لو سمحتن بنات الامارات ؟؟

هلا أختي أمل مفقود...حبيبتي أنا لفيت محلات الكوش في الشارجه ودبي...ونصيحه مني اتعرفين بوهيل في دبي الدور الثاني كله محلات تجهيز الاعراس...كوش روعه بأسعار معقوله فحدود ميزانيتج وعندهم بطايق ودي جي وزينة الطاولات جربي تلفين المحلات هناك والله ايوفقج...

مرحبا الغالية.....................

انا اعرف محل...........يسوي كوش حلوة واسعارها احلى......................

بس المحل في عيمان.............. مادري إذا تبين وإلا لأ؟؟؟

خبريني ع الخاص.. وفالج طيب

أنا بعد أنصحج بالمحلات الموجوده بأبوهيل .. قوليلهم أنا ميزانيتي هالكثر .. وهم بيسوولج على كثر ميزانيتج ..

وربي يوفقج ...

مشكوورات الغاليات وتسلمن

ان شاء الله بروح بوهيل وبشوف اللي عندهم
وختيه خواطر لو اطرشين لي رقم المحل هذا بعد يكون احسن ويزاكن الله الف خير ما تقصرن

هلا حبيبتي
الصراحه انا درت المحلات كلهم لكن ما عجبني شي لانه وايد تشيب بس اذا تبغين شي وااو روحي عند محل اسمه تنسيق أو في محل ثاني اسمه تياراأو محل البتله الي في وافي هذيله الثلاثة التوب في دبي حتى لو ما قدرتي على اسعارهم على الاقل شو افكارهم...

خواطر

ممكن اسم المحل و رقمه يزاج الله خير

الغاليه عندج محل الشوق
ف عيمان وله فرع ف الشارجه
وانا اقولج عن تجربه
كوشاتهم روعه واذا ف بالج شي بس توصفينه ويسولج الدزاين
وابصراحه شغل روعه والسعر مافي احسن منه
جوفي بعينج واذا عيبج سوي عندهم
والله يوفقج

الغاليه اولا الف مبروك

جربي تسيرين الشارجه..وايد محلات للكوش عدال بعض...جوفي شغلهم و اختاري اللي يناسبج و يناسب ميزانيتج

انا بعد الي اعرفه في ابوهيل اسعار كويسة وعلى حدود ميزانيتج بس كاسريهم في السعر لا يقصون عليج

يعطيكن ربي الف عااافيه وتسلمن
ان شاء الله بحاول اخذ لي لفه على المحلات والله ايسر لي امين

مشكووورات الغاليات والله يحفظكن

اللي في بوهيل اوكي

واعرف وحده سوت عندهم بس بهذلوها الله يسامحهم

يوم العرس انصدمت انه كل شي غير ومب مرتب


وحسب اللي أسمعه معظم محلات الكوش مذله ويصدمون العروس مسكينه في ليلة عرسها

عشان جي ديروا بالكم وخلوا احد فاهم يوقف وياهم ويراقبهم خطوة بخطوة

الله المعين بس