عندي استفسار محرج شوي بس مضطره....

s

sara888

عروس جديدة

27-09-2005 | 05:17 AM

السلام عليكم ورحمة الله وبركاته أنا عندي [size=5]مشكله [/size]ان موعد فرحي تحدد في ايام الدوره الشهريه ....
نفسي في طريقه طبيعيه 100% لتقديم موعدها أو تأخيره مع العلم ان عندي فرصه 3 شهور ممكن اتبع طريقه طويلة الأمد مضمونة النتيجه؟؟؟:oمع الشكر الجزيل
عندي سؤال ثاني ؟؟؟
مافي افكار جديده وحلوه لتاج العروس؟؟

ف

فطوطه

عروس مبدعة

27-09-2005 | 05:32 AM

ياهلاا ساره :)
والله انا اللي أعرفه وأضمنلج تاخذين حبوب تاخير الدوره الشهريه أفضلج والأفضل تروحين وتسألين دكتوره طب النسا
وبالنسبه لتيجان شوفي هالطرقه طريقة اكسسوار

هذي توني محصلتها من موقع وشوفي من قبل انا منزله بهالقسم تيجان عرايس وانشالله يعجبونج :)

ولج تحياتي ياطويله العمر ;)

ا

اّاّسرة القلوب

عروس مشرقة

27-09-2005 | 05:38 AM

من رايي انج ماتستخدمين اي للدورة

عادي مافيها اي احراج لو كان موعدها مع العرس

يمكن يكون افضل لج علشان تتعودون اشوي على بعض ويخف التوتر

d

dandonah

عروس مشرقة

27-09-2005 | 11:35 PM

فيه موضوع رديت عليه والكل يوصي بالقرفة

اشربيها وصدقيني تنزل لك الدورة على طول يعني قبل زواجك باسبوع

ش

شما المحيربي

عروس ذهبية

27-09-2005 | 11:52 PM

[frame="9 80"]

بسم الله الرحمن الرحيم

السلام عليكم ورحمة الله وبركاته ،،،

الحمدلله والصلاة والسلام على رسول الله وعلى آله وصحبه أجمعين ،،،

حياك الله خويتي

وانا بعد انصحك باستشارة طبيبة نساء ،،،

قبل البدء بشي لأنها تتعلق بصحتك ،،، وانتي ما ودك اتكونيني تعبانه في اول اياك العرس؟

كل الشكر_ لأبوداحم_ على التوقيع

وفــــــــــــــــــــــــــــــــــــالكم طيب ،،،

تحياتي لكم ،،،

ديــــــــــــــــــــــــــب[/frame]

G

Ghadoosh

عروس متألقة

28-09-2005 | 09:00 AM

يمكن أي حد يسمع كلامك ما يتخيل الإحساس والوضع اللي إنت فيه تماما إلا إذا مر في نفس الظروف ,انا ألحين صاير معاي مثلك بالضبط تحدد زفافي في موعد دورتي !!!!!!!!!!!!!!!!!!!!!

ناس نصحوني أنزلها قبل الزفاف بحبوب وبإستشارة طبيبة!
وناس نصحتني بالقرفة!
وناس مانصحتني بالقرقة لأن يمكن مفعولها يأخر حسب نفسيتك وجسمك!
وناس قالت عادي مافيها شي تكون فيك الدورة يوم الزفاف مثل راي الأخت الكريمة أاسرة القلوب! عشان ماتتقيدي بوضوء وصلاة وقت المكياج والتسريحة بعد نظرة بعض ناس!

بس أختي ريحتني لأنها قالت لي إنت جسمك ونفسيتك كلها تتلخبط قبل العرس من الخوف والتوتر وممكن تنزل بنفسها أو تأخر بنفسها بدون أي شي ، وضحكتني لما قالت لي إن في يوم زفافها نزلت عليها الدورة من الخرعة والخوف مع إنه ما كان موعدها! وهذا الشي على فكرة يصير مع بنات وايد!

بس إذا إنت ما تبين الدورة يوم الزفاف سوي مثلي بستشير طبيبة وبنزلها قبل الزفاف أحسن!

