تعالو اندردش شوي.. من وين بتجهزون حق العيد.. ومتى.. اسأله يبالها اجوبه ياالاماراتيات

والله اختي روحي مب عارفه شو اسوي ووين ادق راسي:down: موعد ولادتي بعد اربع ايام ومووووووووول ما جهزت شي حق العيد الشي الوحيد الي مخططه له اني بصبغ شعري !!!
ألم ولادة ما فيني وبنتي مطوله اليلسه شكلها ياليت تفيديني من وين بتاخذين جلاليبج

أنا عن نفسي احتمال اسير محل الاسطورة ؟؟ مممممممم شسوي ماانتبهت ان العيد قرب لهدرجة

السلام عليكم
ام سعيده موضوعج حلو بنفيد ونستفيد
يلا انتى قولى بالاول وين بتاخذين ملابس الاطفال خاصة الاولاد صراحة صعب تحصليلهم ملابس اوكى
اما عن ملابسى محلولة ياليشمك او الهودج اييبون ساعات اشياء حلوة او اي مكان ثانى بس يكون راقى

امي كل دنيتي:
والله اختي روحي مب عارفه شو اسوي ووين ادق راسي:down: موعد ولادتي بعد اربع ايام ومووووووووول ما جهزت شي حق العيد الشي الوحيد الي مخططه له اني بصبغ شعري !!!
ألم ولادة ما فيني وبنتي مطوله اليلسه شكلها ياليت تفيديني من وين بتاخذين جلاليبج

اهلين حبيبتي لا تستعيلين.. لما بتطلع بتقولين ياريت تمت زياده هههههههههه..
وعن الجلاليب ما احب البس جلاليب احس اني كبيره وايد وانا بعدني صغيرونه :)
ان شاء الله الاعضاء بيفيدونج..





مواضيع التي كتبت بواسطتــــــــي أو بواسطة أي عضو.. أتمنى ذكر المصدر عند النقل للأمانه..
مواضيع أم سعيــــــــــــــــــــــــــــدهـ
Copyright © 2005=2006 3roOs.com

أم حميد 2000:
السلام عليكم
ام سعيده موضوعج حلو بنفيد ونستفيد
يلا انتى قولى بالاول وين بتاخذين ملابس الاطفال خاصة الاولاد صراحة صعب تحصليلهم ملابس اوكى
اما عن ملابسى محلولة ياليشمك او الهودج اييبون ساعات اشياء حلوة او اي مكان ثانى بس يكون راقى

اهلين حبيبتي.. انا عندي بنت فما عندي فكره من وين باخذ حق الاولاد اسمحيلي ما بقدر افيدج..
وان شاء الله البنات يفيدونا اكثر..





مواضيع التي كتبت بواسطتــــــــي أو بواسطة أي عضو.. أتمنى ذكر المصدر عند النقل للأمانه..
مواضيع أم سعيــــــــــــــــــــــــــــدهـ
Copyright © 2005=2006 3roOs.com

اما انا فالحمدلله اخترت كم جلابية و بيتفصلن فالكويت احسن لي من صدعة الراس و احسن عن الاسطورة اللي اسعاره نار و بعد نفس جلابياته

السلام عليكم ورحمة الله وبركاته
عني انا خذ يت لي كم من بد لة من معرض كان في بوظبي من فترة خذيت لي بناطيل والقمصان
زينب العسكري وبصراحة تشكليلة حلووووووووة مرة وخذيت كم قطعة عسب افصل كنادير
0000000000وبعني ماخذيت الله يعزكم النعوول وحاطه في بالي السفير الستايل اللي
بنادي السياحي شوفت عندهم نعووول حلوة0000000وبعدنب مافصلت العبي سرت
الخميس اللي طاف غناتي وانسا تي بس ما عيبني شي واسعارهم ناااااااااااااار
وصالون افكر اسير صالون أفنان عسب اقص شعري بس ماراح أصبغه لاني من أسبوعين صبغته اسود بصراحة اخاف اصبغ شعري ليتسا قط مافيني اعيد وانا جرعههههه
ههههههههه يلا بقى الدور عليكم خبرونا شوسويتوا وبصراحه كنت ابي اعرف شو اللون الدارج
والموضة حق الملابس00000000
تحياتي

