تراها وصلت معي

اختي منولة

من قال ما أحد يعبر مواضيعك ؟؟

طولي بالك وهدي اعصابك ... بالعكس انا شايفة ان مواضيعك متابعينها الكثير

وكل المنتديات تمر بفترات فتور ويصر التجاوب مع المواضيع المطروحة قليل وتصير للكل

سواء كان العضو جديد او قديم ... مشرفة او غير مشرفة

لا تزعلين ولا تحطين في خاطرك ... تعرفين الناس توها راجعة لدوام المدارس والجامعات

يمكن هذا سبب الفتور هاليومين

بعــــــــــــد عمري انتي.... قولي لا اله الا الله :)

حتى ولو... اكتبي...واحتسبي الاجر...وكفى :)

ويعطيج الف عافيه...على كل جهودج... :) المهم لانشوفج زعلانه

تحياتي

[grade="00008B FF6347 008000 4B0082"]صلي على النبي يابنت الحلال يكفي اسمك ياعسل تنوري المنتدى ومثل ماقالت كويتية احتسبي الأجر [/grade]

اختيار عناوين الموضوعات هو بداية جذب القارئ الى المشاهده ثم المشاركه من عدمها

يأتي بعد اختيار العنوان اسلوب الطرح والذي يجب ان يفتح جوانب للموضوع ويتركها للنقاش

يأتي بعد ذلك ... هل الموضوع يدخل في اهتمامات الاعضاء .. او حتى بعضهم

بعض اصحاب الاقلام اصبحوا يعرفون الان البوصله التي يمكن جذب الاعضاء فيها للمشاركه


ماسبق كان كلام عام ... ولكن انا اتمنى لكي التوفيق في موضوعاتك القادمه والجميع من الان سيترقبها .. ولا تزعلي

أختي روومي

مواضيعي مافي أحد معبرهاا بالعكس حتى لو في جامعات ومدارس

في ناس مواضيعهم تتعدى السبع الصفحات من كثر المشااركات

عزيزتي انا كنت ولازلت انزل مواضيع الاقي اللي يشوفون الموضوع بالآلاف والردود ما تتجاوز العشرات

بس شسوي ما أقدر اجبر الناس انها ترد على مواضيعي ولا هم جبروني انزل مواضيع

لازم تطولين بالك

بالعكس اختي انتي سوي اللي عليج
والباقي أجرج عند رب العالمين اهم شيء
خلج واثقت من نفسج سواء انكتب رد في
موضوعج أو لم يكتب ويعطيج العافية ..

الأخت الكريمة

منولة الحبوبة

ما شاء الله وش هذي الشجاعة !!!
صراحة كان ودّي انزّل موضوع مثل كذا بس خفت يقولون هذا ملقوف
وانتي من حقج تشرهين علينا والانسان مايشره إلا عاللي يعزهم ويحترمهم
شوفي اختي ، انا من النوع اللي اذا خدمت احد احبه يشكرني ، لكن شرايج تكوني احسن مني وتاخذين الاجر من الله
واللي مايشكر عنّه ماشكر ، واللي مايهتم عنّه ماهتم
استمتعي بالمنتدى و مواضيعه
ولا تحطين في بالج
تحيتي

حبيبتي منوله

صدقيني اعاني نفس المعاناه

كنت اول لانزلت موضوع اشوف ردود كثييييييييييييييره

والحين اكتب موضوع ارجع اشوف بعد يومين مااشوف ردود مثل اول

الحمد لله على كل حال
اهم شي سويت اللي علي واستفدت من المواضيع اللي منزلينها الاعضاء

وحطي ببالك ان اهم شي انك تنزلين موضوع واللي يشوفه يستفيد منه ويدعي لك مو شرط يرد ع الموضوع

تصدقين سويت موضوع تعبت عليه موووووووووووووووووووووووووووووووووت

بس مالقيت الردود اللي تحسسني بتعبي
والحمد لله على كل حال

ودائما اعطي ولا تنتظري العطاء
واحتسبي الاجر

والمنتدى صار شبه مهجور يمكن لان الاجازه انتهت والبنات مدارس ودوامات والاخوان بعد

ومااقول الا الله يوفقهم دنيا واخره
ويعطينا ربي الاجر على مانقدمه وان شاالله الاعضاء يستفيدون من مواضيعنا

وكل عام وانتي بخير ياقلبي

بسم الله الرحمن الرحيم

لا تضايقين ولا تزعلين علينا اختي منوله الحلوه

كلنا في الهوا سوا وانا بصراحه ما الومك القسم اللي انتي فيه كله وبصراحه حتى قسم التعليم يدخلون ويسإلون وياخذون اللي يبونه ومن غير كلمة شكراً

