احترق وجهي من التقشير

يالله...شو شسويتي بنفسج الله يهديج..عموما الغالية لاااااااااااااااااااازم وبسسسسسسسرعة تروحين عند دكتولرة جلدية عشان توصفلج العلاج اللازم..حسب ما فهمت ان الطبقة الداخلية هي اللي تضررت ..لا تتأخرين فديتج..وإن شاء الله يتعدل ويهج

مشكورة حبيبتي!!

والله رحت وعطتني كريم بس مانفع!! يمكن أنا مافيه صبر!!

ماأدري الغلط من منو!!؟؟؟

الحين دايماً أمسح وجهي بماء الورد وصديقتي فالت أجرب زيت الزيتون!!

شو رايج؟؟؟؟؟؟؟؟

حبيبتي روحي للدكتورة توصف لج شي

انا اعرف كثير سوو تقشير ولا جاهم شي

العموم ،،،، احب اعطيج معلومه :: الي يقشر لازم لازم يستخدم SUNBLOCK اذا طلع برع البيت حتى لو كنتي بتقعدين في مكان ظل وبعيد عن الشمس ،،، والحين هالعلامات اللي طلعت لج يمكن اتم فتره طويله وما تروح بعطيج اسم دوا مضاد للحروق وانشالله ينفعج حاولي تستخدمينه قبل لا ترقدين والصبح ،،، ولا تنسين دوري لج SUNBLOCK زين ولازم تستمرين عليه لان انتي الحين فيج هالبقع وتطلعين برع البيت وتضرب الشمس في ويهج وهذا الشي يزيد البقع وانتي ما تحسين يا اختي

واذا ما فاد كلامي معاج حاولي حاولي تروحين عند دكتورة جلدية .. وقبل لا تروحين لازم تسألين كذا مره عن هذي الدكتورة عشان عقب ما تتوهقين

هذا اسم الدواء Fucidin H موجود في كل الصيدليات (أقري التعليمات قبل لا تستخدمينه)

وبعطيج من نيوتروجينا SUNBLOCK بعد زين موجود في الصيدليات والجمعيات
هذا شكله (أنا استخدمه وايد زين)



ملاحظة: حاولي تستخدمين الدوا فتره طويله يعني شهر // لان بقع الحروق يباله وقت لين ما تروح وان ما نفعج مثل ما قتلج راجعي دكتور جلدية

:)

مشكورين لإهتمامكم!!!

إختي نورة ممكن عنوان الدكتورة والله بروح لها وين ماتكون!!

أنا في إنتظارج!!!!

الله ينولج إللي في بالج!!!

الين تروحي جربي الديرموفيت ممتاز

وانا اعرف دكتوره وايد اوكيه الصراحه


تم التعديل من قبل المراقبة

00 مرحبا عزيزتي 00
الحل الانسب لك مراجعة الطبيب المختص لحالتك
وفقك ربي الى كل خير وصلاح متمنين لك التوفيق غاليتي

00 تقبلي شكري وتقديري00
ام عدول

انا اعرف وحده مقشره وجهها بس كيف مدري ظلت في البدايه وجهها كنه محروق

وكانت لما تجي الجامعه تحط شاش على وجهها واحيانا كريم ابيض واضح وجهها ماينطالع

مر كم اسبوع والا وجهها ماشاء الله يهبل ..

يعني لاتحطين شيء في وجهك الا قبل تراجعين الدكتوره او الدكتور يمكن يكون هذا ناتج من التقشير فتره وبيروح

ياأم القلب الأبيض.....................

الديرموفيت عبارة عن شنو؟ وين راح ألقاه؟

الله يعينك بس :sad::sad:

جربي الصندل مع ماي الورد عسى يفيدك:cool2::cool2:

الديرمو فيت كريم من الصيدلية جربيه ان شا الله تروح انا اذا سويت تقشير واتبقعت استخدمه على طول تروح بس كم يوم بس برضه لازم دكتور

اول شي راجعي نفس الدكتورة الي حرقتج شوفي شو بتقولج يعني تحرقج وتسكتين ما يصير خلي اتعدلج مثل ما حرقتج وها النوع من التقشير انا مسوية عند الدكتورة سيمين في دبي بس ما صارلي شي

ممكن اعرف اي دكتوره اللي حرقت ويهج لأني قاعده اسوي جلسات تقشير بالأحماض عند دكتوره واخاف نقسها

وينج يالعذراء اريد اعرف اسم العيادة اذا سمحتي انا وصلتني رساله على الخاص بس ماقدر افتحها لأنه ماعندي وايد مشاركات ممكن تكتبين الرد هنيه على العام عشان اقدر اشوفه مشكوره اختي ما تقصرين انا اسوي التقشير في عيادة في العين مادري اذا انتي بعد في العين او دبي او مكان ثاني اتريا ردج مشكوره

انصحج تروحين حق دكتورة جلد

انا قبل اسبوعين صارت لي مشكله في وجهي مثل الحرق والحمدالله رحت المستشفى بسرعه والحين ماله اي أثر