السلام عليكم ورحمة الله وبركاته
الصراحه انا فعلا زايغه وحزينه..
سويت تحليل من اسبوعين وظهر عندي التهاب وفايروس بس ماعرف شو اسمه..ها الفايروس او الالتهاب خطير ع البيبي وقت الولاده..يعني الالتهاب في المهبل ويوم ينزل الياهل ممكن ينتقل للعين ويصيبه بالعمى ((الله لا قال))
المهم والحل الوحيد اني اسوي عمليه قيصريه..بس حبت تتاكد الدكتوره وسوتلي تحليل اليوم مره ثانيه لكن للاسف التحليل يتاخر اسبوع...يعني شو ضمني انا خلال ها الاسبوع مااربي..
المهم سرت سويت فحص في عياده خاصه (اوراس) وقالتلي الدكتوره هو فعلا في شي فايرس من ها النوع..والحل هو العمليه القيصريه وسوتلي تحليل لكن التحليل بيظهر باجر ان شاء الله وانا وايد زايغه..ادعولي دخيلكم ..ماابغي اسوي عمليه...وفي نفس الوقت زايغه ع بنتي..ابغيها تنزلي بصحه وعافيه ...
الله يستر لين باجر...
ماادري اذا حد سمع عن ها الشي ولا..؟؟
أنا فعلا زايغه ):
ا
18-09-2005 | 09:03 PM
y
18-09-2005 | 09:08 PM
انشاء الله خير تفاءلى خيرا وتوكلى على الله وادعى دايما ان ربنا يجعل ليكى ولابنتك السلامة والعافية وابقى طمنينى
ب
18-09-2005 | 09:10 PM
السلام عليكم ما تشوفين شر يارب ... أنا أول مرة اسمع عن هذا الفايروس ... ألحي في الدعاء يالغالية .. والله المستعان
ه
18-09-2005 | 10:06 PM
ان شاء الله ما فيك الا العافيه بس لا قدر الله واحنا مسلمين ونؤمن بقضاء الله واقول لا قدر الله لو في فايروس مثل ما يقولون وفيه خطوره علي البيبي فالمفروض تسوين الشئ الي في صالح البيبي وصالحك وتولدين قيصري عوار كم
يوم ولا عذاب طول العمر يا اختي وتكونين انت السبب لانك خايفه من الولاده القيصريه والله يسهلك ولادتك وتطلع التحاليل سليمه والله يريح بالك
يوم ولا عذاب طول العمر يا اختي وتكونين انت السبب لانك خايفه من الولاده القيصريه والله يسهلك ولادتك وتطلع التحاليل سليمه والله يريح بالك
ظ
18-09-2005 | 10:16 PM
مرحبا حبيبتى
الله يسهل عليج ان شاء الله
ربيعتى كان عندها نفس هذا الالتهاب والتحليل يتأخر لأنهم يسون شئ اسمه مزرعه
تعرفين كانت مفتوحه 7 سانتى وجاهزه للولاده الطبيعية ,,,,,,لكن ماتفاعلت مع الممرضه فى الدفع فنجبروا يسولها عمليه وبعد العمليه الدكتوره قالتلها زين ماولتى طبيعى هذا الالتهاب خطير على البيبى وممكن كان يسببله التهاب مزمن فى العين والحلق
والحمد الله على كل حال وسألى الدكتوره مره 2 احسن لتطمنين
والى الله رايدنه راح يصير حبيبتى
مابغى ازبغج بس اتوكلى على الله ...وادعى ان رب العالمين يلطف بيج وبمولودج
ع
18-09-2005 | 10:20 PM
أختي ..أنا سمعت انه اذا فيه التهاب ..يعطونج بنسلين بالوريد كل 8 ساعات عشان يروح
بس طبعا يسون لج تحليل الحساسية أول من هالدواء ..لأن في ناس يتحسسون منه
بس ماقالت لج شو سبب الفايروس !!
و أنا أقول لو تشربين عسل يقوي المناعة .. خذي مقويات المناعة يمكن يسير قبل الولادة .. و الله يحفظج و يحفظ بنتج يا رب
بس طبعا يسون لج تحليل الحساسية أول من هالدواء ..لأن في ناس يتحسسون منه
بس ماقالت لج شو سبب الفايروس !!
و أنا أقول لو تشربين عسل يقوي المناعة .. خذي مقويات المناعة يمكن يسير قبل الولادة .. و الله يحفظج و يحفظ بنتج يا رب
ل
18-09-2005 | 10:23 PM
الله يشفيج ويعافيج انشاء الله .....................لا تخافين غناتي الله بيسهلها عليج انشاء الله أتوكلي عليه
a
18-09-2005 | 11:22 PM
اختي بنصحج سيري عند الدكتوره زينب...هي عندها خبره طويله وبتعرف كيف تعالجك..
