من اللي تجهز السمبوسه والسبرينغ رول قبل رمضان وتحتفظ به ؟؟ممكن افكاركم وطريقتكم؟؟

م

ملاذ الحب

مشرفة سابقة

23-09-2005 | 04:57 AM

[frame="4 80"] السلام عليكم ورحمة الله وبركاته

شخباركم ان شاء الله بخير

ماباقي شئ على رمضان وان شاء الله يهل علينا والكل بخير يارب وسعاده
وربي يقبل صيامنا وصيامكم اللهم ااامين

حبيباتي
بغيت كل وحده تقول لنا اكلات او خفايف مثلا او حشوات ممكن نخزنها بالفريزر لين رمضان
يعني نسويها من الحين ونحتفظ بها في الثلاجه لين رمضان وعلى طول نقليها
مثلا السمبوسه واشلون حشواتكم
او السبرينغ رول واشلون طريقتكم له
ووو مثل هالنوعيه من الاكلات السهله اللي ممكن نسويها قبل رمضان
علشان ماتاخذ منا وقت وبس كلها نقليها وخلاااص

كل وحده تقول لنا ايش اللي تسويه قبل رمضان [/frame]

م

ملاذ الحب

مشرفة سابقة

23-09-2005 | 05:21 AM

جبت لكم طريقه سهلة جدا لتحضير طبق لشهر رمضان المبارك وهذا الطبق ينفع اذا عندكم ضيوف والحلو فيه انه واااااااااااااااايد سهل تقدرين تلفينه وتجهزينه قبل الموعد بيوم وتحطينه بالثلاجة ويوم الموعد تقلينه.وعلى مااعتقد يصير تحطينه في الفريزر بس انا ماجربت.

المقادير
باكيت جبن برايد مبشور(لازم برايد) إذا حطيتي غيره ماينفع
ذره حلوه معلبه حجم وسط
حبة فلفل حلو مقطعه شرائح مستطيله وضعيفه
اربع ملاعق زيتون اسود مقطع
كيسين من عجينة السبرنغ رول40 حبة يمكن 3 اكياس يعني 60 حبه

الطريقه
ضعي المقادير ماعدا العجينه في( مله) طاسه كبيره واخلطيهم
ضعي مايقارب ملعقة اكل ونصف من الخليط في وسط شريحة عجينة السبرنغ رول ثم لفي العجينه والصقيها بخليط الماء والطحين.
اكملي الباقي بنفس الطريقه
ثم اقليهم في زيت عميق
وقدمي الطبق ساخنا ويمكن تقديمه باردا بشرط انه بعد القلي لا تصفينهم فوق بعض صفيهم جنب بعض الى ان يبرد حتى لا تصبح العجينه لينه بل مقرمشه ولذيذه
وبالهنا والشفا
وكل عام وانتم بألف خير

لقيت وانا اتصفح القسم هالاكله سهله وحلوه بس تنفع اني اجهزها قبل رمضان

و

وردة المدينة

مشرفة سابقة

23-09-2005 | 05:59 AM

السلام عليكم

ماباقي شي على رمضان وان شاء الله يهل علينا والكل بخير يارب وسعاده وربي يقبل صيامنا وصيامكم اللهم ااامين

اختي الحبيبة انا السمبوسه لما احطها في الفريزر احشيها باللحم والبقدونس بس.

اختك:

وردة (f) المدينة

م

ملاذ الحب

مشرفة سابقة

23-09-2005 | 06:34 AM

ياهلا بورده المدينه
شكرا على المرور
حبيبتي اللحم مايخترب يعني لو تم مده في الفريزر

w

ward alsham

عروس رائعة

25-09-2005 | 10:52 AM

ملاذ الحب:
جبت لكم طريقه سهلة جدا لتحضير طبق لشهر رمضان المبارك وهذا الطبق ينفع اذا عندكم ضيوف والحلو فيه انه واااااااااااااااايد سهل تقدرين تلفينه وتجهزينه قبل الموعد بيوم وتحطينه بالثلاجة ويوم الموعد تقلينه.وعلى مااعتقد يصير تحطينه في الفريزر بس انا ماجربت.

