تقشير مع البودرة!!!!!!!!!!!!!1

قبل مانحطين كريمن الأساس صنفري وجهك بصنفرة وحطي له بخار استمري على هالطريقة أسبوع وبعدها راح يتزحلق الأساس تزحلق

اشكرك كثير أختي صندلة

بس الصنفرة ماهي زينه معي جربتها وطلعت لي حبوب
والبخار اسمع انه يفتح المسامات

هلا اختي
هم أنا عندي نفس المشكلة ..
حتى ليحطيت كريم أساس يطلع وجهي كله قشور ويخرب الكريم..
جربي تحطين فازلين على وجهج قبل المناسبة بساعتين علأقل...
وبعد ماتخلص ساعتين اغسلي وجهج بماي دافي و رشيه بماي ورد ..
و لما ينشف حطي كريمج أو بودرتج المعتادة و تمكيجي عادي مثل كل مرة..
إن شاء الله تفيدج هلطريقة ..
أنا تنفع معاي بس عيب هلطريقة انه الفازلين يغث ثقيل علوجه ..

أشكرك أختي ما قصرتي
إن شاء الله تنفع معي هالطريقه
تعب واااااااااااااااااااجد

استخدمي نوع ثاني من السنفرة جربي من كلارينس gentle face peeling و بعدين ماسك مرطب و هذه العملية لازم تسوينها مره أو اثنين بالإسبوع.
قبل المكياج حطي toner وبعدين مرطب hydration

ترى انا مثلك هالمشكله مكرهتني بالمكياج مع اني اموت عليه

انا بصراحه ماحط ميك اب الا اذا عندي زياره او مناسبه

وقبل احط الميك اب اقشر وجهي بنيتروجينا ريحته حلوه برتقال وبعدها احط شوي بس فازلين ووجهي فيه رطوبه مانشف ووجهي من المويه الا على خفيف واتم اشويه وبعدين احاول امسح الفازلين اذا كان ثقيل واييد وبعدين احط الكريم الاساس وتكون الاسفنجه مبلوله بشوية مويه وبصراحه يصير تمام بعدين احط بودره حره او حتى مضغوطه بس مأكثر وبنعومه امسحها على وجههي

وانا جربت البودره المائيه برضوا على نفس الطريقه بس احسها تشد وجههي وايد احس انها تجففه

على فكره المقشرات جبت كذا ماركه ومانفع وياي احس انها تحرق وجهي وحتى مقشر كلير اند كلير حرق وجهي مأرتحت الا لنيتروجينا المقشر اليومي

اهتمي ببشرتج
و سوي سنفرة بس بدون بخار
و استخدمي التونيك و غسول مناسب لبشرتج و مرطب زين مو زيت جونسون

انا كان عندي نفس مشكلتك وجربت كريمات ترطيب من ماركات كثير ومافادتني
وماراحت المشكله الا لما استخدمت مقشر وكريم مرطب
افضل مقشر استخدمته زيت الزيتون + سكر + ليمون
والكريم المرطب من ماركة جفنشي وهو خاص للبشرات الجافه واللي تقشر مع الميك اب
واحيانا استخدم لوشن دووف ككريم مرطب قبل المكياج حلو ومايسوي تقشير
وانصحك لاتستخدمين الفازلين لانه يسمر مع كريم الاساس

افضل شي قبل المكياج فركي وجهك بمقشر من سكر =زيت لوز
او ملح وزيت زيتون
وبعدها غسلي وجهك بصابونه دوف ...............خيييييييااااااااااااالللللللللللللللل

أضم صوتي لكلام البنات وأضيف ,,
إن زيت جونسون أند جونسون ما يناسب الوجه أختي ,, أنا بصراحة أستغرب من اللي يحطونه على بشرتهم مع إن الزيت هذا للجسم مو للوجه !!
لذلك أنصج أختي إستخدمي مرطب يكون فيه نسبة ماي كثيرة لأن يبدو لي من مشكلتج إن بشرتج تفتقد للماي وبكثرة
كذلك كثري من شرب الماي ،، لأننا المفروض قبل ما نعالج البشرة من برا لازم نعالج الجسم من داخل
يعني مختصر مفيد : بشرتج تفتقد للسوائل ،، كثري من شرب الماي والسوائل عموماً ,,
وإستخدمي مرطب نوعية جيدة يكون اغلب تركيبه الماي
أتمنى إني أفدتج :)