افضل كتاب لتعلم اللغه الانجليزيه؟؟الله يوفقكم ان شاء الله

وعليكم السلام ورحمة الله وبركاته..

هلا أختي الغاليه دراعه..

انا اعتقد انه احسن الكتب هي اللي تكون فيها تمارين ومواضيع متنوعه ومعاها اشرطه على اساس تتدربين على النطق الصحيح للكلمات.. واذا انتي حابه تتعلمين لج انتي ومش للدراسه فأنا انصحج تقرين قصص الاطفال اولا .. وبعدين شوي شوي مستواج بيتحسن وتقدرين تقرين القصص الثانيه .. وفي نفس الوقت ممكن اتابعين الاخبار مثلا او برامج مسابقات.. او حتى رسوم الاطفال ( بالانجليزي ) .. صدقيني بتحسين بفرق كبير في فترة بسيطه.. انا عن نفسي لين الحينه اذا حصلت جدامي كتب الاطفال اخذها واقراها.. والله اطلع بكلمات جديده ..

وحاليا اشوف المعاهد يستخدمون كتب Headway .. وهي مستويات.. وزينه بعد.. ممكن ادورينه وتاخذينه اذا عيبج..

واسمحيلي على التأخير أختي.. والقصور.. واسمحيلي انقل موضوعج لركن اللغه الانجليزيه..

وانصحج تتصفحين مواضيع الركن.. فيها مواقع ومواضيع بتساعدج انج تتعلمين اللغه

والله يوفقج واي سؤال احنا حاضرين :)

:flower: :flower:

جزاك الله خيرا اختي العنيده واسمحي لي على الازعاج :)
ماتقصرين انا اتابع اي شي انجليزي من برامج تلفزيونيه وافلام وحتى افلام كارتونيه انجليزيه
انا اعرف انجليزي لكن ابغي اتطور اكثر واكثر
مشكوره اختي على ردك لي وماتقصرين والله يوفقك ان شاء الله دنيا واخره ويسهل امورك ويرزقك باللي تتمنينه يارب ياحي ياقيوم.....