الله يجزيها خير الى بتعلمني مستشفى زين علشان اسوي عمليه الغدة الدرقية لانه عندي تضخم؟

عزيزتي أساور

في البداية ألف لا باس عليج و الله ينعم عليج بالصحة و العافية بإذنه تعالى

مدري إنتي من أي بلد ولكن لو إنتي من الإمارات فنحن عندنا الوالدة - الله يطول عمرها - كانت مصابة قبل سنتين بورم في الغدة الدرقية، و كانت تراجع بمستشفى توام بالعين ، و عملت عملية استأصلوا لها الورم و الغدة ، و العملية نجحت نجاح كامل و لله الحمد وعملوا لها عملية تجميل عشان لا تبين آثار العملية على الرقبة و فعلا في البداية كانت فيه آثار بسيطة لكن الحين اختفت بنسبة 90%
و كل شهر تتابع عندهم و ما فيها الا العافية و الله يديمها عليها وعلى كل مسلم..

يعني إذا بتراجعين في مستشفى توام بالعين توكلي على الله لأن علاجهم ممتاز

هذا من تجربتنا و طمنينا عنج

السلام عليكم ورحمة الله وبركاته

أختي الغالية أساور

سلامتك ألف سلامة أسأل الله العظيم رب العرش العظيم الشافي المعافي

أن يشفيك ويعافيك أنت وجميع مرضى المسلمين

أختي الغالية ema_uae

ألف الحمد لله على سلامة الوالدة

ربي يحفظها ويبارك لها في صحتها وعافيتها ويبارك لكم فيها

اللهم آمين

تحيتي لكم

أختي الغالية ema_uae شحالج عساج بخير وألف حمدلله على سلامة الوالده وتستاهل كل خير سبحان الله ياختي الغاليه أنا من العين وصراحه اتروع اسويها في مستشفى توام كل الناس خوفوني منه بس كلامج طمني الغاليه وما ايصيبنا إلا إلى الله كاتبه بس الغاليه اتعرفين اسم الدكتور الى سوالها العمليه يمكن الدكتور التاجي لان كل الناس يمدحونه هو الوحيد في توام وعلى العموم الله يزيج خير ويعله في ميزان حسناتج والله يطول عمر الوالده ويسلمها من كل شر يالغاليه مشكلتي أنا الغده قامت اتخنقني واحس انى اختنق وبموت وخاصه لما انام ومستويه عصبيه بالمره والله العظيم غير انها مأثره على قلبي وايد وخايفه من العمليه لان ناس وايد قالوا لى لازم ايكون دكتور شاطر ولا بيختفي صوتج لان الغده تحتاج لدكتور شاطر علشان الاحبال الصوتيه على العموم الله لا يبلي الصديق فيها ويشفى جميع مرضى المسلمين ومشكوره حبيبتى والله انج ما قصرتي يا عمري والله يعطيج الصحه والعافيه

alina أختي الغاليه مشكوره وايد والله يجزيج خير على دعاج لى بالشفاء وجميع المرضى اللهم آمين
حبيبتي الله يكثر من أمثالج وما اقدر اقول الا الله ينعم عليج بالصحه والعافيه والسعاده انتي ومن اتحبين اللهم آمين