ساعدوني يا أمهات

عليكم السلام والرحمة,,

ما حبيت اطلع من الموضوع بدون ما اسلم عليج..

واكيد كل ام تتمنى وليدها يتطور بسرعة .. يحبي بسرعة ..يمشي بسرعة.. يتكلم بسرعة..

بس كل طفل وله خصائصه اللي تميزه عن غيره ..

مو معقول لأن ولد صديقتي مشى وعمره سنة ان طفلي بالضرورة لازم يمشي بنفس العمر...

ودام انها توقف بروحها الحين يعني بتمشي قريب ان شاء الله ..

ولدي للحين ما مشى رغم انه شارف على اكمال السنة...

وابداً ما افكر في الموضوع...
رغم ان فيه يهال ما شاء الله عليهم ما يكملون التسعة شهور الا وهم يركضون ههههههههه

بس مثل ما قلت لج كل طفل له طبيعته الخاصة..
وبالنسبة لبنتج ولو انها تأخرت عن معدل المشي لدى الاطفال لكنها لا زالت في الحد الطبيعي...

ولد اختي البكر ، مشى وعمره سنه واربعه شهور.... تخيلي هههههههههه
واكيد فيه حالات مثل بنتج وولد اختي..

نصيحتي لا تحاتين ، وان شاء الله بنتج بتمشي متى ما الله راد لها...
عاد بعدين بتصيحين بتقولين يا ريت بعدها ما مشت ..
بتخليج تمارسين رياضة الجري وراها هههه


الله يخلي لج بنتج واسمحيلي ..

الله يجزاج ألف خير أختي ويخلي لي لج عيالج وعيال أختج :)

بالفعل كل طفل ورغباته وتطوراته..
لا تجبرين الطفل على شي.. خليه يسوي الشي الي يريحه انتي بس شجعيه وكلما وقف والا شي عطيه حلاوه والا بسكوت يعني حمسيه بيعرف انه هالشي يفرحج وبيحصل شي من وراه.. ف بيتشجع اكثر واكثر..
وباذن الله بيمشي ولا تحاتين ولا شي.. الطفل يخاف لما يقوم ويوقف لوحده يحس انه في شي غريب..
فلا اتحاتين ان شاء الله خير..





مواضيع التي كتبت بواسطتــــــــي أو بواسطة أي عضو.. أتمنى ذكر المصدر عند النقل للأمانه..
مواضيع أم سعيــــــــــــــــــــــــــــدهـ
Copyright © 2005=2006 3roOs.com

طبيعي...دام انها توقف بتمشي قريب لا تستعجلين عليها ...بتتعبين بعدين وانتي تراكضين وراها

تسلمون حبيباتي والله يجزاكم ألف خيررر