زوجي يخونني؟؟

بالنسبة للتبرير ما اظن انه بيبرر لانه يريد السالفه تتسكر وما يريد يفتح مواضيع كل الرجال كده

وصراحة حركة انك اتخلينه يتصل رقم رقم هذي قوية اشوفها وما اظن اي ريال محترم وواثق من نفسه يرضى يسويها
حتى انتي بتنزلين من عينه اذا طلبتي منه هذا الطلب لانه اشكره شاكه وامكذبه كلامه مقدما
مادري ياختي في هذه المواقف التريث مهم والتفاهم فيها لابد يكون بدون انفعال
اسألي مجرب
لازم الهدوء
وانتوا بعدكم في البداية حتى الحب والتعارف ما اكتمل
شو الفكره اللي بياخذها عنك؟
نحن الحريم ننسى لكن الرجال يسجلون عليك مواقف
لازم اتبينله انك زوجة المستقبل ولك نظرة للامور وحسن تصرف وعقل وصبر
مش خذوهم فغلوهم
فكري وانصحج ما تفتحين الموضوع في وقت هو يتوقعه
خلك نورمال وياه الحين وفي وقت ما يتوقعه كلميه بهدوء وان شاء الله ترتاحين
اسمحيلي اتدخلت مره ثانية بس افكر فيك كاخت ولازم التريث والصبر لانه هذه موقف وبيمر وبتذكرينه مع الايام بس الانطباع اللي بياخذه عنك بيلصق واخافك تندمين اذا اتسرعتي في التصرف

الله يعينج حبيبتي

انا من راي ماتقولين له تعال واتصل جدامي..عشان مايرتب الموضوع من وراج لو كان صج خاين (( الله لايقوله))
قولي له تعال البيت ابي اشوفك اليوم مشتاقه لشوفتك ومن هالقبيل ولما يجي خليه يتصل ويحط التليفون على سبيكر ويسوي روحه يسلم عادي ويتكلم اشوي عن الاهل مثل اذا بنت خالته يقول اشلون خالتي ورشود ومن هالسوالف طبعا اذا كانت بنت غريبه بتقوله حبيبي شتقول واي رشود واي خرابيط
واذا رفض معناته بيكون خايف من عمايله السوده
وانتي وراحتج يعتذر لج ويطلب السماح ويوعدج انه بيبتدي صفحه جديده دامه على ويه زواج اهلا وسهلا واذا مابتسامحينه انتي بعد حره وعلى حسب الظرف الي بتكونين فيه
وعموما انا اقولج لاتتغاضين عن الموضوع لانج لو سكتي وانتي شاكه بتبتدي حياتج الزوجيه في دماااااار والم وعذاب وحيره وشك
وماتدرين يمكن الله..... يبي يكشفه لج
وانشاء الله يطلع كلشي في بالج غلط ومايكون الا لبنات من الاهل
بس عني انا مابعديها حتى لو بنات من الاهل ليش يطرش لهم مسجات رومانسيه معقوله!!!!!!
خلاص مدامك ارتبطت مسجات الحب لامك ولي بس....

السلام عليكم ورحمة الله وبركاته


اختي العزيزة لا تدورين على الهم وتخلين له مكان
في حياتج ويا ريلج......تقولين انه خانج؟ الدليل ناقص
صح ان اللي ردت عليج حرمه بس هذا مب دليل كامل
ممكن ربيع ريلج عاطي الرقم حق مرته او اخته او او او
وبعدين تقولين هو مطرش لمجموعة وانته من ضمنهم
يعني عادي مطرش حق ربعه.......

ارتبك يوم سألتيه؟ يمكن انحرج منج ومثلا كان يباج
تحطين في بالج ان المسجات الحلوة حقج انتي بروحج
مب ربعه...........دوري له العذر

ممكن لو قلتي له انج اتصلتي، بيعرف انج نبشتي وراه
او مب واثقه منه وهالشي بيخليه يتضايق منج...

صدقيني الغيرة نار انتي بتحترقين فيها لو استمريتي
في الشك

بالنسبة لقلة كلامه الرومانسي مب مشكله، عشان عقب الزواج
ما يخلص هالكلام وبعدين انتو لازم تعرفون بعض اكثر وبالعشرة
التفاهم اقوى والحب اقوى واقوى......البنت دومها تكون متلهفة
على الكلام الحلو والحركات الرومانسيه وتتخيل حياتها ويا ريلها
بتكون مثل ما تخيلت........الواقع غير عشان رومانسية المرأة
يقابلها عقلانية الرجل......

ادعي رب العالمين ان الله يوفقج وياه ويبعدكم عن الهم والغلط ويحميكم
من الحسد..........

