رجعت وكلي شوق لكم وحشتوني وااااايد
أشكر كل من سأل عني ورد على موضوعي ودعا لي دعوة صافية أكيد كانت لي سند برحلتي
ربي وفقني في المهمة اللي رايحه لها والحمد لله رب العالمين كل شي تيسر لي وخلصت شغلي والكل مستانس منه سواء هني بالبحرين أو هناك بالامارات
في أبو ظبي
أولاً شفت ناس أعزهم كثير صار لهم فترة طويلة يبون يجون البحرين والله ما يسر أمورهم
السبت كان أول يو بالكورس وهو اني احضر المعهد وآخذ معلومات كافيه عن برنامج نحتاجه بالشغل وهو خاص بالشركة وبعدها داومت عادي بمكاتب الشركة وهناك تعرفت ع الموظفين وكانوا ما شاء الله عليهم أخلاق وذوق معاي سواء كانو مدراء أو موظفين وحبيتهم وارتحت معاهم كثير وتسوقت بابو ظبي مول ترى المكاتب هناك يعني كل يوم مشرفة أختكم هناك ومع هذا بعدني ما خلصت المحلات كلهم ما شاء الله كبير وفي محلات وايد صعب اني أمرهم كلهم بثلاث ساعات في أربعة أيام بس ورحت مارينا مول بعد كان حلو
يوم الأثنين كان المؤتمر في قصر الامارات طبعاً الشرح ما يوصف ولا يعطي المكان حقه صراحة فن وابداع وروعة وفخامة وجمال و .... شي فوق الخيال مكان راقي وحلو والحمد لله كان يوم موفق وقدرت أعرض فيه بشكل جيد والخطاب كان ممتاز ويوم الثلاثاء بعد الدوام طلعت على دبي
في دبي
داومت بالمكاتب يوم الاربعاء وتعرفت ع الموظفين وأكيد ما يقلوّن عن عيال بوظبي بالعكس ما شاء الله عليهم طيبين وخلوقين والحمد لله ارتحت معاهم كثير ولا حسيت اني غريبه عن ديرتي ولا بعيده عن ناسي ويوم الخميس قضيته مع هلي هناك ويوم الجمعة الصبح رديت البحرين
يوم الجمعة الصبح رجعت لأبوظبي لأن الاقرع كان من مطار بوظبي وقبل الموعد بساعه تقريباً رحت لمكان وزرت شخص عزيز علينا كلنا وارتحت عنده وااايد صحيح انه ما شافني بس أنا متأكده مليون بالمئة انه حس فيني وانا واقفه عنده رحت لقبر الشيخ زايد الله يرحمه وقريت الفاتحه عليه وهناك صار شي عمري ما كنت اتوقع انه يصير او حتى افكر فيه .. لقيت بنته الشيخه شما كانت موجوده هناك وسلمت عليها وعظمت لها الأجر والشرف صار شرفين .. الأول بزيارة الشيخ حتى ولو كانت بعد وفاته والثانية السلام والتعرف على بنته
رحلة قصيرة لكني استانست فيها وايد وتعلمت فيها اكثر والحمد لله رب العالمين تعرفت على ناس اتشرف بمعرفتهم واتمنى ان علاقتنا تدوم طول الدهر
هذا مختصر رحلتي للامارات .. والحين انا بينكم من جديد
