احسبوا لي موعد التبويض

بسم الله الرحمن الرحيم السلام عليكم ورحمة الله وبركاته

انا متزوجة تقريبا من ثلاث أشهر ودورتي منتظمة تجي يوم 24 من كل شهر هجري ممكن تتأخر يومين او ثلاث وهذا لا يعد مشكلة عندي انا وزوجي متفقين نأخر الحمل كمان كم شهر ولكن هذا الشهر حسيت من اليوم 17 من أول يوم في الدورة بقساوة في بطني غير عادية ومستمرة معي للحين وقبل اسبوع كمان حسيت صدري قسي وصار فيه وخزات ألم فظيعة آلام بسيطة في الظهر والبطن كأن الدورة بتنزل وانا توني منتهيه منها من اسبوعين تقريبا ....... واليوم 24 من الشهر الهجري وما جات الدورة بس حاسة بآلامها وكمان أنا اعرفها انها قرب نزولها بجفاف المنطقة من الافرازات وهذا موجود اليوم ......... وكمان عملت اختبار الحمل المنزلي وطلع سالب وكذلك تحليل الدم سالب ولكن كان اختبار البول ( اكرمكم الله ) يوم 12 من الشهر الهجري .. واختبار الدم يوم 23 قبل موعد الدورة بيوم ......... وجعت روسكم آسفة جدا ........ الدورة تستمر عندي من 8 أيامالا 12 يوم وآخر دورة استمرت 9 ايام وفي اخر يوم بدل ما تنزل القصة البيضة نزل سائل شبيه ببياض البيض ؟! وابغي اعرق ايام التبويض عندي .... والايام اللييزيد احتمال الحمل فيها ؟ وماهو تفسير ما اشعر به ؟نسيت اقولكم راجعت الدكتورة قبل اسبوع وقالت لو كان حمل ما يظهر اللحين تعالي بعد اسبوعين وهي عملت لي سونار وقالت كذا فعشان كذا انا مطمنة اني مش حامل ............ بس الله لا يحرمني من دعواتكم ؟؟