شو بتسوين فطورج اول يوم تعالي قولينا :)

السلام عليكم ورحمة الله وبركاته

يسعدني أكون أول واحدة تشارك...:)

بالنسبة لأول يوم إفطار...عندي حمام...و إن شاء الله ناوية أعمله ( حمام محشي بالفريك )...و بإذن الله أصور لكم الخطوات علشان تستفيدوا منها...

طبعا شوربة ( إحتمال شوربة عدس ) أو شوربة لسان عصفور على ماء الحمام...

بإذن الله سمبوسة و سبرينغ رول...

و الحلو.ناوية على بلح الشام :)

و لو في شيء ثاني راح أقول لكم إن شاء الله...

و كل عام و إنتوا بألف خير و صحة و سلامة :flower:

بسم الله الرحمن الرحيم



ما شاء الله جهزتو الدوا قبل الفلعه

بصراحه ما أدري الوالده شبتسوي لنا هالسنه ، الله لا يحرمني منها ولا من ذوقها الحلو

كل يوم تسوي لنا طبق يديد بس اكيد الهريس والثريد بيكون شي اساسي

مشكوره اختي على الموضوع وننتظر ردورد البنات علشان اتفلسف واقول حق امي ، بعدين بتقولي انتي خوش مره




سفيرة فو ق العاده

[grade="000000 2E8B57 000000 2E8B57 000000"]وانا عن نفسي ناويه

اسوي مجبوس لحم

وسلطتي العجيبه وان شاء الله راح اقولكم طريقتها في موضوع جديد

وشوربه الدجاج بالكريمه

والسمبوسه

والبسبوسه بالفستق والجوز [/grade]

الحمد لله ماعندي هم الفطور لأن نجتمع كلنا في بيت جدي، أمي عليها الثريد والعيش واللقيمات..
زوجة خالي السلطو والشوربة والكباب وأحيانا السبرنغ رول أما الهريس كل يوم من بيت خالي الثاني... آنه دوري بالويك أند الشوربة والفطاير ونوع حلاوة.. أصلا الكل ماياكل غلا من طباخ أمي الله يخليها ويعطيها القوة,,,,

مشكلتي لما يكون زوجي أول ليل أحتاس لازم ياخذ فطوره على الساعة الثانية قبل خروجه للعمل،، لازم كل شي يكون جاهز بالوقت ، نتعب وايد بهالسالفة.... مادري شنو أسوي له بسرعة....

[grade="000000 008000 000000 008000 000000"]مرموم

سفيره فوق العاده

رانيا البحرينيه

نورتو الموضوع بوجودكم [/grade]

السلام عليكم ورحمة الله وبركاته

هلا أختي رانيـا,...

شوفي زوجي نفس زوجك...شيفتات...

السنة الماضية عانينا معاناة شديدة...و شكلها راح تمتد لهذه السنة...

ساعات كان ييجي له شيفت الظهر...بمعنى إنه راح يفطر في شغله...و إحترت إيش يفطر ...

و بعدين جبت له علبة أنيقة...و قال لي عايز أشياء خفيفة علشان ما أنام على حالي بعد الإفطار...

فكنت أقلي له كبّة و سمبوسة...و أعمل رقاق باللحمة المفرومة أو الجبنة...و ساعات أضع طبق رز بالخلطة كمان.....و طبق صغير فيه سلاطة...و كوب مغلق فيه عصير أو قمر الدين...و قطعة حلويات...

راح تلاقي علب صغيرة...ممكن تضعي فيها كل شيء...

أهم شيء أشياء خفيفة ما تثقل معدته...و تشبعه...لحد ما كان ييجي البيت الساعة 11 بالليل...أحضر له الأكل على المضبوط..



بالنسبة لمّا كان شيفته ييجي على وقت السحور ( من 11 بالليل ل 7 الصبح )...

أضع له نفس الأشياء السابقة...و ممكن أضع له علبة زبادي...ساندويتشات بيض و فوق...خيارة و شوية خس...يعني أشياء حلوة...أكلها سهل...و ما تبهدل له الدنيا...

و الله يكون في عوننا...و يعدّي موضوع الشيفتات على خير...

ياهلا و مرحبا بك يا أم مريم...

أخيرا حصلت أحد من حالي يعاني ولكن حصل حلول..

العادة أسوي له طبق رز مع الدجاج بسيط ونقلي السمبوسة أو الكبة لكن إذا كنت بالدوام آخذ الأغراض بيت أمي ويقلونهم له و ناخذ الرز من عند أمي.. المضحك أن العام الماضي ماكان عندي شغالة وآنه في المجبوس أتعس وحدة وكان عبودي صغير ويصيح المهم ماضبطت الطبخة،،، لما خذاه الشغل ماكان مجبوس ولكن مضروبة هاهاهاهاها

فكرة العلبة عجبتني راح آخذ له علب صغيرة وأخلي فيهم الأغراض،، لكن كوب العصير كيف؟؟ آنه كنت أخليه بقارورة المياه المعدنية الكبيرة...

