حالة غريبة

أختي العزيزة حالة بنتك غريبة صدق بس حاولي معها أمكن هي تخاف تكلمهم أووو تتصرف هي ووويزعلون منها أوتهاوشها المعلمه .... وأسفة أحس أني
ماأفدك

يمكن بنتك طيبه زيادة عن اللزوم و مهضوم حقها خليها تتعود ع المواجه شويه

بس احس بعد بتكون احسن من العنيفات

الله يخليلك اياها و يربيها في عزك

حاولي انك اتدربينها على هذه المواقف مع اطفال العائلة او حتى انك انت اتقومي تاخذي منها اشياء وتطلبين منها انها تتصرف تجاه موقفك
ترا اليهال في السن الصغير ممكن اتعودينهم على اي شي بالتكرار والتعزيز الايجابي او السلبي لسلوكهم
الله يوفقك ان شاء الله

كأنك تتكلمين عن بنتي
وآنى حاولت أعدلها بس ما قدرت بس بسألج سؤال
شلون علاقة بنتج مع أبوها؟
وهالمشكله ماتنحل الا انك تقوي شخصية بنتك
وتشيلي الخوف من نفسها
وفي كلام كثير يعني مثلا:
بنتك تتنازل عن أشياءها للصغار برضا نفس والا لأ؟
كيف معاملتكم لها بالبيت؟
ايش ترتيبها بين اخوانه؟
وأخيرا أتمنى انك تعلجي هالمشكله
وتسعي لان تكون بنتك انسانه طبيعيه
والله يحفظها من كل شر ومكروه

عيل انا يووم كنت في الروضه

يسرقون فلوسي واسكت

وماخبرت حد الا يوووم وصلت الاعدادي والثانوي

ابد ماعندي شخصيه

هالشيء مب حلوووو

لانها لو كبرت بتم جيه
وراح تكون شخصيه انطوائية

مثلي انا

بس الحمدلله يووم دشيت الجامعه تغيرت

اشكركم اخواتي على المرور والتفاعل صحيح بنتي علاقتها بابوها عادية لانها تخاف منه هو يحبها اكيد بس احس مو كثير ينزل لمستواها ويلعب معاها وطبعا ما تتلصق فيه زي البنات والا تلمس رجوله والا غيره زي ما كنا نسوي واحنا صغار
بالنسبة لترتيبها هي البنت الوحيدة لاني جبت بعدها بنت وماتت والى الان ما حملت واما علاقتنا في البيت جيدة هي متعاونة تسمع الكلام بس مزاجية شوي واحنا مو مدلعينها مرة مرة بحكم انها الوحيدة ونحاول انها تتصرف مع الاطفال صح بس مهما انا جربت معاها التصرفات ما اكون في مستوى الاطفال ولا حتى يجي في بالي نوع تصرفاتهم
عموما بحاول اعزز شخصيتها مع ان ابوها يقول لها دايما اللي يسول لك شي في المدرسة خذي حقك منه بيدك
الله يهديها ويعدلها امين
ومشكورين مرة ثانية