طالبتكم يا بنات.. أفكار لعيد ميلاد طفلي الاول..!

أنا راح اعطيك افكار اختي جمانة لان احنا كل سنة نسوي حفلة لأختي الصغيرة ونبدع فيها

كل سنة غير الثانية

بس اول شي قولي لي ليش اخترتي شكل الكيكة انه يكون سلحفاة

؟؟؟؟؟؟؟؟؟

مرحبا الغالية ليش ما تيبين العاب الاطفال في الحوش مثل سلة الكرات وفكرة ثانية وحدة ترسم علي وجه الطفل مثل قطة او تايكر وسير سوق الجملة واشتري اغراض العيد ميلاد من هناك لانة التكلفة اقل

السلام عليكم ورحمة الله وبركاته

كل سنة و هو طيب حسن..عقبال 100 سنة إن شاء الله :)

مشكورين والله يخليكم..

ما اعرف انا سوق الجملة وين صاير بس اتوقع انه في الامارات دام الاخت اماراتية..

عموما اختي ما تقصرين وخيرج واصل..

رحت عندنا في البحرين محل اسمه الانوار.. وششريت منه اشياء تهبل باسعار ما تتصدق.. هاكم الصور..

شفت هالعلبة وفيها دبدوب ، ما صدقت السعر : 350 فلس فقط!! خذيت للجنسين ..


وهذا الدبدوب اللي داخل، في منهم 3 الوان ابيض وبيج وبني.. خذيت مخلوط


القبعات


واكييد النفافييخ


اخذت بعد ورق تغليف حق التوزيعات مال الكبار.. وورد حق الربطة وتحف صغار,, بحط صورهم اذا سويتهم..

الشموع ما حصلت رقم 1 ، مافي الا صفر..!
يالله ابي رايكم في الي اشتريت وقولوا ليي بعد اذا فيه اشياء في بالكم ..

بالنسبة للي سألتني ليش السلحفاة حق الكيكة.. بس جذي حسيت انها حلوة شكلا.. خصوصا لوكان لونها اخضر درجات ..
ويمكن نغزة حق خيابة حسون اللي بيكمل سنة ولا مشى للحين :d2

هاي



ممكن اتقولين شنو الاكل الي وصيتي عليه؟؟؟؟؟؟ اخذي لهم معجنات متنوعه (اماكن وااايد مثل المخابز)))))وورق عنب من ابوعلى

وسوي لهم جم طبخة في البيت.

والاطفال اذا موب واااايد اخذي لهم وجبه من اي مطعم(ماكدونالدز او اي محل والوجبة بتكون فيها لعبه مره وحده تفتكين)



والكيكة من وين طلبتيها؟؟؟؟؟؟؟؟



ولثياب اذا للحين ماشريتي

روحي بكره دبنهامز عندهم 25 بالميه خصم واشتري له


او روحي مذركير الي في السيف امنزل ثياب حلوه


بالنسبه للألعاب

لعبيهم لعبة الكراسي

ولعيه ثانية انج اتغمضين عينهم واتحطين لهم اشياء عشان يتعرفون عليها



وخبرينه بالتفصيل شنو سويتين ولا تنسين الصورررررررررر

شكرا نمنمي1 على ردج الحلووووو.. واسمج الاحلى..

احس اني اعرفج؟؟؟؟!


الكيكة من مخبز المنار، وهم الاكل مثل المعجنات من عندهم..

وبسوي لعبة التغميض عجبتني بعد..

شكراً خيتووووووووووووو

[grade="800080 FF1493 800080 FF1493"]هلا وغلا فيكِ جمانة ..


HAPPY BIRTHDAY TO YOU .. HAPPY BIRTHDAY TO YOU

HAPPY BIRTHDAY TO 3sooly




كل سنة وأنت طيب يالشيخ .. وإن شاءء الله تكون سنة أفراح ومسرات لك .. وتفرح امك جمانة فيك ..[/grade]

[grade="FFA500 FF6347 008000 4B0082"]
عزيزتي .. جمانة ..

* الكيكة *

لو تسوينها على شكل أبنك وايد يحبه ... مثلا هو يحب السيارة كثير .. فسويها سيارة .. او اذا كان يحب السلحفاة خليها مثل ماهي .. بس اذا يحب شئ معين فيفرح كثير ..
أو أنك .. تسوين صورته في الكيك .. يعني تعطي المخبز كذا صورة حلوة لأبنك .. وهم يسوون فيها الكيكة ..

* لما تحطين الكيك ع الطاولة ... والأطفال يتجمعون عليها ... ويغنون .. لما يخلصون وقبل ما يقص الكيك .. خلي بنتين شوي طوال يكونوا ماسكين كذا علبة اول مايفتحونها يطلع منه زرق ورق

هاللعلبة تحصلينها في كل مكان .. ممكن حتى في السوبر ماركيت .. أو أنك .. تشترين سبراي مال خيوط ..

