هالمره يبتلكم مستحضرات تجميل بس من ال body shop صراحه وايد روعه وبتنفعكم
خلونا نبدأ بالشدو الجديد اللي ييبنه في منه ب 3 أللوان ،،، وردي ونحاسي وازرق
هذا الشدو تقدرين تستخدمينه تحت الحاجب او كشدوا عادي يعني فوق العين بس لمعته رهيبه وانا مجربتنه (وسعره وايد حلو)
ويطلع ع العين بالطريقه هذي
وثاني مستحضر هو كريم اساس (يعطي البشره نضاره) تقدرين تستخدمينه بروحه أو تخلطينه مع كريم الاساس اللي انتي دايما متعوده تستخدمينه * أنا عن نفسي اخلطه مع كريم الاساس اللي يناسب بشرتيه (ملاحظة ترا لونه ابيض وبسرعه يندمج مع كريم الاساس) وايد حلو ،، وصدق يعطي نضاره للبشره خاصه وين الخدود اللي هي فوق منطقة البلاش
وثالث مستحضر للناس الي بشرتهم دهنيه وايد وتزيت حتى بعد كريم الاساس * مثلي :) هذا المستحضر مثل الجل حطيه قبل كريم الاساس ،، يمتص الدهون وما يخلي ويهج يلمع ،،، روعه
ورابع مستحضر هو عبارة عن بلاش بس باللمعه وفي منه 3 اللوان زهري وذهبي وابيض ،،، صراحه لمعته روعه ووايد ،، وتقدرين توزعينه ع كل الويه والرقبه وفوق البلاش الاساسي واللمعه تبين طبيعية وايد ،،، لان حبات اللمعه نفسها صغيره ،، صدق انصحكم تجربونه (خاصه للبنات اللي يحبون اللمعه)
وأخر مستحضر اليوم هو بلاش بعد بس من دون لمعه وع شكل حبات صغير ـــ طبعا تستخدمينه بالفرشاه ويبين طبيعي وايد
والسلام ختام
أتمنى انكم تكونون استفدتوا ( وهاي الاشياء ترا انا مجربتنها كلها ووايد نفعتني )
تحياتي
نورة التنورة