الله يوفقج اختي الغالية

عندى اقتراح ثاني بعد اختى لا تتسرعين في هذا الاشياء ...ادخلى موقع جاسم المطوع ...الاختبار والتمرين ,,,وسوي كبي ....وحاولي اتسلينه يوم اتكلمينه وتتسلون ....في نفس الوقت ...وتفهمينه أكثر ....
تعرفين وايييييييد مشاكل تنحل ...بطرق ذكيه ...فهمتينى اختى ......وخبرينى عن النتائج اللي بتكون مذهله ...وانا على يقين بها .....وبشرينا .....

حبيبتي حاولي تفكرين بطريقة ايجابية و تبعدين عنج الشكوك..

ما تدرين يمكن حد من ربعه او اخوانه مثلا خذ تيلفونه و قعد يطرش.. و قال لريلج انه بيطرش لج بالنيابة عنه و قاله اوكي..

ما تدرين يمكن يوم نبهتيه انه كان لعدة اشخاص استغرب..

بس برأيي." و اذا حطيت نفسي بمكانج"

و صار لي لا سمح الله موضوع مشابه.. بقوله الله يخليك.. دامنا تعودنا من البداية ع الصراحة.. صارحني و لا تخبي علي

و اوعدك اني انسى ماضيك و اتغاضى عنه و افكر فيك الحين معاي و بمستقبلنا..

تدرين صار لي شي صح انه ما يخصه بالسالفة لكن بقوله:

ريلي دايما كان يقول باخذ لي دراجة و انا اقوله ما في داعي خل عنك هذي السوالف.. خطيرة و ما احبها

لين مرة فاجئني و بكل برود و قال لي.. ترى اليوم بييب الدراجة..

حزتها واااااااااايد تضايقت.. و قعدت يمكن ساعتين اصيح( مو على الدراجة) لا على انه بكل بساطة خبى علي..

و لا حتى مهد لي الموضوع.. و اسمع صوت الدراجة يلعبون فيها شباب الفريج.. و قلبي يحترق و اتقطع

و رجع و شافني على هالحال.. صدقيني انهار و صار مثل البيبي.. و قعد يقولي انه حد من الشباب أصر عليه و عجبته الفكرة..

لكن ما اقدر ازعل عنه.. اشترطت عليه كم من شرط و هو طبعا وافق و التزم بيهم مثل:

تخبرني يوم بتركب الدراجة.. يوم يروح البر.. قبل ما يطلع ألف توصية.. و بعد ما يخلص ع طول.. يكلمني و يطمني..

لين بعيد الشر عنكم و عنه .. صار له حادث بالدراجة.. و أحمد الله انه رجعه لي سالم بشوية خدوش.. حزتها قال لي..

يا ريتني من البداية صارحتك و لا خذت هالدراجة.. و باعها و افتكينا منها..


اسمحيلي ع الإطالة..بس ابيك تصارحينه.. و على اساس المصارحة.. صدقيني يقوى بنيان الحياة الزوجية.. عن تجربة

بس هل الارقام كلها تطلع؟؟

لاني اول مره اسمع هالمعلومه

أم سعيده : مشكور على المداخلة الجميلة ,, الظاهر كل الرياييل نفس الشئ : )

الله يهنيج ويسعدج ياربي .. ويبعد عنج كل ضيقه وهم .... صحيح كل وحده بتصادف امور زوجيه او مشاكل زوجيه .. بس الواحد مايقدر يتقاضاها مهما كان ... وانا اللي اعرفه انا الريال عمره ماينسي .. والحرمه بعد .. مااقدر غير اقول الله يعينني ويصبرني

Noor1979 & أشواق لا تنتهي >>> شكرا على المداخلة .. وانا احتسب امري من رب العالمين ... وسوف اتقاضي عن الامر .....



الحلوه نعناعة : الله يبارك فيك .. تقبل الله صيامك .. وصلواتك .. ودعاءك ... وكل طاعه لله وحده .. شكرا اختاه نصيحتك كنز لي .. مثل ماقلت سوف اتقاضي عن الامر ... ولن اسرد فيه ...


ود الإمارات & Runaway Bride >>> كلامكن 100% صح ... حتى لااخلي الشك يسري في دمي .. راح اتصرف بعقلانيه وتروي .. سوف ادرس الموضوع قبل طرحه ...

جنة العشاق : الله يخليكم ان شاء الله حق بعض .. ويسعدكم دنيا وآخره .. ويبعد عنكم كل شر وأذي .... اعرف ان الصراحه تاتي منذ البدايه .... مع المعاشره ... اول منذ الخطوبه او عقد القرأن ... الذي عمله حتى الآن مجرد سراب .. وهن لن ينفعهن في شئ له .. مادام انه اختارني واختار ان اكون ام عياله .. سوف اصبر حتى النهايه ...