المقادير
باكيت جبن برايد مبشور(لازم برايد) إذا حطيتي غيره ماينفع
ذره حلوه معلبه حجم وسط
حبة فلفل حلو مقطعه شرائح مستطيله وضعيفه
اربع ملاعق زيتون اسود مقطع
كيسين من عجينة السبرنغ رول40 حبة يمكن 3 اكياس يعني 60 حبه

الطريقه
ضعي المقادير ماعدا العجينه في( مله) طاسه كبيره واخلطيهم
ضعي مايقارب ملعقة اكل ونصف من الخليط في وسط شريحة عجينة السبرنغ رول ثم لفي العجينه والصقيها بخليط الماء والطحين.
اكملي الباقي بنفس الطريقه
ثم اقليهم في زيت عميق
وقدمي الطبق ساخنا ويمكن تقديمه باردا بشرط انه بعد القلي لا تصفينهم فوق بعض صفيهم جنب بعض الى ان يبرد حتى لا تصبح العجينه لينه بل مقرمشه ولذيذه
وبالهنا والشفا
وكل عام وانتم بألف خير

لقيت وانا اتصفح القسم هالاكله سهله وحلوه بس تنفع اني اجهزها قبل رمضان

[grade="00008B FF6347 008000 4B0082"]

هلا ملاذ

بالنسبة للطبق اللي ذكرتيه ممكن تخزينة بالفريزر لرمضان وعادي تقلينة

اللهم بلغنا رمضان وأعنا على الصيام والقيام

اللهم آمين [/grade]

w

ward alsham

عروس رائعة

25-09-2005 | 10:53 AM

وردة المدينة:
السلام عليكم

ماباقي شي على رمضان وان شاء الله يهل علينا والكل بخير يارب وسعاده وربي يقبل صيامنا وصيامكم اللهم ااامين

اختي الحبيبة انا السمبوسه لما احطها في الفريزر احشيها باللحم والبقدونس بس.

اختك:

وردة (f) المدينة

[grade="00008B FF6347 008000 4B0082"]

وبالنسبة لسؤالك عن اللحم عادي ما يخترب لأنه بالفريزر مش بالثلاجة

سوري جاوبت عنك وردة المدينة [/grade]

w

ward alsham

عروس رائعة

25-09-2005 | 11:07 AM

[grade="00008B FF6347 008000 4B0082"]

إن شاء الله الحين بقولكم ايش جهزنا لرمضان

أختي الله يحفظها راحت الجمعية تشتري الأغراض مثل السبرنغ رول والسمبوسة والمقادير

وكانت وااايد تعبانة فقلت لها خلاص روحي ارتاحي وأنا أجهزهم <<<<<< طمعانة بالأجر افطار صائم

المهم أول حشو كان عبارة عن

سمبوسة الجبن

جبن برايد + جبنة نابلسية + بقدونس + حبة البركة

خلطت المقادير مع بعض وأخواتي الله يحفظهم قاموا يحشو السمبوسة

ثاني حشو كان عبارة عن

سمبوسة اللحم

قطعت بصل ناعم وقلبت فيه اللحم المفروم ووضعت عليه الملح والبهار

وسلقت بازيلاء ووضعتها على اللحم وقلبته شوي وغطيته وكان جاهز للحشو

ثالث حشو كان عبارة عن

سبرنغ رول دجاج المسخن

سلقت الدجاج وفسخته وقطعت بصل وقلبته بزيت زيتون

وبعدين وضعت الدجاج المفسخ فوقه

ووضعت ملح وسماق

غطيته شوي وكان جاهز للحشو

رابع حشو كان عبارة عن

سبرنغ رول الخضروات والدجاج

سلقت دجاج وفسخته + بطاطا قطع صغيرة جداً مسلوقة + مشروم مقطع +

ذرة مسلوقة + بازيلاء مسلوقة + جزر مبشور + شوي كمون وملح وكاري

وكانت الخلطة جاهزة للحشو

وطبعاً جهزت طبق الطحين والماء حتى نقدر نغلق حبات السمبوسة والسبرنغ رول

وجهزناه بأكياس ووضعناه بالفريزر

أيضاً الوالدة الله يحفظها جهزت الكبة وورق العنب ووضعناه بالفريزر

ما شاء الله هذي كانت تجهيزاتنا لرمضان

وكل عام وأنتم بخير
[/grade]

:smile::smile::smile:

r

reme_reme

عروس مبدعة

25-09-2005 | 07:35 PM

شو هو جبن برايد مبشور؟؟؟؟؟؟؟؟؟؟؟؟؟؟؟؟؟ما اعرفة

ا

الدانـــــه

مشرفة سابقة

26-09-2005 | 12:56 AM

أيه والله حتى أنا ما اعرف شنو جبن برايد ؟؟؟

يا ريت توضحوون لنااا

ونكون شاكرين لكم

أختكم الدانه

س

سليق

عروس نشيطة

26-09-2005 | 01:10 AM

البرايد زي جبن كرافت الاصفر معلب بعلبه زرقا معدن
هذا الي اعرفه اتمنى اني صح

و

ولــــWALAHــــه

عروس رائعة

26-09-2005 | 01:19 AM

ياليت تكثرون من ها المواضيع لاني السنه هاذي امي موصيتني على المطبخ اول مره ادخله في رمضان فابغا الكل يشجعني عشان يدعولي وهم يفطرون مش يدعون علي

و

وردة المدينة

مشرفة سابقة

26-09-2005 | 04:13 AM

السلام عليكم

مشكوره اختي Neama على الرد وانا وانتي واحد .