هلا الغاليات
ان فصلت عباتي عند الخياطة الفنية مع الشيلة طقم
ومفكرة اخذلي بعد شيلة من غناتي الليفي الواحة
(بس للأسف احترق الواحة سنتر:confused:كنت حاطة فبالي اسير السنتر عسب اجهز عمري حق العيد...خسارة )
وفصلت لي مخورة وحدة بسس بني +ذهبي
و خذت بدلة مع تنورة قصيرة وبنطلون
وعندي جمن قطعه متفرقاات(يعني تنورة بروحا يبالها بدي ولا العكس)
واشتريت قطع حق الجلابيات من محلاات سيد كماال
وطقمت عليهن اكسسوارات الخياطة بس لين الحين ما فصلتهم..
ومفكرة اسير بوهيل حق عباة خفيفة
وششوو بعد ...
هية ما خذه شنطة رووعه من مانجو ذهبية
وشنطة ثانيه حق البدلة
وبسس
لان ريلي عصب علية من زود الشنط
وعن الصبغ..انا ابا اللي يخبرني وين يصبغون الصبغات الحلوة واليديدة اللي تكون اكثر عن لون في الخصل في صالونات بوظبي
.
.
.
.
.
.
حبيبتي ام حميد.
.
.
.
ما نسيت طلبج يالغالية ...سمعت انه في زارا مسوين عرووض فسيري وشوفي ...يقولون عندهم حركات..
واذا ما عيبج...
عندي لج فكرة..
اذا عندج اكثر من ولد_الله يخليهم لج_..حلو انج أطقمينهم
او حتى اتلبسيهم بالعكس
يعني الاول مثلا: overallاخضر وقميص برتقالي
والثاني قميص اخضر وoverall برتقالي..
ونسقي لهم كابات باللونين
واني وشطارتج في الالوان
(على فكرة ممكن تطبقين نفس الفكرة على بنت وولد من اعمار متقاربة)


اتمنى اكون افدتج انتي والخواات

............................................................................................................................................................................................
لا اله إلا الله.

- من وين بتفصلون وعند منو حق العيد..؟؟
انا فصلت مغربيه فخمه حق الصبح لاول يوم ,, وفصلت فستان بسيط حق الليل عند الازياء الفني عند جي جي عباره عن دانتيلات وشيفون بس ,, وفصلت تنانير وقمصان فخمه بحركات ومصممه كنادير وبشوف بعدني بشتريلي كم جلابيه من عند وحده من خواتنا من المنتدى بس بشوفهن اذا خلصن قبل العيد بالبسهن لرمضان واذا ما خلص بالبسهن للعيد على الصبح لانه لمت الاهل تكون موجودين عنا ...


2- من وين بتشترون المكياج..؟؟
بالنسبه للمكياج ما عندي وقت معين لشرا المكياج انا متا ما دق في مزاجي اشتري والخير واايد ما اريد اشتري زياده لانه السده بتطيح من الي فيها احسه حراام عندي الاوان كلها بس نحن يالحريم من نحط عينا على شي اعوذ بالله ,, تقولون مره ما عنا شي ..

3- من وين بتشترون الملابس للاطفال..؟؟
للاسف ما عندي بس عندي بنت اخويه باخذلها واحد من الطفل السعيد أو من عند



4- من وين بتشترون ملابس جاهزه حقكم..؟؟؟
من محلات واايده في المارينا ولا ابوظبي مول كل ما اشوف قميص ولا تنوره مرتبه اخذها ما فيه مكان معين ,,


5- من وين بتشترون الاكسسوارات والشنط وال(عزكم الله) النعول..؟؟؟
اناعادة ما احب البس اكسسواررات اعتمد على ذهبي الخاص والشنط والنعول بعدني بشوف يمكن من ماجستك في اابوظبي مول او محل مجابل اوكيدي في المارينا ناسيه اسمه حلو عنده ماركات مرتبه ,, وبالنسبه للنعول يا ناين ويست يا اي مكان تعجبني فيه اشياء حلوه ...


6- من وين بتفصلون حق عبيكم وشيلكم..؟؟
يمكن عند عبدالله حسين و من عند لوزاان ومشاعر


7- وين بتسوون تسريحاتكم ووين بتصبغون شعركم ووين بتسون الباديكير والمانيكير..
عند صالون لوكس يعجبني شغلهم


ومشكوره على هذا الموضوع ,, واسمحولي على الاطاله

- من وين بتفصلون وعند منو حق العيد..؟؟

أنا أفضل أشتري من دبي لأني أحس عندهم وايد محلات مثل (( برجمان و وافي و ميركاتو)) أما في أبوظبي (( سيف ذا كوين )) إللي في المارينا .

2- من وين بتشترون المكياج..؟؟

ما بشتري مكياج لانه عندي ..

3- من وين بتشترون الملابس للاطفال..؟؟

في محل ورا البوشية اسمه (( لافان شيك)) وفي بعد محل اسمه (( ملاكي الصغير)) بعد حلو وكله ماركات .....

- من وين بتشترون الاكسسوارات والشنط وال(عزكم الله) النعول..؟؟؟

بصراحة الشنط أنا آخذها من برجمان ... أما النعول أشتري من أي مكان .....

6- من وين بتفصلون حق عبيكم وشيلكم..؟؟

( الخنجي... غواني.... أرابسك..... لارين ..... )

- وين بتسوون تسريحاتكم ووين بتصبغون شعركم ووين بتسون الباديكير والمانيكير..

بصراحة في صالون في دبي وايد حلو .....اسمه (( باشي إي لوشيه )) الفرع الرئيسي في لبنان ...... في وحدة شاطرة بالقص والصبغ وفي كل شي .....


