هل الحناء مضر للحامل ؟؟

وعليكم السلام والرحمه..

هلا الغاليه هو الصراحه ماعرف يضر ولا بس انا اللي اعرف انه قوم امي كانوا يحنون شعورهم بالحنا وهم حوامل بس حنا الباطنه...

واسمحيلي يمكن ما فدتج بشي..

ما اظن ان يضر ... لانه نحني يدينا يوم نحن حوامل ... وما يضر ؟؟؟؟!!!

اذا الحنة طبيعية 100% ما تضر ان شاء الله

.. بس حنة الصالون ما يشجعون فيها لأنها فيها مواد خصوصا أول ثلاث شهور ... أنا تحنيت مرة بالخامس و مرة بالسابع .. عشان عندنا عرسين ..

بس شعري أنا تقريبا كل شهر و نص احنيه ..بس أنا أسوي الحنة بالبيت و أحطيه بروحي .. فعشان جيه مطمنة

انتي تقدرين اتسون الحنة بالبيت و تودينها وياج الصالون يحطونها على شعرج

و مرة أنا قريت في المنتدى انه وحدة حامل و الدكتورة قالت لها لا تتحنين أخر ثلاث شهور لأن احتمال يسون لها قيصرية .. بس هيه كانت تتكلم عن حنة الصالون

و الله أعلم

تحني بحنه طبيعيه ....

لأن مالت الصالون فيها شكثر كيماويات تأثر عالياهل....

وبالتوفيق

هلا حبيبتي

حناء البيت ما فيه اي مضره

اعجني الحنا في البيت و خذيه للصالون

انا اقول اتكلي على الله وتحني بس لايحوشج برد "اذكر جدتي الله يرحمهاا كانت تدفي الحنه لنا علشاان مانبرد"
ولا تخلينهاا واايد على راسج حطي معاها بن يعطي لون غامج وحلو وانشاء الله مافي الى العافيه


تصدقين اول حملي تعبت واايد واايد من كل مرة اسمع شي الي يقول مو زين والي يقول هذا وكلهم عقدوني يعني حتى الارنب قالولي مو زين تطالعينه وتحكين جسمج وانا كنت بموت على روحت حديقة الحيوان خخخخخخ حتى الحنه مثلج شكيت فيهاا.........خخخخخخ اول مرة حمل لا تلوموني

بس ترى صاارت عندنا فكره احم احم..

نصيحتي لج لاتتحنين لان الحناء يساعد على نزول الدم
الاولين اذا ماجاتهم الدوره يحنون شعرهم
وفي وحده من اهلي تحنت وهي حامل ونزل عليها دم

انا من راي تسالين امك اول واسالي الدكتوره كمان
لكن اعتقد انه ما فيه اي شي انا حنيت وانا بالثاني وما صارلي اي شيء الحمدلله وانا اللحين بالسادس كل شيء طيب
ولا تنسين ان الحنا سنه واي شيء سنه ما يضر باذن الله
توكلي على الله فمن توكل على الله فهو حسبه