انا يوم كنت في اخر التاسع واستوالي فطريات مادري هل الفطريات مثل الفايرس ولا غيره...المهم سرت عند الدكتوره زينب وسوتلي غسيل بالخل في هذيك المنطقه وبعدها تحط شوي زيت الخروع...وعطتني تحاميل وقالتلي راجعي عقب اربع ايام...سرتلها بس الفطريات ماخازت ومثل ماهي...تمت تسويلي هالغسيل وعطتني تحاميل غير..وكنت يوميا اسيرلها ..والحمدلله خاز عني قبل ما اربي بكمن يوووم بس...
سيري عند زينب وما بتندمييين
الدكتوره زينب الشنار في شارع المكتوم...
والله يشفيج ان شاء الله
انا يوم كنت في اخر التاسع واستوالي فطريات مادري هل الفطريات مثل الفايرس ولا غيره...المهم سرت عند الدكتوره زينب وسوتلي غسيل بالخل في هذيك المنطقه وبعدها تحط شوي زيت الخروع...وعطتني تحاميل وقالتلي راجعي عقب اربع ايام...سرتلها بس الفطريات ماخازت ومثل ماهي...تمت تسويلي هالغسيل وعطتني تحاميل غير..وكنت يوميا اسيرلها ..والحمدلله خاز عني قبل ما اربي بكمن يوووم بس...
سيري عند زينب وما بتندمييين
الدكتوره زينب الشنار في شارع المكتوم...
والله يشفيج ان شاء الله
أ
19-09-2005 | 01:34 AM
يا رب تولدين بالسلامه انتي و البيبي يا رب بصحه و عافيه
ا
19-09-2005 | 08:18 AM
تسلمون خواتي ع ها الردود الطيبه فعلا رفعتوا من معنوياتي ..ويزاكم الله الف الف خير ويسهل عليكم
اتري النتيجه بعد كمن ساعه والله مارقدت من كثر الزيغه انا هب زايغه عسب اني بسوي عمليه او لا انا خايفه ع بنتي لانها اول فرحتي وفعلا عانيت وايد في الحمل وابغيها تظهر لي بصحه وعافيه وتعبي انا هب مشكله..
سبب ها الفاايروس..مش معروف بس يقولون ممكن يكون من المعاشره بس الحمدالله ريلي مافيه اي شي..او من مرحاض ملوث في اماكن عامه,,او من القرحه وانا مافيني القرحه..ماعرف والله شو السالفه..
وسالفة العلاج مافي حل وقت الحمل لاني مااقدر استخدم اي دوا..
بس لما ابغي احمل مره ثانيه احاول اتجنب ها الشي باني اخذ دوا خلال شهر قبل الحمل عشان يجنبني ها الشي..
والله كريم..يالله بيصير اللي الله كاتبنه..
الله يرزق كل محروووم ان شاء الله.
اتري النتيجه بعد كمن ساعه والله مارقدت من كثر الزيغه انا هب زايغه عسب اني بسوي عمليه او لا انا خايفه ع بنتي لانها اول فرحتي وفعلا عانيت وايد في الحمل وابغيها تظهر لي بصحه وعافيه وتعبي انا هب مشكله..
سبب ها الفاايروس..مش معروف بس يقولون ممكن يكون من المعاشره بس الحمدالله ريلي مافيه اي شي..او من مرحاض ملوث في اماكن عامه,,او من القرحه وانا مافيني القرحه..ماعرف والله شو السالفه..
وسالفة العلاج مافي حل وقت الحمل لاني مااقدر استخدم اي دوا..
بس لما ابغي احمل مره ثانيه احاول اتجنب ها الشي باني اخذ دوا خلال شهر قبل الحمل عشان يجنبني ها الشي..
والله كريم..يالله بيصير اللي الله كاتبنه..
الله يرزق كل محروووم ان شاء الله.
ا
20-09-2005 | 11:23 AM
السلام عليكم..
هلا خواتي اشحالكن؟؟
الحمدالله البارحه ظهرت النتيجه وماظهر عندي شي بس للاسف ظهر انه كمية الماي قليله....):
الله يستر..
هلا خواتي اشحالكن؟؟
الحمدالله البارحه ظهرت النتيجه وماظهر عندي شي بس للاسف ظهر انه كمية الماي قليله....):
الله يستر..
ع
20-09-2005 | 01:54 PM
الحمدالله رب العالمين ....... ربي يحفظج من كل شر
بش شو سبب قلة الماي و كيف اتأثر
بش شو سبب قلة الماي و كيف اتأثر
ا
20-09-2005 | 08:58 PM
تسلمين الغاليه ع الرد..
