لازم آخذ بالي...

شو رأيكم إنتوا ؟

السلام عليكم ورحمة الله وبركاته



سبحانك اللهم لا اله الا انت استقفرك واتوب اليك



عزيزاتي اايد كلام الاخت رومي يعتمد على الظروف..بس هو يفضل ان الطفل الاول يكون كمل سنه و3 اشهر اتفكرون تجيبون الثاني يعني لما يشرف الثاني الاول بكون كمل سنتين.. وما بيكون في فرق من بينهم والطفل الاول يتغير لما يشوف ان في منافس له.. ومع الايام يصير يحبه وينسجم معاه ويحاتيه..

ولا تنسو قول الرسول صلى الله عليه وسلام بما معناه تكاثرو علشان يفتخر بكم يوم القيامه..
ويا خواتي الرزق ايي لما الطفل ينجب وكل طفل الله كاتبله شو بياخذ من الدنيا..

عن نفسي لما ولدت ابنتي حصلت Offers والله ما تنعد اماكن كثيره للمقابلات وكل مكان يعطوني Salary روعه علشان اوقع العقد عندهم علشان اداوم.. والحمدلله الحين اداوم في مكان والحمدلله روعه روعه ومرتاحتله من كل النواحي والرزق ايي من كل مكان والحمدلله.. وحتى زوجي يقول الحمدلله ان راتبه زاد والرزق يزيد والحين يفكر بطفل ثاني.. وبنتي ربي يخليها لي امي تعتني فيها ومش مقصره ابد ووالديي وخواتي واخواني يحبونها كثير لدرجه لما أخذها يسالوني متى بترجعينها؟!!؟ يعني الحمدلله الكل مش مقصر معاي ويساعدني وهذا من فضل الله..

وامي وام زوجي فتحو لي موضوع اني احمل مره ثانيه علشان العمر يمضي وبنتي محتاجه اخ او اخو يسليها..

ونصيحة امي المجربه الله يخليها لي يا رب ويرزقها الجنه تقولي يا بنتي لا تظلمين بنتج واحملي بطفل ثاني وبنتج بتصير هاديه وبتتغير كل طفل تطرا له تغيرات ولا تقولي بنتي ما شاء الله عليها شيطونه.. يعني جد جد والله اتطلعلي قروووووووووون واتخبل فيني ولما اشتكي لامي تقولي كل طفل في هذه المرحله يسون جذيه ونحن تحملنا انتو كيف ما تتحملون.. والله ان بنتي لما تعصب تصفعني يعني لا امي ولا ابوي ولا زوجي يمدون يهدهم لي وهذي القصيره تضربني؟؟ والله دنيا..

المهم نصيحه من والدتي المجربه ام 8 عيال تقولي:

1- بين كل طفل سنه و3 اشهر او سنه ونص يكفي بالكثير سنتين ولكن ليس اكثر علشان لا يكون فرق كثير من بينهم وعلشان الجسم يكون خلاص وصل مرحله الاستعداد والقوه..
2- وكل طفل يكون شيطان ومزعج بس لا تظلمينه ولما ايي طفل ثاني اخ او اخت يتغير الطفل للاحسن..
3- وتقولي لا تحملي ورى بعض مع الايام لما تكبرين وتوصلين ل35 وفوق جسمج بتطراله تغيرات وتمرضين بسرعه وتتعبين بسرعه وحتى الرشاقه بتختفي والعظام يتعب ويصير ما يتحمل شي.. يعني كانج دخلتي ال80 سنه.. يعني انهاك تاااااااااااااام..
4- يفضل الحمل والانجاب قبل السن 35 لانه بعد نسبة تشوه الطفل تكون كبيره وغالبا ما ينولدون اطفال اقزام او يسبب تساقط الحمل او عمليات قيصريه..
4- علشان الجسم ما يخترب ويظل رشيق ومشدود ويحصل فتره راحه واستجماع القوه..

هذ الي اقدر افيدكم عنه.. وانا الحين عمري 26 وما باقي شي علشان جيه افكر اولد توام واوقف فتره.. حدي اربع اطفال والي ايي من الله حياه الله وراضيه.. يعني افكر بعد التوأم بسنتين افكر بالرابع ادعولي الله يوفقني..

يالله ادعولي وربي يرزقكم بذريه صالحه امين.. والي ما اتزوجت يا رب تتزوج الرجل الصالح ويهنيها وتجيب عيال درزن..