وبالنسبة للتيجان أنا خاطري بتاج مميز بس مأعرف وين أحصله ياريت بنات الدوحة يدلونا من وين نشتريه

آسفة طولت عليكم باي!

ن

نوووسهUAE

عروس ماسية

28-09-2005 | 09:50 AM

المشيء كل يوووم وشرب القرفه

f

fofo10

عروس مبدعة

28-09-2005 | 09:57 AM

أختي أحسن شيء تستخدمي حبوب الدوره المعروفه
ومالها أي ضرر أن شاء الله
أنا أستخدمتها و أختي كمان وبنت خالتي وما صار أي شيء الحمدالله
وعشان تتاكدي روحي لطبيبة نساء

غ

غراشيب

عروس متألقة

28-09-2005 | 10:29 AM

أنا أشوف عادي لو فيج الدورة......... أنا يوم عرسي ... كانت فيه الدورة.......وبعد ما اغتسلت سافرنا شهر العسل... بالعكس أول يوم العرس اتحسين تكونين خايفة وتعبانه من المراقض.... والمحاتاة ... بعدين تبين ترتاحين اشويه....

ا

انا قطريه

عروس نشيطة

28-09-2005 | 03:57 PM

انا اختي استخدمت حبوب منع الدوره لين ثالث يوم من عرسها لان اول ماتقطيعن

هالحبوب على طول اليوم الثاني تنزل عليج الدوره ومافيها اي مضرررره ...

بس لازم تاخذينها قبل موعد الدوره ومرتين في اليوم ,,

s

sara888

عروس جديدة

07-10-2005 | 02:54 AM

شكرا جزيلا اخواتي الغاليات على تواصلكم معاي
وان شاالله في ميزان حسناتكم
كل عام وانتم بخير والأمه الإسلاميه
آآآآآآآآآمين

s

smsm78

مشرفة سابقة

07-10-2005 | 03:03 AM

[frame="5 80"]حبيبتي سارة

نصيحتي لج، لا تفكرين تاخذين اي حبوب وخلي الدورة تنزل عادي، اصلا احسن لج علشان

تتأقلمين على زوجك، سبحان الله لو أخذت اي حبوب او اي شئ يأخر الدورة شدراج بتحملين

الوقت اللي تبينه، اول شئ شوفي نفسج تحملين ولا لأ، والله انا مجربة ألم الوحدة لما نفسها تحمل

ومش قادرة،، خلي الدورة طبيعي واتوكلي على الله، ولا تلعبين وتوقفينها توكلي على الله..حتى البندول صار خطير الحينه[/frame]

l

lavander

عروس جديدة

07-10-2005 | 07:44 PM

يا جماعة كلامكم غريب !! الي اعرفه انه المعرس مايحدد يوم العرس بس يحدد الشهر واليوم تحدده العروس حتى ما يتعارض مع دورتها . لان في بنات وانا منهم الدوره تتاخر عندي اذا متوتره والله يعين الجميع

ظ

ظبية دبى

عروس فضية

07-10-2005 | 08:09 PM

مرحبا الغاليه

كل سنة وأنت طيبه

حبيبتى انا كنت محتاره مثلج لان يوم عرسى 4-2

وانا دورتى تبدأمن 2 يوم فى الشهر والله كنت بتخبل كيف بشل حلاوه وكيف الحمام المغربى بسويه

امى قالتلى لا تخافين وخليها على الله

وصديقاتى الى نصحنى بالقرفه وحبوب منع الحمل ووو

بس تعرفين ؟خليتها على الله

وقبل العرس كل شئ مشى على مايرام

حبيبتى الخوف والتعب والتوتر هذيل عوامل تأثر بالدوره هذا شئ عادى

نــــصــــيـــــحـــه

لا تخربين موعد دورتج وخليها على ربج وادعى دوم

اللهم انى لاأسألك رد القضاء ولكنى أسألك اللطف فيه

وأنا مع الأخت (الجميله 78)
اسمعى الكلام عشان عقب ماتندمين خلى كل شئ يمشى بمشيئت الله

ظبية دبى