لان هذا الشئ يفرح الاطفال كثيررررر ..

* أحنا عندنا بعمان الطفل لما يكمل سنة .. يعملون له (( حول حول)) ... أو عيد ميلاد .

الحول حول .... هو بأن يقف الطفل وأمه تكو ن مسكته .. وينشحون فوقه .. (( فو شار اللي هو فراخ اللي هو بوب كورن )) ..

فممكن أول شئ تخلين أبنك كذا في سلة تكفيه .. وتنشرين فوقه الفراخ .. قبل ماتسوين العيد ميلاد

* الهدايا ..

للأطفال .... تعرفين أكياس العيد ميلاد أكيد ..!

اشتري كمية منه على أعداد الاطفال ... وحطي بداخل الكيس الواحد ... مثلا حلاوة + شيبس+ لعبة صغيرة + بالونة

الألعاب للأولاد .. ممكن سيارات صغار .. او تيلفونات ..

والبنوتات .. ممكن عرايس .. او شباصات للشعر

أما لصديقاتك .. ممكن تشترين كتيبات صغير ة .. او حصن الحصين ... وتغلفيهم بطريقة حلوة .. الربطة تحطين له ورد مجفف ويطلع شكلها حلو

لانه يقدرون يستفيدون منها بعدين ..

* الألعاب *

لعبة من ينفخ البالونة كلها لحد ماتنفقع
لعبة من يشرب العصير بسرعه ويخلصه
لعبة الكراسي






غاليتي ... جمانة ... أن شاء الله ياعمري حاولت افيدك ولا وبالقليل ..

وربي يخلي لك ولدك يارب .. ويحفظه من كل شر


تحياتي لك

نور اليقين [/grade]

اشكرك اختي نور اليقين على مرورك الجميل وردك الاروع ..

افكارك جميلة جداً وراح اخذها بعين الاعتبار اكيد.. عجبتني الالعاب اللي اقترحتيها بعد..

لكني استغربت من نثر البوب كورن على الياهل في سلة!! مب حرام؟ احسن اوزعه على اليهال ياكلونه!

البنات ماقصروا وكل أفكارهم حلوة

بس حرام عليك تفشلين حسون خليه على راحته ...يمشي بكيفه هالحلو

سوي له كيكة عليها صورته يستانس فيها

هلا بأم حسون ..

ياعمري .. أشكرك اولا على اعجابك بأفكاري ..

وثانيا .. تدر ين بوضحلك عادتنا كيف احنا العمانين ..

مثلا ام الطفل او اخته تاخذه على حظنها ويغطونهم بالشال .. وبعدين يتجمعون كل الاطفال عليهم .. ووحده من البنات تنثر البوب كورن مع الريحان او اي شئ معاه .. والأطفال يرددون لحن معين ..

بس والله مدري اذا هي مسألة حرام ولا لأ .. لان اول مايخلصون بسرعه نخم البوب كورن من على الارض ع شان ما ينداس ..

وشئ اساسي لازم الاطفال يحطون لهم داخل كيسة الابعاب كيسة صغيرة بوب كورن

أدري شغلانة .........................!؟ بس تبادل ثقافات .. ههههههههههه


تحياتي لكِ يالغلا ..

محبتكِ
نور اليقين

بحط لكم صور عيد ميلاد حسين يوم الاربعاء اللي فات.. عيد ميلاد وفي رمضان .. يجنن

على فكرة سوينا عيد ميلادين .. في بيوت جدود حسون ثنينهم.. من جذي بتشوفون كيكتين..


الكيكة




الهدايا اللي عطيتهم للاطفال.. فيهم دباديب صغار يهبلون




حسون عقب ما اكلناه من الكيكة


توزيعات الكبار


الكيكة الثانية


من وجوه الحفل:

عبدالله


محمد



وبث..!

هلا بأم حسووووووووووووووووووني ..


ياعمري الصور ماظهرت عندي ... ظهرت فقط صورة عبدالله العسل ..


أستناكِ ياحلوة

الصور ظاهرة اختي نور اليقين، اعتقد الخلل كان مؤقت من موقع التحميل نفسه.. اتمنى انك تشوفيهم وتبدين رايج يالغلا..

مبرووووووووووووووووووووووووووووك وكل سنة وحسون بخير
وصلت متاااخرة لان توني ضيفة نيو بالمنتدددى

تقبلي تحياتي

العمر كله حسون



وكل عام وانت بخير ياحلو

مبروووووووووووووووووووووووك

شكراً اخواتي الغاليات ..

وعقبال ما نقرأ ونشوف اعياد ميلاد عيالكم يا رب..