تسلمين حبيبتي rose2006 على التوقيع الطيب كثيرا

السلام عليكم ورحمة الله وبركاته



سبحانك اللهم لا اله الا انت استقفرك واتوب اليك



الاخت مرموم آسفه لاني نسيت ارد على استفسارج.. اعتقد حبيبتي بسبب العملية القيصريه يباله على الاقل اتكونين كملتي سنتين وعقب تفكرين بالحمل الثاني لان الجرح الداخلي يباله وقت ليلتام.. ويفضل انج تسالين دكتوره نسائيه..



تسلمين حبيبتي rose2006 على التوقيع الطيب كثيرا

أم سعيده:
السلام عليكم ورحمة الله وبركاته

الاخت مرموم آسفه لاني نسيت ارد على استفسارج.. اعتقد حبيبتي بسبب العملية القيصريه يباله على الاقل اتكونين كملتي سنتين وعقب تفكرين بالحمل الثاني لان الجرح الداخلي يباله وقت ليلتام.. ويفضل انج تسالين دكتوره نسائيه..



[/IMG][/B][/color]

السلام عليكم و رحمة الله و بركاته

هلا فيكي أم سعيدة...

فعلا...المشكلة في الجرح الداخلي...

و في المستشفى قالوا لي على الأقل سنة و نصف...

الله كريم إن شاء الله :)

و إن شاء الله تفرحينا قريب بحملك بأحلى توأم...و أحسب لك شهور الحمل كمان :)

وانا بعد افضل بعد الحولين الكاملين عشان الطفل ياخذ حقه من رضاعة وحنان واهتمام وكل وحدة وظروفها

تربية العيال يبي لها مزاج بصراحة...

وفوق هذا كله يختلف من امرأة لأخرى وقدرتها على التحمل ...

بعض النساء عصبيات.. فما اعتقد يصلح لهن الحمل متتابع...

والبعض الاخر مثلي وسواسيات... اخاف انشغل عنه بمولود جديدو ما اعطي ولدي حقه في التربية..

اضافة الى ظروف الدراسة لدى البعض :) والعمل...

لكن كمتوسط.. اعتقد سنتين عمر مناسب عشان يكمل الولد رضاعة طبيعية ... وبنفس الوقت يكون اخذ كفايته من الحنان منك..

موضوع مهم وبقولكم تجربتي
اول ولاده كانت قيصريه وقال الدكتور سنتين وبعدين احملي
المهم ابني كمل السنه وشهرين وصرت انا وزوجي نفكر بالبيبي الثاني
وفعلا تركت الحبوب وبعد شهرين حملت وولدت طبيعي والحمد لله مبسوطه
اني جبتهم ورا بعض وابني الصغير عمره سنه واربع شهور وزوجي يفكر بالبيبي الثالث
لكني ابغي ارتاح لأني في البدايه تعبت ببداية ولادة طفلي الثاني الطلبات ما تخلص كأنو عندي
توأم وحفاضات للأثنين وتعب .. لكن الأن مبسوطه فيهم ابني الكبير صار يحب اخوه وصارو يلعبو
مع بعض وخفت الغيره كثير عن قبل ... مافي احلى من الأطفال وبرائتهم
الله يرزق الجميع بالذريه الصالحه
تحياتي لكم

حبيت أشارك معاكم يا بنات،،، عبودي عمره الحين سنة وأربع شهور وقررنا يكمل عبودي السنتين وبعدين أحمل مرة ثانية،،، ليش؟؟ ياخذ حقه من الرضاعة والتربية والحنان وعلى مايوصل الثاني يكون عبودي صار عمره 3 سنوات ودخل الروضة فتقدر أمي تجابل بيبي ثاني...
قبل شهر فكرنا بالحمل يكون بينهم سنتين بس تراجعنا وراجعنا الأمور، زوجي خاطره ببنت وآنه خاطري بولد يكون مع أخوه، والي ايي من الله حياه الله المهم يكون بخير...

انا الصراحه ماابغي افكر في الحمل لين بعد 4 سنين لاني تعذبت وايد في الولاده وبعد ولاده قيصريه والسهر متعبني و ما عندي حد يساعدني في البيت يعني البيت و البيبي على راسي و ما في مجال لبيبي ثاني

البنات ما قصروا ماشاء الله كفو ووفوا

وانا عن نفسي افضل يخلص الطفل سنتين وبعدها افكر بالحمل وهذا انسب وقت وكل طفل يجيب رزقه ولله الحمد .

تحيه وبعد....

انا افضل تكمل بنتي السنتين بعدين احمل...

بس تصدقون الحين بنتي عمرها شهرين.. واشتقت للحمل.. سبحان اللله ...

بس والله الايام تمشي بسرعه وان شاء الله تكمل جوجو سنتين واحمل