مشكلتين يا جماعه .. انقذوني ؟؟؟

سلام اختي بجعة..
شلونج وشلون حمودي .. بوسيه فديته..

بالنسبة لمشكلة الترجيع تعتبر عموماً مشكلة شائعة عن الاطفال، وتعتبر خطيرة فيما لو اثرت على وزن الطفل ، وبما ان حمود ما شاء الله عليه وزنه تمام وفوق النخل ، يعني تقدرين تعتبرين مشكلة الترجيع سوء تقدير من الطفل في تحديد الكمية اللي لازم يشربها، يعني بالعربي حمود قاعد يشرب اكثر من شبعته ..:)
عشان تخففين من الوضع ، انتبهي للوقت وانتي ترضعين حمود، اذا كان ياخذ فترة نصف ساعة مثلا في الرضاعة بشكل عام، ويرضع كل ساعتين ونص، او ثلاث، خلي مدة الرضاعة ثلث ساعة بس وقللي الفترة الفاصلة بين الرضعة الثانية الى ساعتين مثلا..

يعني مثل ما يقولون لج وانتي حامل، لا تاكلين وجبات قليلة وكميات وايد في الوجبة، لكن اكلي وجبات وايد وطعام قليل في كل وجبة..

وعالعموم راح تخف المشكلة وايد اذا قام ياكل بصورة زينة من الطعام اللي تعدينه له..

الله يشافيه ويعافيه ويخليه لج يا رب..


بالنسبة للصياح .. ما دري شقولج ، قسيمة حالي مثل ما يقولون عندنا بالبحرين هههههههههه

بعض اليهال طبعهم جذي ، يا راقدين يا يصيحون ، مافي حل وسط,,

وولدي كان جذي بعد ، ويفشلني لين بغيت اطلع به مكان.. احراااااااج..

بس قالوا لي وفعلا كلامهم صحيح: ان الطفل اللي يعذبج في الصياح في صغره راح يصير مطيع ولا اروع لين كبر وبدا يفهم..

حسون حبيب قلبي ما شاء الله عليه الحين مع انه ما تخلص من الصياح تماماً لكن خف وايد وايد وصار يسمع كلامي لين اكلمه او اجهه والكل يستغرب منه، بس سبحان الله .. الله اكيد يعوضج عن صبرج على تربيته..

وكل ما تعبتي منه تذكري :: الجنة تحت اقدام الامهات::
طمنينا على المحروس..

جمـــانة

مرحبااا حبيبتي ....

الله يعينك على ولدك..... ويخليه لك ان شاء الله...

أنا استنى فتره الاربعين تعدي .. اقول ان شاء الله تخف مشاكل بنتي...

بس الي اشوفه مشاكلكم اكثر من الاول :(

ششوفي بالنسبه للترجيع .. الدكتور قالي البيبي ما يطلع الا الزايد ....

انا استخدم لبنتي حليب s26 gold يمدحونه يقولون يخفف الترجيع...

جربي غيري لولدك الحليب...

وبالنسبه للصياح اكيد ولدك يستغرب... يصير في البيت ما يشوف الناس وبيتك هادي ...

وبعدين تودينه بيت اهلك ازعاج وحوسه ... لازم تعودينه يطلع معك كل مكان...

انا خايفه من هذي المشكله ان بنتي تصير تتسغرب وتهبل فيني...

الله يعينا ان شاء الله

يا أهلا أختي bj3a كيف الحال؟؟؟ الله يكون بعونك إنشاء الله...

بافيدك عن تجربتي مع أبني ،، مشكبة الترجيع الصراحة ماعرف أعطيك حل..

بس مشكلة الصياح، ولدي قبل ماكنت آخذه مكان، بس شوي شوي عودته آخذه الجمعية التعاونية ، المجمعات ، الألعاب، زيارات.. شوي شوي خف صياحه وبتدئ يتأقلم مع الناس، حاولي تطلعينه على المجمعات وأماكن الترفيه...

والله مشكورين على تعاونكم معاي ...

بس انا اخذه كل مكان معاي اتخيلوا حتى الاسواق الجمعية والله حتى فالبيت ما اطلع من الحجرة الا وهو معاي ....

اخاف خلية عند احد لانه مثل ما قلتلكم يصيح وما يسكت الا لمن يشوفني ...

