هل النوم على البطن خطر وانا حامل ؟

بالنسبة للنوم على البطن
انا الكل يحذرني منه
لكن دكتورتي تقول عااااااااااادي نامي على كيفك
وكنت انام على كيفي فعلاً
بس مع تقدم الشهور وكبر البطن انت ماراح تقدرين بيصير النوم اجباري على جنب
الله يسهل علينا وعليك ويقومك بالسلامة ويرزق كل محروم
آمين

مثل ما قالت لك طولون

انتي بعدين راح تضطرين تنامين على جنب بسبب كبر حجم البيبي

الله يتمم لكم بخير ويسهل عليكم

هي وين ايام اول

عزيزتي انا كنت مثلك من وانا صغيرة وانا ما انام الا على بطني

وبعد الحامل كبر بطني وبعدي انام نوعا ما على بطني بس بعد ما وصلت الخامس وفوق صار


من سابع المستحيلات مثل ما قاولوا البنات اجباري انك بتغيري الوضيعة

وانا من الثالث ما صرت اعرف انام عدل لا على جنب ولا على بطن ولا ظهر صار عذاب بالموت انام على بطني

ومع تقدم الحمل صرت اكثر شي انام على ظهري وارتاح كثير مع العلم انه مضر بصحة الجنين

عموما انسب وضع للنوم على جنبك اليسار انا اول لما يقولوا كذا كنت اتسأل ليه بعدها عرفت

ان الرحم خلال زيادة حجمه يكون يتجه لجه اليمين اكثر علشان كذا يقولوا لك نامي على اليسار

وعلى الظهر صعب لان الرحم يضغط على اكبر وريد اورطي او شريان نسيت والله الي يغذي المشيمة

فيصير مايضخ الدم عدل للبيبي وينقص الاوكسجين

وان شاء الله اكون افدتك

تحياتي

انا كنت عادي انام على بطني لحد ما وصلت الرابع بحكم كبر حجم البطن اضطريت انام على جنب.. يعني شي غصباااااا عنا حبيبتي.

بناات متى يكبر حجم البطن ؟؟؟ في اي شهر تشوفين بطنج اكبرت؟؟

يعطيكم العافيه على المعلومات المفيده

البطن يكبر على حسب جسمك

انا لاني نحيفه كثير في الشهر الثالث بطني باين ما شاء الله


ووحده من البنات الي يشتغلوا معي انا قبلها بشهر وصلت الخامس وبطنها يالله انك تلاحظيه لانها عريضه


فمثل ما قلت لك على حسب جسم الوحدة

تحياتي

يعني اذا ضعيفه تكبر بطنها وايد اكثر من العريضه والمتينه؟

حبيبتي اذا كنتي ضعيفة البطن لما يكبر يكون ملحوظ بسرعة يبين


بس هذا مو معناه ان بطن الضعيفة يكون اكبر لان البطن يكبر ببطء في الخمسة الشهور الاولى

ومن السادس والسابع تتضاعف زيادة حجم البطن بس زي ما قلت لك مو شرط

انا وحده ضعيفة وبطني مثل ما قلت لك بين في الثالث بس الحين كملت التاسع والي يشوفني ما يصدق

الكل يقول بطني اصغر من 9 شهور

وياليت اكون قدرت اوصلك النقطة هذة

تحياتي

السلام عليكم ورحمة الله وبركاته

شكرا لكل الاخوات الغاليات على ردودهم

والله استفدت من خبراتكم

بس ترى اليوم كان عندي موعد مراجعه

وسألت الدكتور عن النوم على البطن في الاشهر الاولى

قال خطر جدا جدا ! يقول اكبر خطأ هو النوم على البطن وقت الحمل !

يقول افضل طريقه للنوم هي على الجنب اليسار

وبس

حبيت اقول لكم اللي صار معاي عشان تستفيدون ان شاء الله

وشكرا لكن مره اخرى

هلا أختي...
أنا مثلك تماااااااااما....لما أنام على بطني أصحا وأسفل بطني يعورني أحس بألم...وبعد كذا صرت أحط مخده على جنوبي عشان ما أنقلب على بطني وارتحت أصبحت وما يألمني بطني مو زي لما أنام على بطني ... والله يستر...
طيب سؤالي:
هل يسبب النوم على البطن إجهاض؟؟؟؟؟؟؟؟؟