مشكورة يالغالية على أفكارك إنشاء الله أنفذها...

السلام عليكم ورحمة الله وبركاته

هلا بيكي يا رانيا...

إتذكرت كمان إني كنت أعمل دجاج بانيه...أو دجاج ناجتس...أو لحمة ستيك...يعطي بس للقرقشة و هو واقف يشتغل...

بالنسبة للكوب...هو الكوب معدني...اللي يحتفظ بالحرارة...اللي نفس هذا الشكل...



و بالنسبة للعلب...بتكون مقسمة...مثل هذا الشكل...










لأنه بتعرفي ...هم ما بيحبوا يشيلوا أشياء كبيرة...:)

السلام عليكم ورحمة الله وبركاته

أختي ميمو...

أعتذر و بشدة إني طلعت عن عنوان الموضوع...

بس و الله حبّيت أفيد الأخت رانيـا...لأني عارفة معاناة الأزواج اللي يشتغلوا شيفتات وقت الإفطار أو السحور :o

تسلمي يامرموم على هالصور ، بصراحة ولا مرة أشتريت منهم، ومن الصور أعتقد أن بعضهم للإستخدام الدائم وبعضهم لمرة واحدة,,,, فكرة وايد رائعة أحسن من الحرارة الي تاخذ حيز كبير..


وأنا معك نعتذر للأخت ميمو على خروجنا عن الموضوع الرئيسي...

[grade="000000 2E8B57 000000 2E8B57"]عااادي مرموم اشدعوه بالعكس انا ما حطيت الموضوع الا عشانكم

والكل ان شاء الله راح يستفيد

تعرفين حوسة رمضان الواحد يحتار ايش يسوي والله يعينكم على هالشفتات [/grade]

[grade="00008B FF6347 008000 4B0082"]


السلام عليكم ورحمة الله وبركاته،

تسلمين ميمو ع الموضوع الحلو

وإنشاء الله أول يوم

شوربة عدس

سمبوسة

كبة مقلية

سبرنغ رول

فتوش

هذه المقبلات

الطبق الرئيسي ( محتارة ) للحين ما فكرت

الحلو

قطايف بالجبنة والنوع الثاني بالمكسرات + عصافير بالقشطة " القطايف الصغيرة "

عصير تمر هندي [/grade]

السلام عليكم ورحمة الله وبركاته احنا في مصر لازم بناكل بط ونشرب العرقسوس والحلو قطايف وكنافه على فكره بجد نص مصر بتاكل بط ماعدا البسطاء لان عندنا البط بيغلى في رمضان بالذات

أنا شخصيا هفطر في بيت اهل جوزي اول يوم و ثاني يوم عند أمي و الثالث عند جدتي أن شاء ألله

:up:

امممممممممم
انا ماطبخ
بس كل سنه اول يوم برمضان
الطبق الرئيسي
ثريـــــــــــد
ويكون في طبق جانبي
وطبعا الشوربه (شوربة العدس او المشروم)
تبوله او فتوش
والسمبوسه اهم شي جبن ولحم ودياي
يعني خلطات منوعه
والسويت حسب مزاج الوالده

انا محتاره
اصلا ما فكرت بس في السعوديه عندنا شوربة الحب المعروفه لا غنى عنها وطبعا لازم تكون باللحم
والسمبوسه سواء بالرقاق او عجبنة البيت وتكون باللحم المفروم وفيه ناس يتفننو فيها مع خضار او بالدجاج
هذه اهم وصفتين
مع الاضافات على حسب عادات الناس وتقاليدهم
وراح اضيف سلطه مفرومه الدقوس المعروف لانها مع السمبوسه ولا اروع
وفتوش واشوف اذا فيني ازيد ولا لا
اما الحلى قطايف وكريمه كراميل ان شاءالله

وراح اضيف سلطه مفرومه الدقوس المعروف لانها مع السمبوسه ولا اروع

ليدي شنو هذي السلطه؟؟
ممكن تقولين لنا وصفتها؟

يميمي


الله يعين رمضان هالسنه ونحن فغربه ماعرف شبنسوي متعودين عاللمه دايمااااا
انا انشالله بسوي فريد لانها الاكله المفضله عندزوجي وسمبوسه وشوربة دجاج

وللحلو لقيمات وكريم كراميل وقطايف بالمكسرات

دلوعه قطريه اكيد شهيتك عليها عشان كذا راح اقولك عليها
اللي هي السلطه المفرومه ومكوناتها طماطم +كزبره +بقدونس+ شبث+ثوم+قرن فلفل هذي كلها في المفرمه لين تسير ناعمه
وعند التقديم اضيفي الليمون والملح
وفي طريقه اخرى في ناس يحطونها شوي على النار تسير زي الصلصه بس انا افضلها من غير النار احسها اطعم
اكيد تعرفينها بس اختلاف الاسماء
تقبلي تحياتي