وحشتوني حيل وهذي قصة ولادتي

اخواتي الغاليات وحشتوني حيل رجعت بعد غياب طويل عنكم
اولا ابشركم ولله الحمد ولدت بالسلامه وجبت بنت وسميتها دانه ولدت في 7\7\1426 هـ يوم الجمعه
طبعا يوم لاينسى من الالم وقبله وبعده انا ولدت قيصري وتعبت كثير الله يكتب الاجر 00
الف مليون مبروك لخواتي اللي معاي في موضوع اللي ولادتهم باغسطس مبروك لكم وربي يخليهم لكم ويتربون بعزكم وعرفت ان الغاليه عسوله سمت بنوتتها دانه ترى ابي السماوه منك 00
يالغاليات ابحكيلكم ولادتي 000
المفروض اخر وقت للولاده كان بـ26\6\ وماولدت ومن يوم 20 \6 فيني طلق خفيف يشد بالليل وفي يوم 1\7 جاني طلق قوي شوي ورحت الفجر لطوارئ المستشفى اللي انا اراجع فيه وكشفت علي وقالت الوضع تمام لكن الطلق خفيف والرحم ابدا مو مفتوح وقالت بعد3 ايام لو ماشد الطلق تعالي اعطيك طلق صناعي وبالرغم من اني بكر الا ان بطني كان كبير بشكل مااحد بتخيله وكل مااحد يشوفني يقول اكيد ببطنك توأم المهم اني انتظرت لحد يوم الجمعه وكان في جسمي حساسيه الله لايوريكم طول الليل والنهار احك والدم ينزل من جسمي كله الوقت ابكي واللي زاد كل اللي فيني زوجي مو موجود بحكم عمله ومو قريب بفرنسا يعني بعيد مره وهذا اكثر شي اتعب نفسيتي رحت لطوارئ لاني مو قادره اتحمل الحساسيه ابي انوم مو قادره لما دخلت وشافت الطبيبه جسمي انفجعت وركبت جهاز نبض الجنين وطلع خفيف واستدعت الطبيبه اللي انا اتابع معاها ولما جت سوتلي اشاعه وطلع النونو مونازل بالحوض والطفل اكبر من الحوض وبالعرض النونو قاعد نادت امي وقالت انو ماراح اولد طبيعي والحساسيه اللي بجسمي بداية تسمم حمل لان ليه اكثر من 10 ايام بالشهر العاشر ولازم تولدني لان النونو كبير امي طبعا قاعده تبكي وقالت توكلنا على الله وفي 10 دقايق تقريبا جهزوني للعمليه ودخلت واول مادخلوني صرت ابكي واقولهم بنجوني وفعلنا صحيت من قوة الالم ببطني وانا في غرفة العمليات قاعدين يشيلوني بيطلعوني لغرفة النقاهه وامي جت عندي وتقولي جبتي بنت ياحبيتي اصحي وانا اغيب وارجع اشوف امي تمسك يدي وتبكي وعلى هالحال لليوم الثاني وطبعا معانات العمليه لحد اللحين الامها وتعبها لكن الحمدلله صرت احسن من الاول وعدت على خير 0000
ابي انصحكم لما تولدون يكون اول اللي معاك امك وزوجك لان كل شي يهون لما يكونون جنبك والله يسهل على كل حامل ويقومهم بالسلامه يارب00000000
حبيت اكتب تجربتي لكم مو لتخويف لكن للاستفاده يالغاليات 00