وكل عام وأنتم بخير

السلام عليكم و رحمة الله و بركاته

موضوع حلو نستفيد منه كلنا

من وين بتفصلون وعند منو حق العيد..

لين الحين مب عارفه شو ألبس دايما أسير بوظبي أشتري لي بدل من المارينا مول .. مع إنه عندي جلابيتين فخمات بشوف جان ما حصلت بلبس وحده منهن

من وين بتشترون المكياج..

عندي ما باخذ لأني ما أحط إلا في المناسبات

من وين بتشترون ملابس جاهزه حقكم..

من المارينا و ياليت بنات بوظبي يقولون لي إذا نزلو في المحلات بدل تستاهل الواحد يسير ياخذ منهن

من وين بتشترون الاكسسوارات والشنط وال(عزكم الله) النعول..

لما كنت مسافره خذت لي شنط و نعول

من وين بتفصلون حق عبيكم وشيلكم..

في مركز مزايا قلت بجرب لأول مره أفصل شيله و عباه في محل حور العين عند وحده هي إبروحها إتصمم مع إني شفت تصميمتها حلوه و تستاهل العيد

وين بتسوون تسريحاتكم ووين بتصبغون شعركم ووين بتسون الباديكير والمانيكير..

في العيد ما أسوي تسريحه بس أفتح شعري و لا أصبغ و لا جد بحياتي سويت باديكير و مانيكير

تشلمون الغاليات نبغي تفاعل اكثر بارك الله فيكم ولي عوده للموضوع ان شاء الله..





مواضيع التي كتبت بواسطتــــــــي أو بواسطة أي عضو.. أتمنى ذكر المصدر عند النقل للأمانه..
مواضيع أم سعيــــــــــــــــــــــــــــدهـ
Copyright © 2005=2006 3roOs.com

Up please join us need more things to know yallllllllla

*·~-.¸¸,.-~*لي عوده انشاالله :shy:*·~-.¸¸,.-~*

ننتظر الباقي وان شاء الله برجع لكم..

مرحبااااااااااااااا ..

1- من وين بتفصلون وعند منو حق العيد..

فصلت لي جلابيتين عند حرمه في الشارجه .. وخذت من عندها جلابيه جاهزه واااااااااااااااااااااااايد فخمه .. والاسعار معقووله .. واذا تريدن رقمها بعطيييييكن ^_^ ..

2- من وين بتشترون المكياج..

ما اعتقد اني بشتري .. لان عندي :) ..

3- من وين بتشترون الملابس للاطفال..

همممممممممممم في وايد محلااااات في المولات .. يعني كل محل فيه شي .. وزارا عندهم اشياء حلوه للياهال .. ان شاء الله بناخذ حق اخوويه الصغير من هناك ..

4- من وين بتشترون ملابس جاهزه حقكم..

انا خذت لي من السعوديه .. بس بعدني ما فصلت لي تنانير حق البدياات والقمصان اللي خذتهم :) ..

5- من وين بتشترون الاكسسوارات والشنط وال(عزكم الله) النعول..

الاكسسوارات .. باخذ من كليرز وبروومود .. وبمر على الملا بلازا يمكن احصل عندهم شي حلوو ..... والشنط بشووف ويا النعل ..

النعول شي في آلدو و ميلانوووو .. وفي محلات متفرقه في السناتر .. بعدني ما سرت اطاالع ..

6- من وين بتفصلون حق عبيكم وشيلكم..

فصلت لي عبايه في السعوديه .. وفصلت عبايه ثانيه عند نفس الحرمه اللي خذت منها جلابيات .. واسعار العبي واااايد حلوه .. يعني مب اكثر عن 800 درهم .. طبعاً طقم عبايه وشيله .. والحلووو في الموضوع ان عبيها ما تكرر .. يعني اللي عندها مستحيل عند اي وحده ثاانيه تفصل عبي ولا بتحصلوونهم عند المحلات الثانيه .. وبهالطريقه ما بتشوفن الكل لابس شراتهم .. وعندها قطع السعووديه اللي ما عندنا .. وانا فصلت بعد وحده منهم وااااااااايد راقيين ..

والسمووووووووحه ع القصوووووووووور ...

بصراحه اختي تسلمين على هالموضوع الحلو بس عندي استفسار من الاخت عنود الليل ياريت لو تقوليلي من وين جلاليبج بالضبط عشان الوالده والله يجزاج خير وبالنسبه للعبي ياريت تساعدوني من وين افصل غير مايفير لان عبيه تقطع بسرعه

هيه ونسيت اخبركن ...

الحرمه اللي عندها عبي ..

عندها موديلااااااات العبي اللي يلبسنها بنات البحرين ..

شكلهااااااااااااااا فخمه وراقيه واااااااااااااايد ..

بس في الامارات ما يعرفوون يخيطونها لان مااااعندنا عبي بهالاستايل ..

نحن في الامارات بس يلبسنها بنااااااااااات الكباريه .. والشيخات ..

بصراحه الموديل واااااااااايد حلو ..

وافكر افصل منه :) ...

السموووووووحه ^_^ ..