لا أعرف كيف أكون إجتماعيه ؟؟ ساعدوني

نصيحتي لج انج تحاولي تكثرين زياراتج للاقارب والعائله خطوه بخطوه لحد ما تتعودين وسوي لهم عزايم عندج بالبيت بعد عشان تتعودين اكثر على الجو الاجتماعي

المساله بس مسالة وقتيه يبيلها وقت لحد ما تتعودين
اهم شئ تكون عندج الرغبه وترى كونج شخثيه اجتماعيه هذا زين لعيالج عشان ما ينحبسوا معاج وعشان يختلطوا بالناس

والله يا اختي نفس مشكلتي بالضبط ولكن نحاول التغير قدر الامكان واذا انتي ساكنه ابوظبي

بنتعرف على بعض وبنحاول انحل مشكلة المجاملات شو رأيك


سلااااااااااااام

شكرا

حبيبتي روز انصحك تروحين عند جاراتك وكوني عنهم فكرة وحاولي تكسرين الخوف من مواجهة الناس وكل مرة تخرجين فيها اكيد بيكون افضل من اليوم الي قبلة وبكذا تخرجين نفسك وعيالك من العزلة والحياة بدون ناس ماتنداس

وصانا الله ورسوله بالجااااااااااار ولك اجر كبير انشاء الله

اول شي لما تروحين لجاراتك اول مره

لا تتسرعين بذم شيء معين او اطلاق احكام او اراء بدون داعي

لانك لا تعرفين قد تذمين تصرف تقوم به احدى جاراتك

او مثل هذا الشي

في البدايه كوني مستمعه ممتازه

استمعي لجاراتك و اسأليهم عن انفسهم في حدود الادب

طبعا فكثير من الناس لا يحبون التدخل في خصوصياتهم خاصه من شخص

يلتقون به للمره الاولى او غير مقرب لهم

اقصد اسألي عن مثلا امور تهم الجميع مثل

الطبخ

الاطفال

و هكذا

اذا قالت احدى جاراتك شئ تختلفين معها بالراي لا تجادليها و

ترفضين رايها كل انسان حر برايه

لكن لو طلب منك التعليق على هذا الشئ قولي بادب

ان لكل انسان رايه و انا حقيقه رايي هو كذا و كذا

و رأي كل انسان يختلف على حسب اختلاف شخصيات الناس

كوني مبتسمه فالبسمه تفتح باب القبول لدى كل الناس

لا تمدحي نفسك او تفاخري بما لديك

لان هذا الشيء يسبب نفور الناس و تمللهم من مجلسك

اذا ذهبتي لجاراتك خذي معك طبق من الحلى او المعجنات

عشان ما تدخلين و يدك فاضيه و بالاضافه الى ان مثل هذه المبادره

تحبب الناس بك

هذا اللي فكرت فيه الحين ان شاء الله تكونين استفدتي

elmaha
عزيزتي أشكر لردك .. ولكني اخرج لأقاربي في حدود ضيقه جداً ..
اقصد اهلي والمقربين من اهلي .. واهل زوجي ومعارفهم ..
يعني ناس أعرفهم وعشت معهم فتره طويله ..

المشكله إني لما أقابل ناس غرب ما اعرفهم .. شلون اتكلم معاهم وأبدا الكلام .. واكسبهم ؟؟
انا لست خجوله ولا إنطوائيه بل العكس قبل زواجي كنت إجتماعيه ولي معارف لا يحصون
ولكني إستغنيت عنهم حتى لم يعد احد يسال عني وكنت لسنوات طويله سعيده ومرتاحه لما آلت اليه حياتي..

ولكني اليوم أريد الخروج .. ونسيت كيف اتكلم مع الغرباء وكيف أكسب ودهم وإحترامهم

اتمنى عودتك مره اخرى لو بخاطرك شئ تنصحيني فيه ..

دمت بخير ..

