فستان العروس.. ما هو مصيره بعد الزفاف؟

سلام .. والله انا لسى ما تزوجت بس انا معظم اهلي بعد الزواج يحطوا فستان الفرح في محل معين بحسث انه فتاة اخرى ( مو قادرة تجيب فستان فرح) تلبسه بشرط انها ترجعه بعد الفرح علشان غيرها يستفيد منه وطبعا يكون ببلاش يعني ما ناخد عليه فلوس وانا اعتقد اني حعمل كده في فستان فرحي علشان ان شاء الله ربنا يكتب لنا اجر

فكره حلوه اختي M_rose_M

يزاج الله خير على المشاركة.. بس لو توضحين وين يحطون الفستان؟ في محل بيع فساتين ولا في مكان ثاني؟

خوانى السلام عليكم ورحمة الله وبركاته

بصراحة اختى روح الأمل فكره موضوعج وايد حلوه
بالنسبه للى أعرفهم وخواتى كل وحده منهن عقب العرس تيهم طلبات من بنات بعد ماشافوا الفستان في العرس لتأجير الفستان
وطبعا يتأجر الفستان وتطلع قيمته وأحيانا بزياده على قيمته
وأنا أفكر جذيه أسوي

هلا اختي روح الامل انا اخلي يحطوا الفستان في محل خياطة و يكون معروض في المحل واي بنت حابة تلبسوا تتفق مع صاحبة محل الخياطة :)

بالنسية لفكرة عنقاء انا عندي اقتراح عليها ليه ما يكون الفستان باجر معقول والفلوس اللي تيجي من تاجير الفستان يكون تبرعات يعني مو صاحبة الفستان اللي تاحد الفلوس كدا ضربنا عصفورين بحجر ساعدنا عروسه مو قادرة تجيب فستان فرح وتاني ساعدنا غيرنا من المحتاجين هدا رائي والله يساعدنا على فعل الخير :)

شكرا لك اختي على هذا الموضوع

لكن ما تلاحظون ان فستان الزفاف يتجدد كل ستة اشهر تقريبا
والافكار تتغير من جذي الوحده منا من حقها تسوي فستان ليها فخم لكن حرام بينقط في الكبت والناس بتقول راحة موضته شالفايده لذلك انصحكم بان تسون ليكم فستان اجار من احدى المحلات المختصه اذ توجد محلات عندنا على مستوى وتطرح افخم واحلى الموديلات ويستقبلون افكاركم واذا تبغي العروس ان هي تلبسه اول لبسه يسون ليها هذه الفكره عندي افضل من التفصيل على حسابك الخاص اذ هم سيستثمرونه ويطورون فيه ....
اتمنى ان تعجبكم الفكره
تراني بسويهااااا....
تحياتي

هلا بنات

انا عندي الحل...
الحين معظم المصممين يصممون ويفصلون فستان للعروس ، وبعد العرس العروس ترجعه للمصمم وهو بدوره يرجعلها نص سعر الفستان...

مثلا اذا الفستان كلف 30 الف درهم ، العروس بتقوم بارجاعه للمحل وتسترد 15 الف...

هلا اختي العنقاء..
ومشكوره على مشاركتج.. وفكرتج وايد حلوه ان البنات يأجرون من بعض.. بس لا تطلعون بالاسعار ;)

هلا فيج اختي M_rose_M.. اقتراحج وايد حلو.. ممكن نأجر الفستان بسعر أقل وثمنها يروح للتبرعات ومشروع يفيدنا دنيا وآخره..


هلا اختي سمر.. مشكوره على مشاركتج.. وصدقتي غابت عنا هالنقطة ان الموديلات في تجدد.. في نفس الوقت بعض الموديلات البسيطة الأنيقة.. تظل رائدة..
تدرين أنا فكرت أأجر فستان.. بس الفساتين الحلوه أسعار إيجارها بالآلاف.. والله يعور القلب تدفعين هالكثر على شي تلبسينه ساعتين أو ثلاث بالكثير.. عشان جيه احترت..

هلا اختي shamsa .. مشكوره وايد على مشاركتج.. فكرة نص الثمن يرجع حلوه ويديده علي.. لو تعطينا أسامي هالمصممين.. بس 30000 واااااايد الصراحه.. حتى لو ردوا 15000...

بنات نبا أفكار واقتراحات وآراء أكثر.. نبا نحل مشكلة فستان العروس..

