حموودي ..ماعرف شو ياه.. يصيح واصيح معاه..؟؟

بنات ادعوا لولدي بالشفاء ...

بقولكم امس شو صار ...

امس ولدي من الساعة 8 بالليل الين الساعه 2 بالمستشفى ...

وديته وهو فيه زكام وصدرة مصطك ... انا قبلها كنت معزومة بيت ربيعتي والولد وياي وبعدين سرت بيت قوم امي عشان نطلع ضربة نسير بيت خالتي ومن هاي الساعه الولد يصيح ويصرخ وهو راقد احاول اخلية يهدا ويفتح عيونه ...مافي فايدة يا يصيح يا يوون وهو راقد .. خفت اتصلت في زوجي وانا اصيح ... قلتله تعال بسرعه ..

رحنا المستشفى ......... ساعه ليما دخلونا :::(مع انهم يشوفوني شايلة الياهل وهو مدوخ ويوون ويصيح):::

المهم ....

عصبت وشلت اوراق الولد ودخلت على الدكتور وطحت فيهم طيحه ... قلتلهم انتوا تعاملون اليهال والكبار نفس الشي ... اليهال ما يستحملون ...

كشف عليه وقالي ضروري اتسوون تحاليل واشعه :::(( قلتله دكتور الولد فيه شي .. قالي بيبين كل شي عقب التحاليل )):::

عاد في غرفت التحاليل اتريي دورج .. جيش وحاطين نيرس وحده

1- تضرب ابر
2- تسوي بخار
3-تسوي تحليل دم
4-تحط تحاميل لليهال

اتخيلوا متى بيخلصون كل هييل ... وهني بعد طحت فيهم :::(( شو هاي الخدمة التعيسة .. على الاقل لليهال حطولهم نيرس رواحهم :::))

قبل لا يسووله التحاليل والاشعه قالوا لازم يفرغ الي في بطنه .. قلتلهم الولد اليوم مووول مب ماكل ولا شرب شي .. شو بيطلع .. ؟؟

قالولي لا لازم .. حطولة تحميلتين والولد ما طلع شي .. قالولي بنحطلة بيب.. حطولة ومشاه بطنه شوي... مال غصب فقير صاح ليما انهد..

سوينا التحاليل والاشعه وخلصنا ..

الحين لازم نتريا النتائج عقب ساعه بتطلع .. قلنالهم بنسير نتعشا وبنرجع قالولنا ما تطلعون من المستشفى .. :::((( زوجي عصب على الدكتور ..قاله اذا شاك الولد فيه شي خبرنا لا تلعب باعصابنا ))::

المهم يوم طلعت النتائج الولد الحمدلله مافي شي .. بس كانوا شاكين ان فيه الربو (((( بعيد الشر عنه وعن عيالكم))))


اتصدقون الولد من امس الين اليوم منهد وماله بارض يسوي شي كله يصيح وانا وياه اصيح .. والحمه ذابحته اعطيه ادوول عقب ساعتين تردلة مرة ثانية .. مب عارفة شو اسوي ..

انا ادري ان الزكام فايح هاليومين .. بس ما يهون عليه اشوف ولدي بهاي الحاله .. قولولي شو اسوي .. طوول الوقت اقرى عليه .. واصيح