عروس الدنيا

يا هلا والله وغلا بك عزيزتي .. ولأسف انا من السعوديه ..
بس خليني فبالك اول ما يفتح الخاص عندي ارسلك إيميلي .. اتشرف والله بمعرفتك ..:)

تقولين إنك تحاولين قدر الإمكان .. ياليت تقولي اش تسوين لكسر هذا الحاجز
قد يفيدني بعض ما ستكتبيه هنا .. بإنتظارك عزيزتي

دمت بود

نظر عيني

تسلمين لي يا غاليه على النصيحه .. وصادقه إنه مع تكرار الزيارات سيكون اخف وطأه من الزياره اللي قبلها
وتدريجياً حرجع ز ي أول ويمكن احسن ..

بس مشكلتي الحين هذي الزياره الاولى شلون اتصرف .. ودي ارجع البيت وانا مبسوطه وماني متضايقه
وكونت لديهم صوره جميله عني .. صدقيني يمكن المشكله تكون تافهه عند البعض لكنها مهمه جداً بالنسبه لي

ويا هلا فيك .. لو اردت تشريف صفحتي مره اخرى :)

أم القوقو

يا قلبي عليك .. تسلميلي والله ..
نبهتيني لاشياء ما كانت في بالي .. مثلاً لما أرتبك واتورط بامر انسى الإبتسامه فلازم من الحين اتدرب على رسمها بعفويه على ملامحي .. والأمر الآخر ان لا امتدح نفسي وافاخر بما عندي لاني تعودت عند اهلي واهله اغلب حديثي يدور حول زوجي واطفالي
حبهم لي .. مواقفهم الطريفه .. و.. فلازم انتبه لعدم التطرق لمثل هذه المواضيع ..
بخصوص طبق الحلو .. فكره حلوه .. انا فكرت اخذ هدية لصاحبة البيت اللي تكون الجمعه عندها .. بس فكرة الحلى مره حلوه
إن شاء الله حسويها ..

ياليت ما تحرميني من أفكارك نصايحك .. :) .. طمعت فيك وش أسوي؟؟

دمت بود

وين العرايس .. بليز لا تنسوني ..

بإنتظاركم .. والله يرزقها الجنه اللي تساعدني وترد علي ..

دمتم بكل خير

اختي الغاليه مشكلتج نفس مشكلتي !!

انا صارلي ساكنه في هاي الشقه من سنتين ولليوم ما اعرف جارتي ولا شفتها ولا اعرف كيف شكلها يعني لو صادفتها بالشارع ماراح اعرفها :pain:

الحمدلله انه عندج جارات اجتماعيات ويدعونج لبيتهم فلازم تستغلين الفرصه وتجاملينهم ,,

نصيحه لا تتكلمين عن حياتج الخاصه وخصوصاً عن زوجك خلي كلامج عن الاشياء العامه وافضل الكلام ما قل ودل ..:smile:

أختي ،،،

انا اكون وايد متحفظه مع الاخرين ،،، عمل زوجي احيانا يجبرني اني اكون اجتماعيه،،، بس ابد مو مرتاحه ،،، لازم اوجب ،،، و لازم اشارك،،، و البي كل الدعوات ،،، و اذا ما لبيت لازم اعتذر ،،، و ادور عذر مقنع ،، و بعد في المره اليايه و العزيمه الثانيه من نفس الجماعه لازم ما اردهم ،، و اروح لهم ( عشان ما يقولون اني ماخذه موقف منهم ) ،،، و لازم في المناسبات هدايا ،،، وين عندي وقت للتسوق و الهدايا ،،، ولازم بين فتره و فتره اتصالات هاتفيه و مجاملات ،،،، حتى لو ما كان لج خلق حد،،، والله حاله ،، انا اشوف الانعزال وايد ابرك من هالالتزامات الاجتماعيه مع الاغراب ،، ساعات تكون وايد مرهقه،،، و مو كلهم من نفس الديانه،، كل تهنينه بعيده،، و كل يعزمج على زياره بلاده ،،

في البدايه كنت احرق وايد فيوزات،،، يعني اسلوبي كان وايد مو دايما اوكيه،،، بس مع الوقت تعلمت شو الي ينقال و شو الي ما ينقال ،،، و منو الي ينعطى ويه ،،،، و منو الي امر عليه مرور الكرام،،،