وخلونا نفكر قبل التفصيل أو الإيجار أو الشراء ان هالفستان راح نلبسه ساعتين أو ثلاث فقط.... ونحاول نقتصد فيه قدر الامكان

اختى العزيزه روح الامل

بالنسبه للمصممين اللى يتعاملون بطريقة انج اتفصلين فستان ايديد وتلبسينه وترجعينه له يعنى كأنج إمأجرتنه وترجعينه للمصمم بعد العرس تقريبا معظم المصممين ايسوين هالشي ممكن اتلاقينهم في شارع المصممين اللى في الرقه مثل ( فيرارا ) والمصمم لبنانى إسمه
( إلـــــــي) وبصراحه شخص واايد طيب ومتعاون وشغله واايد حلو جربوا اتسيروله وأسعاره واايد اوكي

هلا روح الامل ...
انصحج بمحل كوتورز في الرقة قريب عن فيرارا ويارا ، ترى عندهم هالنظام وتصاميمهم فوق الراقية، وعن الاسعار انا عطيتج مثال مب شرط 30 الف، صديقتي سوت عندهم ب20 الف وردوا لها عشرة الاف...

العنقاء: هو مثل الايجار بس الفستان جديد و على ذوقج

هلا والله خواتي العنقاء وshamsa

مشكورات وايد على المشاركه.. سجلت أسماء المصممين.. وبنمر عليهم ان شالله..

يزاكم الله ألف خير..

باقي البنات ماشي أفكار ثانيه لفستان العروس؟ وحده من الخوات قالت انها فصلت فستانها في مشغل عادي وبثمن معقول وطلع كأنه شغل مصمم... منو جربت هالحركه؟ ووين هالخياطين اللي يضبطون؟

نتريا الردود..

بما انكم اغلبيتكم من الامارات الحبيبة....حبيت افيد خواتي اللي بالكويت

وهو انه اتيليه رشا شيك ياجر فساتين عرايس رووووووعه لمصممهم زياد.. وبعد فيه ايتليه برستيج مصممهم تصاميمه قمه وراقيه

وانا عن نفسي ما خيطت فستان اجرت من عند رشا شيك...

والله فكرة الترجيع مره حلوه بس ما تتوفر في كل البلدان

للأسف

فستاني مال العرس مركون

مع إنه وااايد حلو ..وااايد تعبت فيه..ووااايد خسرت فيه

لكن شا سوي ؟؟

هلا اختي عروب حياج الله.. ومشكووره وايد على مشاركتج.. والموضوع لكل الاعضاء.. وفستان العرس هم الجميع..

هلا فيج اختي فستتان.. أكيد بتلاقين محلات تأجر فساتين عندكم.. بس دوري وان شالله تلاقين..

هلا اختي المزيونة2000... حاسه فيج والله.. اختي اللي تزوجت من عشر سنوات فستانها وايد فخم وغالي.. وللحين في الكبت.. والأغلبية جيه.. انزين شو تنصحينا نسوي عشان نتفادى هالغلطه؟

وممكن تأجرين فستانج عن طريق ربيعاتج.. اعرف بنات وايد أجروا فساتينهم من ربيعاتهم أو أهل ريبعاتهم.. وبألفين والفساتين وايد فخمه.. شو رايج تسوين هالحركه؟

شوو رايكم في فكرتيه ...انو كل وحدة تحتفظ بالفستان مالها ...عشان اذا فكر زوجها يتزوج تعطيه زوجته الجديده :p ...و بهالشكل ما تخسر فيه

ياريت يا روح الأمل أقدر أسوي جي

الظاهر بسوي إعلان في المنتدى ;)

يالله الله كريم
:)

بسم الله الرحمن الرحيم
السلام عليكم ورحمة الله وبركاته
شكراً لصاحبة الموضوع ، والله الموضوع حلو ، انا مخطوبة مب متزوجة ، وفستان خطوبتي كان كلش فخم ، فخطر لي ان اجر الفستان والفلوس الي احصلها منه اخليها عشان اشتري لي فيها اغراض الى الزواج :)
شنو رايكم ؟
تحياتي
عروس قمر .

هلا بنت المنصوري.. فكرة وايد حلوه بس ابدي انتي فيها;) .. وإذا نجحت وياج... خبرينا بالنتايج :confused:

هلا اختي المزيونه2000.. خبري ربيعاتج وبنات عمج مثلاً.. وهم اذا يعرفون وحده بتعرس بيخبرونها ان شالله..

هلا اختي عروس قمر.. العفو الغاليه.. والشكر لكم على مشاركتكم.. وعن فستان الخطوبة فكرتج وايد حلوه.. تقدرين تعطينه محل ثقه يأجره لج أو انتي تأجرينه لبنات تعرفينهم.. والله يوفقج ويوفقنا في التجهيز للعرس..

بانتظار باقي البنات والأفكار الحلوه..

لالالالالا انا ما تنفع معايه;)الله يخليلي زوج المستقبل ...و انشالله ما راااح اخليه يطالع اي وحد ثانيه(a)