اختك:

وردة (f) المدينة

ا

الانوار

عروس مشرقة

26-09-2005 | 09:27 AM

مشكووووووووووووووووووووورين جميعا
واحسنتن على الافكار الرائعة

م

مناهل78

مشرفة سابقة

26-09-2005 | 09:44 AM

آنه جهزت حشوتين بس، الحشوة الأولى سبرنج رول بالخضار ( ملفوف+بصل+ فلفل بارد+ جزر مبشور) تقلينهم شوي بالزيت وبعدين تحطين عليهم واحد ماجي وصويا صوص وتلفينهم بالسبرنغ رول...

الحشوة الثانية سبرنغ رول بجبنة كيري والزعتر

جهزت بيتزا ( تسوين عجينة البيتزا وتصفينها وشوية صلصة الطماط م عليها وتدخلينها الفرن) لما تبرد حطيها بوعاء بلاستيك بالفريزر ولما تقدمينها خلي عليها الخضروات وجبنة الموزريلا...

أمي الله يسلمها عملت سمبوسة جبن وعطتني منها..

طبع آنه آفطر مع الأهل في بيت جدي وزوجي يروح عند أهله وهذه الأكلات نسويها لما نكون بروحنا عل التاسعة أو العاشرة...

اللهم بلغنا رمضان وأعنا على الصيام والقيام...

م

مناهل78

مشرفة سابقة

26-09-2005 | 09:51 AM

بنات سمعتوا عن سمبوسة البيتزا ( عادي أخذي صلصة البيتزا مع خضار البيتزا زلفيهم بورق سمبوسة وأحتفظي بالفريزر) ناوية أسويها إنشاء الله....

r

reme_reme

عروس مبدعة

26-09-2005 | 11:39 AM

جبن برايد هل المقصود فية جبن شيدر ابو العلبة الزرقاءءءءءء؟؟؟؟

خواتي اتمني تردون علية
والسموحة

م

مرموم

نائبة المشرفة العامة

26-09-2005 | 02:37 PM

السلام عليكم ورحمة الله وبركاته

أختي ملاذ الحب...

شوفي هذا الموضوع...بيساعدك إن شاء الله...

من هنـــــــا

م

ملاذ الحب

مشرفة سابقة

26-09-2005 | 07:51 PM

ياااااااااااااهلا بخواتي الطيبات
الف الف شكر لكم ولمعلوماتكم الرائعه والله استفدت منها وايد

والف شكر حبيبتي نعيمه على الحشوات والخبره الحلوه في الحشو
استفدت وايد وكلهم طبعتهم وراح اسويهم على يوم الخميس
فشكرا اختي الغاليه وناطرين المزيد والمزيد من هالاشياء

وبخصوص ورق العنب اشلون سووتوه وماراح يخترب لين رمضان

اختي مرموم
شكرا على الرابط ويعطيج ربي الف عافيه

واشكر كل وحده قالت عن حشواتها وناطره المزيد

م

مالي مثيل

عروس نشيطة

26-09-2005 | 08:18 PM

بالنسبه لحشوة البيتزا انا اسويها بس بدون صلصه

يعني مكعبات طماطم بس من النوع القاسي "الجامد"

فلفل رومي مكعبات +علبة فطر شرائح + زيتون اخضر او اسود او الاثنين شرائح +

علبة جبن كرفت المتوسطه مبشوره + كيس متوسط مزرولا مبشوره +

رشة زعتر للنكهة

بعدين احشي فيها السبرنق رول

واحتفظ فيها بالفريزر واقليها وقت الحاجه والبعض يحشي فيها الفطائر تكون على شكل نصف دائره كبيره شوي بس الفطائر لازم

تدهن بصلصة البيتزا بعدين تحطين الحشو

بالنسبه للسمبوسه انا احشيها باللحم والكزبره وبالبهار ومكعبات بطاطس صغيره مسلوقه

الوالده الله يخليها تسويي حشوة خظار رهيبه اباخذها منها ابجربها هاذي السنه بعد عجينة السنبوسه البف ابجربها في الفريزر

افكر بعد اسوي المنتو الكذاب وافرزه وبعد الكبه هاذولي ما قد سويتهم قبل

الحين ابغيكم تعطونا احسن الافكار للتفريز عشان ينجح واطول مده ممكن نخلي فيها المعجنات بالفريزر

بعد شو انجح عجين للبيتزا بالفريزر خبروني عشان اجربها

م

ملاذ الحب

مشرفة سابقة

26-09-2005 | 09:09 PM

مشكوره حبيبتي على الحشو وانا بعد سؤالي نفس سؤالج