عن كسر الحواجز اختي انا ،،، ما استعيل على كسر الحواجز لأنها صعب ترد تنبني مره يديده،،، اول شي أتأكد من الي ورا الحاجز و تأثيره على حياتي و زوجي و عيالي،،،

و شكرا،،،،،،،،،،

انا والله يا اخت روز كما ذكرت سابقا اشعر وكانني انا الوحيده بالدنيا احس انه العالم اختفى ولكن حين اخرج من المنزل اشعر بالحياة ولكن للأسف الشديد انا وزوجي واولادي فقط عايشين بابوظبي واهلي في دوله ثانيه وليس عندي معارف ولا اقارب
ولا صديقات لاني ما بشتغل بالبيت وبدي استفيد من الكل لكسب صديقات عشان ما انسى الكلام بالمستقبل وشكرا للجميع

katkooota
يا هلا والله فيك عزيزتي .. وتأكدي إن نصيحتك حتكون في البال ــ إن شاء الله ــ

وإنت صادقه جاراتي إجتماعيات وحتكون فرصه لخروجي .. بس البدايه مخيفه شوي .،،
يعني انا ودي أعاملهم معامله حلوه حتى أكسبهم ويحبوا جيرتي .. وأدري إن رضا الناس غايه لا تدرك
ولكني املي في ان الأغلبيه توافق طباعهم طباعي فأجد من يعوضني عن سنوات الغربه عن الناس ومن يسليني ..

ومادام عندك جاره فهذا شئ طيب .. ليه تنتظريها هي تطل عليك إبدأي إنتِ بالزياره
أرسلي لها طبق من الحلى .. او لو قضيتي من السوق خضار وفواكه أرسلي لها .. ورمضان جاي ع الأبواب
فرصه تكون لك جاره تزورك وتزوريها ..

أعرف وحده من معارفي تقول تعرفت على جارتها وفي شهر رمضان تتفقا على الاطباق التي سيطبخونها .. وكل وحده تطبخ في بيتها وترسل لجارتها .. تقول الطبخ أصبح مسلي لان هناك من تساعدني وأساعدها ..

جربي وخبرينا اش سار .. مودتي

umnasser

يا غاليه .. ما تدرين قد ايش إستفدت من كلامك ..
تدرين كان همي شلون اكسبهم ــ مدري وش الطريقه ــ بس أبكسبهم
لكن خبرتك وجملتك الاخيره .. خلتني أفكر كثير ..

ياليت يا العزيزه تفيديني اكثر .. طرق التعامل مثلاً ..
الاخوات قالوا الإبتسامه .. وعدم الخوض في تفاصيل خاصه بل الكلام عموماً .. عدم التباهي والتفاخر بما عندي ..
إني ما أفرض رأي لي.. وغيره كثير ..

لو عندك زياده اتشرف بعودتك هنا ..

ووددي اعرف بعد شنو المواضيع اللي تدور حولها مجالس النساء .. الطبخ والأطفال ..فقط
لان خبرتي في الــTV شبه معدومه .. فمشكله لو كان مواضيعهم بخصوص برامج الــ TV !!

مودتي

عروس الدنيا

يا هلا فيك حبيبتي .. سعيده جداً لعودتك ..
وردي لك .. ليه ما تبدأي إنت تزوري اللي حولك .. يمكن تلاقي البعض ما يرد الزياره
وهذا امر وارد لكن لا تيأسي حاولي ..

وصدقيني انا من السعوديه وحولي كل أقاربي ومعارفي ولكن نحن من نفرض العزله والوحده على انفسنا ..
وطالما رغبتك صادقه في الخروج من هذا الوضع .. كرغبتي في إقامة علاقات إجتماعيه من جديد
صدقيني بإذن الله سننجح .. فقط نريد ان يكون لدينا عزيمه.. وادواتلهذ المهمه لننجح
وأقصد بالادوات هي الخطوات التي نسير عليها لنصل الى هدفنا ..

دمت بخير