وسبحان الله انا اليوم ضفت كلام مقارب لكلامك في احدى مواضيعي من حرتي

بس شنسوي ما باليد حيله ، خلي اجرنا على الله

تشرهي واطلبي اللي تبينه واحنا رقبتنا سداده

دمتي لنا غاليتي والله لا يحرمنا من مشاركاتك المبدعه

لا تزعلين

سفيرة فو ق العاده

لا إله إلا الله

والله ياأختي كويتية القهر هو إلي خلااني أعصب من الإهمال لازم على الأقل نشكر للي يساعدنا

فمثل إني مو مقصره ماأبي أحد يقصر معي وتسلمين على الإبتسامة إلي خففت علي

حقج علينا ...
بس تاكدي دام الموضوع حلو ومفيد اكييد بيردون بس اذا كان مكرر وكله كلام فوق بعض شي طبيعي انهم بيطنشون الموضوع ... ومحد بيرد
انا ما اقول انه مواضيعج مب حلوة بس يمكن تفتقد بعض الامور اللي ممكن تجذب القراء وبالتالي يردون عليج
يعني مثلا اهتمي بالعنوان .. اهتمي بضمون الموضوع .. اهتمي بطريقة عرض الموضوع ... ابتعدي كل البعد عن الكوبي بيست .. لانه اغلب هالمواضيع مكررة وفي كل منتدى نفس الكلام مكرر مليون مرة ...
لا تحطين مواضيع طوييلة حتى ولو كانت مفييدة جدا جدا .. تدرين ليش ؟؟ لانه محد عنده وقت يقرا كل هالكلاام .. فيضطر انه يسكر الموضوع بدون ما يحط رده ... ممكن تحطين الموضوع على اجزااء اذا كنتي مصرة تحطين هالموضوع الطوييل ...

دايما حطي في بالج .. انج منزلة موضوع عشان الناس تستفيد وبالتالي انتي تاخذين الاجر ... صح انه نحن بحاجة لكلمات الشكر لانها تدفعنا اكثر للمزيد من العطااء بس شو نسوي داام انه غيرنا ما يبى يشكر او مستخسر هالكلمة علينا ؟؟؟ ما نروم نجبرهم ونقولهم غصبن عنكم تردون عموضوعي ؟؟؟ صح ولا لاء

منولة حبيبتي ... حقج علينا واسفيين يالغاليه .... لا تزعليين ولا تحطيين في باالج ...

بنفسوجة

بنفسجة العين :up:
اوافقج بكل اللي قلتيه .. خصوصا طريقة عرض الموضوع .. هذي لها اهمية كبيرة لجذب الأعضاء
وكذلك العنوان الغامض المثير والمشوّق في نفس الوقت .. واختنا منولة الحبوبة اكيد ماتغيب عنها مثل هالملاحظات

عليه أفضل الصلاة والسلام

أختي فتاة الجبال معك حق أنه أجر وأنا صبرت كثيير بس للصبر حدوود

أبي أحد يعطيني إهتمام

يكفي أنك هديتيني ولا كنت منفعله من جد أكتب المقال من دون إدراك

أخي مجدي مواضيعي أختارها بعناية ومو مقصرة

حتى المواضيع اختار شيء مختلف تماما وأبتعد عن المنقول

ومشكور على إهتمامك بالرد وبالنقاط إلي قلتها

عزيزتي روومي والله إني مطوله بالي تراها سنتين إلي مطوله بالي فيها

بس بتبع نصيحتك

أختي نوف البحرين يحز في نفسي إني أقدم وأكتب ومافي أحد يعطيني وجه

أدري فيها أجر وفيها وفيها بس أبي على الأقل لو كلمة شكرااا أنا مراااات أجلس إلى الفجر أدور

على حل مشكلات الكمبيوتر خصوصا أن هذا تخصصي

ترى تخصصي برمجة الكمبيوتر يعني ماأبيهم يعتبرون مساعدتي مجرد زيادة في المشااركات

أخوي صارع هذي الشجاعة هذي جت من القهر إلي وصل حده معي

والله إني تحملت وصبرت وصرت أشارك وأقول بيهتمون بيقدرون بس تعبت

يمكن موضوعي هذا يخليهم يحسون إني إنسانة تستحق الإهتمام وماراح عن بالي الإجر

كل شيء بأجره بس طبعا التقدير مطلوب

السلام عليكم ورحمة الله وبركاتــــــه

كل شئ ولا زعل منولة الحبوبه
أنتِ أخت عزيزه وغاليه ومانرضاها عليكِ

وصدقيني هذا الحال مو في منتدانا بس 000 كل المنتديات البعض هداهم ربي يطلبون حاجتهم ولما تنقضي مايكلفون عمرهم لو بكلمة شكر
وأنا مع الأعضاء اللي أشارو الى عنوان المشاركه لأنها أول مايجذب القارئ

ومثل ما أنتِ قلتي لك سنتين بالمنتدى يعني تعرفين وش اللي يجذب أعضاء عرووس

وأجرك على الله يالغلااااا
وأتمنى تكون أعصابك هديت لاني بزعل عليكِ لو لساتك زعلانه ومتضايقه
وربي يسعدك ويحفظك

ولكم فائق تقديري وإحترامي
دمتم بخير