بنتي جننتني لا تنااام

السلام عليكم ورحمة الله وبركاته

أختي bent_cute...

هذا الوضع عادي جدا...

هي كانت في مكان مظلم...و فجأة طلعت عل النور...

لذلك نومها و صحيانها سيكون متخربط جدا...

لن تنتظم فعلا إلا بعد أن تكمل ال 4 شهور تقريبا...

و لكن بعد شويه إنتي راح تبدأي تتعوّدي...هي لا تعرف الفرق بين الليل و النهار...يعني لمّا تصحى بالليل لا تعرف إنه الآن وقت نوم...لذلك أعذريها...

لأني مرّيت بنفس اللي مرّيتي فيه..حرام هم صغار و لسه بدري عليهم يفهموا...

بالنسبة للغازات...خلّيكي على اليانسون...و قلّلي من أكل الأشياء اللي تجيب غازات...لأنها تنزل لها في اللبن...و معروف إنه اللبن الصناعي هو المسبّب الأول للغازات...

يمكن بعد شويه تقدري تستعملي ماء غريب...

و دايما نيميها بجانبك...أول ما تصحى و تشم ريحتك...راح تطمئن و ترجع تنام تاني...

و الله يكون في عونك...فترة و تعدّي...

في شيء لازم تنتبهي له اختي اذا قامت بنتج من النوم لازم ترفعينها عشان يمكن تبغي تجعد...حتى لو كانت مفرغه الهواء بعد الرضعه اكيد تبغي تجعد مره ثانيه..

هذا الوضع طبيعي لطفل رضيع توه مولود..وياما بتسهرين ... بس عليج بالصبر تقريبا لين ماتكمل اربع او خمس شهور بيتعدل نظام نومها ...

بالنسبه للغازات حطيها على بطنها وامسحي ظهرها بهذي الطريقه بتطلع الغازات وبترتاح...

في ملاحظه : اذا انتي تعطينها سكر نبات ترا هذا يسوي مغص انا يوم كنت اعطي ولدي ما كان يرقد عدل من المغص ويهلك من الصياح...معا انه امهاتنا كانوا يعطونا سكر نبات..وكل حد ينصح به..بس هذي ملاحظه حبيت اخبرج عنها...اذا تعطينها اقطي عنها كم يوم

وسلامتج

[grade="FF4500 4B0082 0000FF 000000 F4A460"]الخوات ما قصروا

اللي انصحج فيه النعناع اقليلها نعناع فرش مع الماي وضيفي عليه سكر نبات قطعه وحده وان شاء الله خير .[/grade]

جربي ماء المرقدوش راح يخفف الغازات.
وبالنسبة لانتظام النوم، فتحملي ،كلها مرحلة وتعدي..

جربي تحمميها الساعة 12 الليل ، يمكن تهدئ وتنام وتقدرين تنامين معاها شوي ..

ذكرتيني بحالي، ولدت بنصف الفصل تقريباً ،وكنت اروح مثلج بدون نوم، بس الله سهّل مع تعاون عمتي وامي وختي <<< ههههه استنفرت العايلة كلها معاها,,

الله يساعدج ، دايماً اقول الامهات الطالبات لهم ضعف اجر الامهات الثانيات..

ياحبيبتي الحل بسيط انا ابني جنني ولما خلصت الاربعين رحت زياره لاهلي ولقيت اختي وكان

عمر بنتها يمكن 3 شهور والبنت هاديه وولدي بس يصيح وينام بصعوبه ولما قارنت بينهم لقيت بنتها

دايم المصاصه بفمها وتنام بكل سهوله

قلت بحاول اجربها لولدي مع انه مارضى ياخذها بالاربعين وكم كانت فرحتي كبيره يوم الله هداه واخذها

والله ماتصدقين الولد هدا وماصاريبكي وينام بسهوله

جربي تعطينها اللهايه لان بعض الاطفال يحب يمص حتى وهو شبعان انا ولدي كذا

وخبرينا بالنتائج

ياهلا ومرحبا بك..

ولدي كان نفس بنتك ما ينام ، أحيانا تطوف 6 ساعات أو أكثر وهو صاحي بس لما كمل الأربعين وايد أعتدل نومه وتحسنت الأحوال،،، والله كانت فترة الأربعين مأساوية ماكنت أنام ولما رجعت شقتي بعدها تغير عليه الوضع والمكان كان دايما يصيح بس بعدين تعود،،،
لما تكمل بنتك الأربع شهور يبتدي يعتدل نومها وتفتك من الغازات لا تعطينها حليب بالليل بس رضاعة ماء، لأن هم بالعادة ماهم جوعانيين بس يبون يمصون أي شي.. أو جربي اللهاية مع أني مانصح فيها وايد...

الله يعينك ذكرتيني بامي لمن ولدت اختي الصغيرة آخر العنقود

لا نوم ولا ليلها ليل ولانهارها نهار

كل المواليد ينامون معظم ساعات اليوم الا هذي طول يومها صاحية ويوم تنام امي ماتصدق نفسها من الفرحة

حاولي انها ما تنام المغرب او العصر كثير عشان تقدر تنام الليل متواصل ... وشربيها حليب عشان تشبع زين ولاتقعد من الجوع .. حمميها بسائل غسيل يساعدها على الاسترخاء مثل جونسون relaxing اذا تعودت كل ليلة ان الحمام قبل وقت النوم راح تنظم حالها من حالها

الله يكون في عونك

خذيها لطبيب أطفال أحسن... بالنسبة لبنتي (لما تبكي بطريقة متواصلة غير طبيعية وما ينفع معاها أني أشبعها من الأكل والنوم) آخذها لطبيب أطفال (أخصائي أطفال)، ما تعرفين... يمكن البنت يكون عندها حرارة وانتي تعتقدين أنه ما عندها حرارة، أو يمكن تكون منطقة الحفاظ ملتهبة، أو يكون عندها التهاب في الحلق وانتي مش منتبهه، بنتي مرة كانت مريضة وأخذتها لدكتور أطفال وكشف عليها وقال ما فيها شيء... لكن لما شفتها بكاءها مستمر أخذتها لدكتورة ثانية كشفت عليها وقالت عندها احتقان في الحلق وحرارة وعطتها الأدوية اللازمة.

عزيزتي بصراحة انا مستغربة انك تأكلينها وهي ما كملت شهر ومعدتها ما زالت صغيرة جدا وما تتحمل الهضم الرضاعة تكفيها فأنا نصيحتي لج انك تروحين الى طبيب اطفال او اخصائية تغذية تستشيرينها في هذا الوضع