هو ماادري شو سبب قلة الماي بس اللي اعرفه انه الشهر التاسع بين فتره وفتره يقل الماي عشان جي لازم الوحده اتراجع كل اسبوع في التاسع للتاكد من الماي..
هو ماادري شو سبب قلة الماي بس اللي اعرفه انه الشهر التاسع بين فتره وفتره يقل الماي عشان جي لازم الوحده اتراجع كل اسبوع في التاسع للتاكد من الماي..
ب
21-09-2005 | 12:44 AM
الحمدالله على هالخبر الزين ان شالله تولدين بالسلامه وبالنسبه للمويه ايش الحل ؟
ع
21-09-2005 | 02:19 AM
مرحبا يا حوااااااااااااااااااااااامل ,,,
حبيتي العهد الله يقومج بالسلامة وانشاء الله البيبي بخير وماعليه شر ...
والحمد لله ان النتيجة طلعت زينة ...بس حبيت اعرف منج شنو أعراض الألتهاب هذا :s
لأني بصراحة بديت اوسوس..
حبيتي العهد الله يقومج بالسلامة وانشاء الله البيبي بخير وماعليه شر ...
والحمد لله ان النتيجة طلعت زينة ...بس حبيت اعرف منج شنو أعراض الألتهاب هذا :s
لأني بصراحة بديت اوسوس..
ج
21-09-2005 | 02:28 AM
قل لن يصيبنا الا ما كتب الله لنا
انتي فوضي امرج الى الله .. وسمعي كلام الدكاترة .. وان شالله ما يصير الا الخير..
وعسى ان تكرهوا شيئاً وهو خير لكم..
انتي فوضي امرج الى الله .. وسمعي كلام الدكاترة .. وان شالله ما يصير الا الخير..
وعسى ان تكرهوا شيئاً وهو خير لكم..
ا
21-09-2005 | 06:29 PM
هلا اختي عبله...
الصراحه مافيه اي اعراض نهائيا انا كنت مسويه مجرد تحليل دم لانه اشتكي من فقر دم ولازم كل فتره وفتره اسويه..ولما سويته شافوا هاالشي في التحليل بس لما سويته مره ثانيه ماظهر شي...
بس هيه الدكتوره سالتني ..عندك حكه او حبوب ظاهره في المنطقه التناسليه قلتلها لا ...وفحصتني من تحت وشافت انه مافي شي...الحمد الله رب العالمييين..
الصراحه مافيه اي اعراض نهائيا انا كنت مسويه مجرد تحليل دم لانه اشتكي من فقر دم ولازم كل فتره وفتره اسويه..ولما سويته شافوا هاالشي في التحليل بس لما سويته مره ثانيه ماظهر شي...
بس هيه الدكتوره سالتني ..عندك حكه او حبوب ظاهره في المنطقه التناسليه قلتلها لا ...وفحصتني من تحت وشافت انه مافي شي...الحمد الله رب العالمييين..
ع
22-09-2005 | 02:08 AM
مشكورة أختي العهد والله يعطيج الف عافية....
طمنتيني الله يطمنج على نفسج وعلى البيبي ان شاء الله ...
ويقومنا بالسلامة كلنا ياااااااااااااااااارب ..
طمنتيني الله يطمنج على نفسج وعلى البيبي ان شاء الله ...
ويقومنا بالسلامة كلنا ياااااااااااااااااارب ..
ا
22-09-2005 | 09:44 AM
تسلمين الغاليه عبله..
ماتقصرين ..الله يعطيج العافيه..
ماتقصرين ..الله يعطيج العافيه..
b
22-09-2005 | 09:47 AM
صدقيني .. ان الله يغير كل شي بين يوم وليلة ..
انا قالولي لازم تولدين قيصرية .. حزت الولاده خلاص بيدخلوني غرفت العمليات سبحان الله كل شي صار طبيعي .. سبحان الله .. تعرفين اشكثر كنت ادعي في كل صلاتي ...
حبيبتي لا تحاتين ولا توسوسين الي الله كاتبلج بيصير .. توكلي على الله وادعي ان الله ييسر امورج وتولدين بيبي صاحي وانتي تطلعين بسلامة ..
انا قالولي لازم تولدين قيصرية .. حزت الولاده خلاص بيدخلوني غرفت العمليات سبحان الله كل شي صار طبيعي .. سبحان الله .. تعرفين اشكثر كنت ادعي في كل صلاتي ...
حبيبتي لا تحاتين ولا توسوسين الي الله كاتبلج بيصير .. توكلي على الله وادعي ان الله ييسر امورج وتولدين بيبي صاحي وانتي تطلعين بسلامة ..