اما الترجيع انا الدكتور نفس الشي قالي هذا الي يطلعه هو الزايد ....

bent^cute

هو هالحليب الي انا استخدملة من يوم ولاده ..S.26

سلام اختي

اما عن تجبربتي مع المحروس ابني :think:
الترجيع اذا كان مو على طول او كل يوم او فيه ايام يزيد وينقص يكون اختي الطفل متعرض لبرد يعني ممكن تكونين محميته و تعرض لتيار بارد
هذا اذا كان يختلف من فتره لفتره وينقطع احيانا
اما اذا كان مستمر فمثل ما قالوا لك الاخوات يكون الي رجع زايد

اما الصياح فحدثي ولا حرج:mad2:

بس اذا كان يصيح عشان هو ما يحب الناس يعني يخاف اذا كنتي مع مجموعه من الناس
فالحل عندي مجربته مع دودي
طنشيه :cry: بيصيح شوي ويتقطع قلبك بس عشان يعرف ان مافيه حل مع الصياح مره مع مره والله يبطل العاده هذي
تصدقين ولدي الحين اذا كنت طالعه وهو مايبي الناس صار يحط راسه في صدري عشان مايشوفهم وبطل الصياح:clap:

تحياتي

يربت اطنشة كذا مرة بس تشوفين الصياح كل ما يا زاد وفلنهاية يصيح كأنه احد ضاربنه ويقعد يكح ويكح

والله ماني عارفة .. يعني احبس نفسي بالبيت ....................؟؟

السلام عليكم يا بنات المنتدى :
والله انا كمان عندى نفس المشكلتين الترجيع والصياح والله حتى انى بتكسف واحرج لما بخرج من البيت واخاف من جو جو لتطلع على الناس لما يشلوهاا وكمان مشكلة الصياح بس تصرخ حتى فى البيت !!! والله يعين

يا هلا بأم حمودي الغالي

حبيبتي انا بقول لك من واقع تجربة ان كلام جمانة عدل

انا يوم انا صغيرة امي مسكينة ماتقدر تزور احد ولا تروح لناس لأني شغالة اربعة وعشرين ساعة صياح ولو يمديني بعد ثمانية وعشرين ساعة بس يوم كبرت هدأت والحين ماشاءالله علي ( لا أحسد نفسي ) هادئة وطفولتي كانت جدا هادئة وامي مايحتاج تهاوشني لو تضربني افهمها من النظرة غير بقية اخواني

الترجيع ماينخاف منه حتى لو صار كثير مدام وزنه ما شاءالله عليه مو متأثر واهم شي تنتبهين للرضاعة ولاتهزينه بعد ماترضعيه .. وعن الفشايل خليها على ربك واحملي معاك ملابس زيادة ومناديل مرطبة عشان تغسلي له ... واذا حبيتي تحطيه على كتفك حطي فوطة عشان لو رجع مايلعوز عباتك

الصياح الله يعينك ويعدي الشهور على خير ويكبر وتقولين لنا بنات الحقوني ولدي هادئ ومايصيح ..... حطي له لعبة ومع الوقت راح يتعود عليها ويصير يحبها اشتري له ألعاب فيها اصوات وموسيقى ... فيه اطفال يسكتون على صوت القرآن جربي يمكن الله يهديه

وبوسي لي الحلو حمودي

وكويس انك تعوديه يظل عند امك وعمتك عشان يتعود على الناس

المشكلة حبيبتي

قادرين نستحمل الصياح بس الترجيع والله بهدلة ..

انتي تخيلي والله لو ايمع ترجيعه .. املي نص المرضعه ...

قولولي معقولة الزياده نص المرضعه ...؟؟؟؟

وعن الصياح سالت ابوي انا كنت صياحة يوم صغيرة .. قالي انتي الوحيده من بين اخوانج ما كان لج حس ... لدرجة ان ودوني المستشفى يتحروني بلمة ...... حليلي ...

ويوم سالت عمتي عن زوجي ....

مسكت راسها وقالتلي كان صياح ويوم مشى شيطان اليما عرس شوي عقل ... لدرجة ان جسمة كلها خياطات .. اتخيلوا ....

ورتني صورة من يوم هو صغير .. وفالسفر كان يسحب كلينكس الحمام من غرفة الين غرفة فالفندق .. وطردوهم من الفندق والسبة هالولد ...

ههههههههه الله يعينج اختي بجعة الظاهر الولد طالع على ابوه ولا خلى شيء منه !!

الولد سر ابيه مثل مايقولون

ان شاءالله بكرة يكم ستة اشهر وتشوفين الهدوء شلون ... ويصير مؤدب وشاطر ولا يعذبك ولاتخافين ماراح يطردونكم من الفندق

آآآآآآآآآآآآآآآمــــــــــــــــــــــــــــــــــــــــــــــــــــين RoOoOmy_M

ولا عمتي امس تقووولي يالله شدي حيلج وهاتي الي بعده ...

قلتلها ..........

بتتريوون ليما حموود يكمل 3 سنوات وعقب افكر اييب الثاني