نوووسه : مرحبا اختاه .. هيه تطلع الارقام .. وانا اللي ذكرته رسالة متعدد الوسائط غير الرساله العادية ... جربي ان طرشين حق عدة اشخاص وشوفي بنفسج النتيجة

الله يصبرك اختي وقدم ما فيه الخير


صلي استخاره وتوكلي على الله

بنت الصقور : شكرا على الرد الجميل .. الحمدالله ,, البارحه صليت الاستخاره لكن الرؤيه لم تتضح ان شاء الله راح اكررها اليوم .. شكرا اختاه ...

ان شاءالله كل خير فديتج

حياتي لاتعورين راسج خلاااااااااااااااااااااااااااااااااااص نبتدي صفحه جديده وف النهايه البنت هي الخسرانه وانت الكسبانه وعوديه ع طبعج ولاتخلينه يسهر الخميس مع اصدقاءه خليه ينشغل فيج انت وبس مثلا انا زوجي ف كل شي استشيره واحب اخذ رايه حتى ف اختياري للملابس ميك اب وغيره وانا عوته اني اطلع معاه السوق مش مع صاحباتي معاه هو وبس حتى هو اتعود ع هالشي هذي نصيحه خارج عن الموضوع وعن البنت طنشي اكسبيه وكوني انتي ف حياته كل شي

العفو

عليكي بلدعاء له في جوف الليل عسى الله أن يهديه ويكون باب السماء مفتوح:think::think:

fatma & فتوش & بنت الصقور: الحمدالله خير ... الرؤية اتضحت بالخير واليمن

توته العنكبوته : اكيد لازم اعوده انه مايسهر .. بس يمكن هاليوم الوحيد اللي يظهر فيه والايام الباقيه يكون مشغول ... لكن مب دايما يظهر يوم الخميس خاصة إذا هناك مباراه يحب يشوفها وياربعه .. ومرات في البيت .... وعن السوق لاتخافين هو راح يوديني (الله لايحرمني منه)



اشكر كل من وقف في محنتي واعطائي النصائح لكم مني جزيل الشكر والعرفان

[mark=CC3399]«®°·.¸.•°°·.¸¸.•°°·.¸.•°®»الحمدالله والله فرحتلج من قلبي الغاليه «®°·.¸.•°°·.¸¸.•°°·.¸.•°®»[/mark]

الله يساعدج ويعينج اختي بس اكو هواية خيارات
1 - تواجهية بالارقام وتخليه يجي ويرد على الارقام والاصوات ( هنا اكيد تصير عركة وصراخ ) :eek2::pain::angry:
2- تصيرين باردة ولا تهتمين وتنسين الموضوع او بالاحرى تتناسيه :no:( اذا كدرتي )
3- لا تكوليله بنات خالاتك ولا عماتك لان ولا وحدة منهم اكيد :down: وحتى لو كانوا ميصير تكون الج ولغيرج نفس الرومانسية
وعلى كل حال انتي بداخلج فهمتي انه هو سوى شي غلط :mad2: والي عنونتي بيه الرسالة هو احساسج ( احساس المرأة لا يخيب ) بس انصحج تتكلمين بهداوة شوية معاه واني متاكدة انه هو مراح يعترف لان مثله ما يعترف بهذا الشي ( مثل زوجي ) وانتي من عندج سهلي الموضوع اذا عندك نية تبقين معاه انشالله .. وياربي حياة سهلة وكلها محبة ووفى ياااااااااااا رب (f)(f)(f)(f):flower::flower::flower::flower:
متاسفة اذا تكلمت كثير لان الموضوع حرك دمي :mad2:واني ما عايزة حرك دم :sad:

حبيبتي اسمعيني انا رجعت بيتي ولقيت حرمه في سريري ولابسه بجامتي اش دا بالنسبه لرساله او مسج ولاني ما حقدر اطلق من زوجي لظروف خاصه اولها بناتي واني مجربه طلاق الام والاب اتطريت اجلس مع زوجي هو والله طيب ويعاملني طيب بس مع انه حلف ما يعيدها لا عادها وكل مرة بكتشف شي والنتيجه اني عايشه في الم وقهر وصدقيني حيجيلي مرض من النفسيات الي عندي تبي نصيحة مجربه (اللي يحب عمره ما يخون واللي بخون عمره ما يخلص)لو اتاكدتي انصحك تنسيه لان الخيانه تكون طبع مو غلطه والله يعينك